راجع نفسك ..............

الخاطرة الأولى

كاشف المستور ولا ساتر المكشوف؟

اسمع كلامي وافهم ما بين السطور وصحصح
دي مذكراتي تاريخ حياتي انا اسمي شارك والأب صح
وقبل قولي لربي حامد واديا مادد بدعائي أنجح
أهدي صلاتي مع سلامي على محمد و أهل بيته وقلبي يفرح
وعلي
نكمل الرحلات ولسه احنا في أولها
ومعايا منتديات هصلحها بإذن الله وناولها
وناوي النية من قلبي يكون هدفي أزيل ليلها
ويطلع صبحها يشقشق بمنهج ربها تفرق
ما بين الحق والباطل ولو تفضل كما هي
يا ألف خسارة يا ويلها
******
شارك صح : (يقول للمنتديات) في حد هناك اهو قاعد ورا الشاشة يسجل لك .. تعالي نشوفه ايه هدفه ؟ ويمكن نلقى ف كلامه سبب اللي بيحصلك
المنتديات : تعالى نسأله يمكن يريح قلبي ويطمني ونلقى عنده خيط من نور
شاركصح : (يقرب من العضو) سلام الله يا صحبي عليك والرحمة والبركات
كاشفالمستور : سلام نعم في ايه .. ايوها خدمات ؟
شاركصح : نحب نمسي نتعرف .. وبيك يا صحبي نتشرف .
كاشفالمستور : نتعرف ؟ صحبك ؟ وتطلع مين يا عم انت ؟ مهيس ؟ ولا بتهرتل ؟
شارك صح : شارك هو دا اسمي وابويا صح هو اسمه ..
كاشف المستور : ومين دي ؟ (يقصد المنتديات)
المنتديات : أنا دنيا وفيها حضرتك عايش ومتظبط على الآخر ..
شارك صح : متخلص وقول اسمك من الآخر ..
كاشف المستور : هقول اسمي .... المستغطي بكشفه .. والمستخبي بعرفه .. غاوي ادعبس .. والاكتشاف للفضايح لعبتي عرفتها كويس .. يعني الفضيحة لو في الضلام برمي عليها النور .. وعشان كدا سموني .. كاشف المستور
شارك صح : يا لطيف اللطف يا رب ..ماشي يا كاشف ممكن تقول وتعرفنا ايه هدفك ؟ ايه نيتك من قعدتك قصاد نتك ؟
كاشف المستور : ما انا قولتك .. يييييييييييه هتطير الاصطباحة ..
المنتديات : لا لا ولا تزعل .. بس قولي لغاية امتى هتخلي دنيتي لنيتك ساحة؟
شارك صح : يا كاشف هتسمعني ؟ وأنا بوعد يكون قولي بسيط وبالراحة .
(تظهر شخصية تهمس في أذن كاشف)
شوشو الأنتيم : يا كاشف كبر الجي وروق الدي وسيبك من الناس دهي .
شارك صح : يا كاشف ربك الستير بيسترنا ولو نغلط
شوشوالأنتيم : يا كاشف ارمي جوه البير كلامه .. تعالى نخش على المستور ونبلبط.
شاركصح : وقولي غلطت كام غلطة وما فضحك .. ؟
شوشوالأنتيم : يا كاشف اوعى تسمعله دا هيغمك .. اقولك نكته؟ تيجيي نضحك؟
شاركصح : يا كاشف انت ليه سارح وليه مش راضي تسمعني؟
كاشفالمستور : (يضحك) معاك معلش بصراحة انتيمي محذرني أسمعلك فتخدعني
المنتديات : انتيمك؟ وايه اسمه ؟
كاشفالمستور: شوشو انتيمي صحبي اللي دايماً مظبطني

شارك والمنتديات

: شوشو؟

كاشفالمستور : ايوه شوشو اللي بكلمة يرحني وبكلمة يلخبطني

شوشوالانتيم : بس يا عم على اسمي متقولوش ويلا بسرعة في فضيحة على منتدى الفنكوش
كاشفالمستور : فين فين ؟ وديني بسرعة .. أنا همشي وفايتكم ..
شوشوالانتيم : يلا اكتب .. دبليو دبليو دبليو فنكوشي ودوت كوم
شاركصح : يعني النية في فضيحة نزود كشفها بايدنا؟ وهل دا يرضي رب الناس ؟ وهل دا يرضي رسول الله ؟ وهل دا يعلي في بلدنا ؟
كاشفالمستور : انت بتقول ايه؟
شوشوالانتيم : آه يا ابن الايه .. هتأثر عليه ..
شارك صح : وداخل ليه تدور ليه على فضيحة .. وايه هتشوف ؟ مصايب ناس؟ جرايم ناس ؟ ودنيا كلها قبيحة؟
كاشفالمستور : هو فضول مش اكتر ..
شوشوالانتيم : يا لهويييييييي يا خبتييييييييي .. الواد دا بينه متأثر .
شاركصح : اللي يراقب الناس يا كاشف بيتغم .. والأهم .. فضولك ف دينك فضولك في علم يفيدك .. سيبك من شوشو انتيمك دا شر بيجري ف وريدك ..
كاشفالمستور : خلاص م اليوم دا مفيش نت ولا منتديات .
المنتديات : ليه يا صحبي ؟ دا انا فيا العلوم والدين والعِبرات
كاشف المستور : وشوشو دا هيسبني في حالي ..
شوشو الأنتيم : يا عبيط ضحكوا عليك .. وأنا مالي.
شاركصح : شوشو ديته آية الكرسي .. قوم اتوضا صلي جدد النية على شط الأمان ارسي..
شوشوالانتيم : رايح فين ؟
كاشفالمستور : (يبدأ في قراءة آية الكرسي) أعوذ بالله من الشيطان الرجيم "الله لا إله إلا هو الحي القيوم لا تأخذه سنة و لا نوم له ما في السمو'ت و ما فيالأرض من ذا الذي يشفع عنده إلا بإذنه يعلم ما بين أيديهم و ما خلفهم و لا يحيطونبشيء من علمه إلا بما شاء و سع كرسيه السماوات و الأرض و لا يئوده حفظهما و هو العليالعظيم"
شوشوالأنتيم : آآآآآآآآآآآه .. كده يا صحبي تحرقني وتخزيني ؟
شاركصح : تمام يا ساتر المكشوف .. وقوم صلي وقول يا ربي اهديني.
ساترالمكشوف : خلاص يا شارك يا ابن عم صح .. أوعدك وأوعد المنتديات إني مش هدور غير على كل صح.. واشارك م اليوم دا صح.
شاركصح : قول ورايا ...
ساترالمكشوف : ورايا ..
شاركصح : لا لا ... ردد ورايا اللي هقوله .. مش راح أروشن ولا راح أهيس أنا م اليوم دا هبقى كويس
ساتر : مش راح اروشن ولا راح أهيس أنا م اليوم دا هبقى كويس (يكررها)

المنتديات : ياااااااااه .. ربنا يفتح عليك جددت نيته وهدفه وخزيت انتيمه اللئيم

شاركصح : أعوذ بالله من الشيطان الرجيم ..يلا بينا نكمل بين الكواكب وسط الظلام والنور
المنتديات : يلا بينا نركب تاني السفينة اكسبلور ...
شاركصح.. إن ضياع النية يؤدى إلى ضياع الهدف وبالتالي يكون المرء عرضة لمخاطر الوقوع فى المعصيات ..

راجع نيتك سجلها في قلبك وأشهد الله عز وجل عليها

قبل أن تضغط على أيقونة التسجيل
سل نفسك دائماً .. لماذا أنا هنا

بسم الله الرحمن الرحيم

جـــــرين
صـــأحبه الاسلوب المميز

موضوع جامد وكلام فيه مليون معنى وهدف

وطريقه الموضوع بجد جديده وجميله جداجدا يا جرين

وعندك حق فى كل كلمه مش عارفه ايه المنفعه من خبر فضيحه مش عارف مين

او شوف فلان بيعمل ايه طريقه وحشه للدعايه لمنتدى

بس بجد تسلم ايدك على الموضوع

تقبلى مرورى

نـــــأصرى للابد

يااااااه يا جرين

تعرفى

فى ناس كتيرة اووى بتبقي قاصدة من دخولها المنتديات الشتيمة والاهانه

حلو اووى التعبيرات بتاعت شارك صح والمنتديات وشوشو وساتر الكشوف

عجبنى اسمهم اوى على فكرة

بس بمعنى القصة دى ليها معانى كتيرة اووى للى يتعمق جواها وهو بيقراءها

تسلمى جوجو

تسلم طارق لمرورك بالموضوع

فعلا قصة فى غاية المرح وهادفة ومفيدة جدا

انا عن نفسى استفدت منها كتير

تسلم هنو لمرورك

اية رايك فى شوشو الانتيم دة هههههههه

هو اللى كان هيفرق بينا وبين احلى اخوات فى منتدانا الجميل

بس الحمد لله حرقناة باية الكرسى

ربنا يديم الحب والاخوة مابينا يارب

منورين يا جماعة

يارب يا جوجو يارب يكون فعلا مش زعلانه مننا

حقك علينا كلنا

بنا مايجيب بينا زعل تانى يارب

كل سنة واحنا طيبين

بسم الله الرحمن الرحيم

جــــــــــــــــــرين وانتى طيبه طول عمر قلبك كبير

نــــــــــأصرى للابد

هههههههههههه وانتى تيبه جوجوووووووو

وعقبال ماتكبري وتبقي قرد ههههههههههه

او شمبنزى هههههههههههههه

دمك خيف لدرجة لا تتخيلها

رهيبة اوى الكلمة دى

هقعد اضحك عليها اسبوع

ضح متواصل

اضحكو يا عيال معايا

هه