للأذكياء فقط.. فزورة كنيسة مارمينا!!

تذكير بمساهمة فاتح الموضوع :

للأذكياء فقط.. فزورة كنيسة مارمينا!!







هاااااا.. عرفت مين اللي ورا الأحداث دي؟!!









مسيحية أسلمت.. عادي



دخلت الكنيسة بعد إسلامها.. عادي برضه!!



ذهب وفد من المنطقة السكنية المحيطة بالكنيسة؛ للتفاوض مع قساوستها لمعرفة وضع تلك التي أسلمت.. طب وإيه يعني!!


في هذا الوقت التفّ ناس حول الكنيسة، وبدأوا يرشقونها بالحجارة.. ليييييييييه كده؟!!



فقام شباب الكنيسة بتبادلهم بالرشق.. لأ كده الموضوع كِبر أوي!!



بعدها -وغير معروف السبب- تحوّلت الحجارة إلى قنابل
مولوتوف، وبعد قليل تبادل لإطلاق النار من أسطح المنازل المحيطة بمنطقة
الكنيسة.. والله ما عارف أعلّق وأقول إيه؟؟؟

انتشرت الأخبار في كل جهة بأن تبادل إطلاق النار يتم بين سلفيين وشباب مسيحيين!!

أليس ما سبق هو ملخص للسيناريوهات المختلفة التي رُويت عن حادث كنيسة
مارمينا بإمبابة؟ ألم تلاحظ شيئًا في تسلسل الأحداث؟ أليست هذه الأحداث
بتسلسلها شبيهة بأحداث سابقة مع اختلاف الأسباب؟ ألا تلاحظ أنه في كل
الأحداث ترد الأخبار بأن المعركة تدور بين سلفيين ومسيحيين؟ ألا تلاحظ أن
كل الأحداث الشبيهة بحادث كنيسة مارمينا يبدأ فيها التراشق بالحجارة ثم
التراشق بقنابل الملوتوف ثم تبادل لإطلاق النار؟

هاااا.. فكّر شوية.. تسلسل الأحداث.. هذا التسلسل لم يُذكّرك بشيء؟ لو
عرفت تبقى ذكي.. وأنا متأكّد إنك ذكي جدًا؛ لأنك باختصار شديد.... أنت
مصري..

طب هابسّطها لك..

فاكر أيام ثورة 25 يناير؟!!

فاكر يوم الأربعاء 2 فبراير 2011؟!!

أيوه.. تمام هو زي ما إنت قلت كده.. اليوم بتاع "معركة الجمل".. أو يوم "الأربعاء الدامي"..

طب افتكر معايا هو إيه اللي حصل فيه..

سيبك من موضوع اقتحام الميدان من قبل بلطجية يمتطون جمالاً وخيولاً.. أنا قصدي إيه اللي حصل بعد كده؟!!

مش الموضوع بدأ بناس كانت مؤيّدة لمبارك، بعد كده الناس دي بدأت ترشق
حجارة ورُخام على الثوّار في ميدان التحرير... وبعد كده بقليل تحوّلت
الحجارة إلى قنابل مولوتوف.. بعد كده اتحوّل المولوتوف لضرب نار من على
أسطح العمارات السكنية المحيطة بالميدان وأحد الفنادق القريبة من الميدان..
وأدّى ذلك إلى استشهاد أبطال الثورة.. وإصابة أعداد كثيرة.. مش هو ده اللي
حصل؟!!

هاااا عرفت الحل؟!!

باختصار.. وعلشان ماطوّلش عليك.. مش فيه تشابه شديد بين أحداث يوم
الأربعاء الدامي بميدان التحرير مع أحداث كنيسة مارمينا بإمبابة؟!! وكنيسة
صول بأطفيح وكل أحداث الفتنة الطائفية التي أعقبت ثورة 25 يناير؟!!

طب إحنا عرفنا تقريبا مين اللي كانوا مسلّطين البلطجية يعملوا كده يوم
الأربعاء الدامي في ميدان التحرير.. وهما دلوقتي قدام القضاء.. وعرفنا برضه
إنهم عملوا كده علشان كانوا عايزين الثورة تفشل.. ويستمر نظام مبارك في
حكم البلد وسرقتها ونهبها؛ علشان هما مستفيدين طبعًا من السرقة والنهب ده!!

وبكده.. أكيد عرفنا برضه مين اللي كانوا مخططين ومدبرين لأحداث امبارح
قدام كنيسة مارمينا.. وكل الأحداث اللي زيّها.. وأكيد كمان عرفنا هو غرضهم
من ده.

وأفكّرك بكلمة مبارك قبل ما يتنحّى: "عليكم الاختيار بين الفوضى والأمن".

هاااااا.. عرفت مين اللي ورا الأحداث دي؟!!

اللهم من اراد لبلدنا هذا شرا اللهم فانتقم منه واجعل كيده في نحره و وحد
صفوف المصريين مسلمين ومسيحيين وأدم علينا سترك وأمنك وأجعلنا اخوانا
متحدين والف بين قلوبنا ,اللهم كل من اراد بالاسلام سوءا فرده عليه وانصر
اسلامنا....آمين
أتي الاسلام غريبا ...وسيعود غريبا ...فطوبي للغرباء

وضعت إحداث أمس في إمبابة اللمسات الأخيرة على الصورة الحقيقة لمصر
المقبلة ، وبكل أسى أقول إنها صورة مظلمة وقاتمة لمصير مصر المسلمة
فالمسلمة المختطفة (عبير)لم يتحرك لها مسئول واحد عن كرسيه ولم يجد لها
الإعلام المصري الغارق في أموال الكنيسة وساويرس ولو فمتوثانية ليتساءل عن
مصيرها
وعندما استطاعت إجراء مكالمة بزوجها وأخبرته بمكانها قام بالتوجه
للوزارة الداخلية وتحرير محضر بهذا الخصوص وعندما توجهت الشرطة لتحرير
المختطفة وامتنعت الكنيسة واحتشد الناس انهمرت طلقات الغدر على المسلمين
لمدة خمس ساعات فشل خلالها الجيش والشرطة في مواجهة النصارى عسكريا
عشرات البنادق والرشاشات الإلية وآلاف الطلقات خرجت من الكنيسة والبيوت المجاورة لها وأحرقت كل من وقف أمامها
وفي منصف الليل عندما لم يستطع وزير الداخلية إنكار أن الأسلحة الإلية
انطلقت من الكنيسة والبيوت المجاورة لها قام النصارى بإشعال سريع للنيران
في كنيسة أخرى ليتحول النصارى من جناة مجرمين قساة القلوب إلى ضحية بريئة
تحرق كنائسهم على روؤسهم وهم يصلون
وانبرى إعلام ساويرس يضغط على صور الكنيسة المحروقة حتى ينسى الجميع عزف الرصاص الذي انطلق من الكنيسة الغادرة الفاجرة
والمضحك في الأمر انه بعد قرار تامين الكنائس خرجت فرقة ن الكشافة
الكنيسة بكنيسة العذراء بالوراق بالسيوف والسنج لتغلق شارع الكورنيش
الرئيسي وتتعدي بالضرب على المسلمين المارين في الشارع !!
وليكتمل المشهد المأساوي يبدأ الحديث عن السلفيين ثم عن إشاعة اختطاف
مسلمة وبدلا من صدروا مر عسكري بتفتيش الكنائس ومصادرة الأسلحة المكدسة
داخلها تصدر الأوامر بتامين كل الكنائس على مستوى الجمهورية
وطبعا لن يفوت الشيخ محمدحسان المشهد دون أن يضع عليه لامسته السحرية
التي يؤنب فيها المسلمين لأنهم تجرؤا على المطالبة بتحرير أسيرة مسلمة
ويتحدث الشيخ عن أن مصر ليست ملكا للمسلمين وحدهم ويذكرنا بحرمة الأقباط
وذمتهم !!
وهكذا علقت مصر بأسرها على الصليب
وما بين فجور الكنيسة وتخاذل الدولة وعمالة الإعلام ونفاق البعض بات
مصير المسلمين بمصر اسود وحقوقهم مهدرة وأعراضهم مسلوبة وأخذت خارطة مصر ما
بعد الثورة تتشكل رويدا رويدا على النمط اليوغسلافي المحبب لقلوب نصارى
مصر

طب هو ليه كل اللى بيسلموا سيدات ومفيش رجاله وكمان كلهم بتظهر مشاكلهم ف
نفس ذات الوقت, ربما الست دى تكون إشاعه ومفيش ست ولا حاجه ومجرد فخ عشان
يوقع فيه المسلمين وعموما ندعوا الله ان يعز الاسلام والمسلمين ويرد كيد
الخائنين ف نحورهم

باختصار المسلمين في مصر بيكرهو المسيحين

اعرف الاسلام صح وبعدين اتكلم الاسلام مفهوش كره لاى حد وربنا يهدينا جميعا

أرسلها waheed_tawfek في Sun, 2011-05-08 22:09



في كل هذا مفيش جامع اتحرق يعني أحنا بنسمع تعاليم كتابنا و بنصون العيش والملح الدور والباقي عليكم

ا أخي في الله
من فعل هذا ليس بمسلم ..ان كنت لا تدري ما هو الاسلام فلا تتكلم عنه
الاسلام امن وامان وحب وسلام
وان كنت فكرت بان المسلمين بالفعل يكرهونكم فهل كان من الصعب عليهم ان لا يبقوا منكم احدا !!!!؟؟
اني مسلم والحمد لله لي اصحاب لا تحصي كثره مسيحين احبهم ويحبوني أأمنهم ويأمنوني فوالله هذا هو الاسلام
يا اخ وحيد لا تحكم بغير بصيره فإنها والله عند ربي وربك كبيره ..

لا يا فالح هو كل حاجة فى البلد تبقى ثورة مضادة دول السلفين اللى ورا ده
كلوااساساهم عايزين يولعو فى البلدياجدعان السلفسن دول أصل المصايب وأرجو
من العضو الفاضل اخذ راى لنفسة وبلاش كلمة ثورة مضادة عشان بحد بقت سخيغة
انا بفكر اجيب بنت واسمية ثورة بس مش مضادة ههههههه

طبعا رايك ده عار من الصحه تماما وعلى فكره ده اللى مرجعنا وراااااااا
ببساطه يعنى لو كل حاجه قولنا الفلول والثوره المضاده عمرنا ماهنعرف
الحقيقه اللى واضحه زى الشمس اهالى اتخانقوا مع بعض واللى سخمها السلفين
ومتطرفين من الكنيسه

ربنا يستر على البلد وحتى لو تخطيط اجنبى هيبقه بناس مصرية نفذته البلد بقه
حاله سىء ودلوقتى بقه كل حد عايز يقوم باعمال بلطجة بيعملها والبلد بقت
هيصه

عليا وعلى اعدائي.. الفلوس المنهوبة والسروقة مش تعبانين فيها تستأجر
بلطجية وقناصة حتى وهم بالسجن والافظع اللي لسه برة وخائفين ايدي العدالة
تطولهم لازم يلحقوا يعملو حاجة اقصد يخربوها بس هايروحو فين.. ان ربك
لبالمرصاد ارجو نشرها

الموضوع اكبر من كده بكتير ...
مصـــــر مستهدفة لانها اكبر دولة عربية ...
ده تخطيط خارجي هدفه هو ضياع مصر
ربنا يستر

بطلو تعلقو الهمجيه اللى الشعب فيها والفوضى ان دى من فلول النظام احنا شعب
همجى ومايعرفش يعنى ايه احترام وبعدين هو فين التظام السابق ولا فلوله
وانت ياكاتب المقال ياعم الفقيق والذكى خلى ذكائك دا لنفسك وبطلو بقى
وفكروا بموضوعيه

شماعة النظام القديم وفلول الوطنى واتباع مبارك والكلام ده بقا طعمة وحش
اوى وبصوا وشوفوا البلد فيها ايه دلواتى .. البلد فيها بلاوى سودا ومافيهاش
اى سبل امن ولا امان ولازم يصحوا امصريين ويبطلوا النغمة الكدابة دى اللى
كل ماتحصل كارثة فى البلد يقولوا كده .... لكى الله يا مصر

ياجماعة مش كل حاجة نجيبها علي مبارك ونظامه كدة حرام فكروا من اشعل الثورة
وخلانا نقوم بالثورة دي ما هي دي فتنة برضه واللي بيعمل كدة عايزنا نبقي
كدة نبقي بنكره بعض ويشعل الفتنة بينا دي الحرب اللي امريكا واسرائيل
بتحارب العرب كلهم بيها صدقوني لا مبارك ولا نظامة ليهم يد في اللي حصل
امبارح والفيس بوك والنت سبب لاشعال الفتن لان منع الناس انها تفكر بتسمع
وتنفذ وبس

ودي عرفتها لوحدك دي ماشاء الله إجرام في النباهه
وعلي فكرة في مصادر رسمية بتؤكد ان فلول النظام هما اللي اكلوا الجبنة
بعد ما مبارك قال
الست ملهاش غير بيت جوزها
ياشيخ روح هي ناقصة حرقت دم

ممكن جدا وممكن بلطجيه الحزب الوطني
بس اللي انا متاكد منه ان توقيت الاحداث في الوقت عشان نتيجه واحده
حقوات حمايه الاقليات تخش مصر تحمي النصاري وتخش مصر للفوضي اللي مقدروش يدخلوها بالثوره

بسم الله الرحمن الرحيم
الاجابه ابو تريكه....هههههههههههههه
هقول ايه طيب ما الموضوع باين....ان كل ده من فلول النظام القديم
كله...علشان من ساعة ما مبارك اتنحى اصلا والفوضى اللى هما مدبرنها بدأت
تشتغل صح....والدليل على ده ان الاحداث الفتنه الطائفيه هما اللى بيعلملوها
على طول وهما فى الحكم...وبعد التنحى زاد اكتر ....علشان شافوا المسلمين
والمسيحيين كانوا عاملين ازاى مع بعض فى ميدان التحرير ساعة الثورة مش كان
فى سلم ولا مسيحى كلنا مصريين عايزيين نحمى مصر من الفساد والسرقه وكل
البلاوى دى.....قالوا طيب نعمل ايه ونلهى الناس عن محاكمتنا ونعمل فتنه
بينهم بقى....راح اخترعوا حوارات ان دى اسلمت وده مش عارف ايه...وكلام من
ده...انا عايزه اقول بس ان المسلمين اللى بجد والمسيحيين اللى بجد يحاولوا
مش ينحازوا وراء الكلام ده...ويفضلوا دايما مع بعض....وبكده الناس دى
هتتعقد اكتر واكتر....وعلى فكره انا مسلمه....وبقول ان كل واحد وليه
دينه...انا مسلمه بس برده بعترف بالديانه المسيحيه لانها نازله من عند
ربنا.....ويارب تعــــدى الايـــام دى على خيــــر.....

معلش رأيك ده خليه لنفسك ماتسألش سؤال وتدينا اجابتوه على اساس انك فاهم
أوي ... شوف حل للموضوع بدل ماتعلق اي حاجه على شماعة فلول النظام ....
خلاص مابقاش فيه نظام بقى فيه مصريين وهما إللي بيعملوا كل الحاجات ديه
دلوقتي ... و ياريت تسأل سؤال وتسيب كل واحد يرد على دماغو مش انت إللي
هاتوجه تفكيرنا لحاجه ...

ايه الكلام الفاضي ده ؟؟
لا لا بجد يعني انت مصدق نفسك !؟
مبارك هينزل بلطجيه بعد خطاب اقنع 70 مليون مصري وكمان قناصه !؟
يابني بلاش كلام مش مترتب
حسني مبارك حتى منزلش البلطجيه بتوع موقعه الجمل الي الاخوان نزلو 10 الاف
واحد متدرب يردو عليهم بس قشطه .. المخطط فشل بسبب قوه سواعد الاخوان
حسني مبارك كان عنده ثقه في ان الشعب همجي وانتو مش قادرين تصدقو انو همجي
بس معلهش بكره تفتكر لما فلول النظام كلها تموت ويبقى ال...

..ويبقى الهمج ..صح ؟؟!! ارحم ضميرك من الكلام الفارغ ده .. المصريين عمرهم
ما كانوا همج .. النبى شهد لهم انهم ناس فى رباط وانت بتقول همج ..
المطلوب : نصدق كلام النبى ولا .. الهمج ؟؟؟

بصراحه اكيد دول بقايا اعداء الثورة وبيتنكرو ورا ستاره اسمها السلفيين
وهما لا سلفيين ولاحاجه كل ده تمويه عشان يلخمو الناس عن اهداف الثورة
ياترى ميييييييييييييييييييين؟عشان اليومين دول الحكم على حسنى واتباعه
شوشرة يعنى من الآخر ويلهو الشعب فى حاجات تانيه