حب النت حقيقي ولا خيال ؟

السلام عليكم ورحمه الله وبركاته

طبعا الموضوع باين من عنوانه

انا الموضوع دة انا منقلتوش من مكان او اى حاجة من دى

بس هى مجرد اسئلة موجودة فى زاكرتى ونفسي اعرف جوابها معاكم

لان فى كتير بيقولو ان انا قلبي حجر او متحجر بعض الشئ على حاجات معينه

بس انا مش شايفة نفسي كدة

انا شايفة انى ممكن اكون متحفظة شوية لكن مش قلب ميت زي مابيقولو عنى

اى حد بيتكلم معايا شوية وبعد شوية يقولى انو بيحبنى او بيحاول يعمى اى موقف يقول فية انه بيحبنى وانا اصده

بيرجع يقولى انى متحجرة او يقولى قلبي ميت

عشان كدة انا جيت بموضوع ونفسي الكل يجاوبنى فيه

احنا لية يا بنات قلوبنا اتحجرت مابقناش نحس ولا مافيش حب عشان نحس بية من الاساس

انا هبدئ معاكم موضوع ويايت اشوف تفاعلكم معايا

حب النت

هل هو فعلا حب واقعي ؟

ام هو وهم ؟

ام مجرد انجذاب للشخصيه؟

انتوا ايه رايكم؟

مستنيه ردودكم معايا

تقبلو تحياتى

يسلمو دندنه على طرحك السؤال ده

انا من رائي ان علاقات النت عمرها قصير

وعلاقات الحب بالذات مش بدوم كتير ... خصوصا لو الشخصين بعاد عن بعض

وكل واحد في بلد .. الحب احساس مشاعر مشاركه مش مجرد كلام

لازم تحس بالحب مع الشخص اللي حبيته وقت الفرح يضحك معاك وقت الزعل يمسح دمعتك .. الحب تبادل مشاعر حقيقيه وصادقه

لكن من ورى شاشه مظنش يدوم ممكن يكون مجرد اعجاب مش اكتر

يسلمووو دندون على الموضوع الجميل

بصراحه انتى نازلة بكام موضوع عاجبنى اوى وحاسس انهم عاملين ضجه فى المنتدى ههههههههههه

انا من رايي ان كتير اوى علاقات النت بتكون احلى واوفي من العلاقات الى خارج النت

اينعم مابنشوفش بعض بس فى روح واحساس بينا ويمكن فى اوقات العلاقات الخارجيه فى الحب بتكون اضعف واقل من علاقة النت بكتير

انا عن نفسي انا اصلا حب عمرى من النت وان شاء الله ربنا يجمعنا فى بيت واحد يارب

بس اهم حاجة انها ترضي عنى لانى بجد مابشوفش غيرها فى حياتى

يسلمووووو يا قمرى على الموضوع الجميل

لكى حبي

يسلمو دندن

حب النت مجرد وهم كبييييييييييييييييييير

الحب مش مجرد مشاعر واحاسيس
وقلبك يدق تك تك تك لما تشوفية وخلاص

لا ابدا
عمر الحب ماكان كدة

انتى بتحب شخص ما

لازم تكونى عارفة عنو كل حاجة

واقل مافيها شكلو

مش من وراء الشاشة زى مشاعر ماقالت

تانى حاجة لازم عشان الحب ينجح تكون متوفرة لية كل الظروف

زى المستوى المادى
والاجتماعى وكالظروف باكملها

لازم نحكم القلب والعقل

ممكن بيكون فية ساعات طيش او جنون ويتهيالك فعلا انك بنحبى الشخص دة

لظروف خاصة عندك

بس اقولك نصيحة

اوزعى تصارحية بحبك

اوعى تقولى كلمة بحبك

لانك اكيد فى يوم من الايام هتندمى انك قولتيها لية

الكلمة دى يا دندن غالية جدا

ياريت تتقال فى الوقت المناسب
وللشخص اللى فعلا يستحقها

يسلمو يا قمر وتقبلى مرورى

يلهووووى يا جرين

انتى بتحرضيى الكل على كدة

هبلغ عنك ههههههههههه

انا مش معاكم ياجماعه فى كل الكلام

انا عندى الحب بيكون مشاعر واحساس واية المشكلة من ورا شاشه بس اوقات كتيرة اوى العلاقة بتنجح

انا عندى صحاب كتير متجوزين من على النت وفى حياتهم زى الفل

وكانو ف الاول بيقولو زيكم كدة

بس لما عرفو بعض عشقو بعض

وبتمنى انى ماكونش تقليدي واتجوز الجوازة بتاعت جدتى وجدتكم وجواز صالونات

لانى ماحبش اكون عادى زى الناس التقليديين

تسلمى ياقمرى ع المرور

احنا مش بننكر ان الحب مشاعر واحاسيس

احنا بس او انا بس بقول ان المشاعر والاحاسيس مش كل حاجة فى الحب

تيب اقولك
ممكن جدااااا تلاقى اتنين بيحبوا بعض جدا

بس الظروف والواقع رافض حبهم دة

هل هيستمر؟
وان استمر فترة هل هينجح؟
النجاح اللى بيكون نهايتة بيت واسرة؟

ماعتقدش دة

وكمان ممكن اوى تلاقى اتنين بيحبوا بعض

ظروفهم تسمح وكل حاجة انهم يرتبطو

بس مافيش بينهم نصيب

ربنا مش كاتبلهم انهم يكونوا لبعض

ساعتها بئا تقدر تقولى يا حدق ممكن يعملوا اية؟؟؟

بس كنت عايزة اقول لدندن حاجة

انتى مش متحجرة ولا حاجة

واللى بيقول عليكى كدة بيكون مش تمام

لانة عايزك تهزرى وتتمايعى معاة
وانتى شكلك محافظة على نفسك كويس

فسبية يخبط راسة فى اجمد حيط يقبلة

وبعدين من حقنا فى الزمن دة مش نامن لاى حد والسلام

ماحنا بنلاقى الواحد بيقول كلام زى العسل
وتانى يوم يقول نفس الكلام لالف واحدة غيرى

يبا لازم نكون حذرين جدااااااااااااااااااا

على فكرة انا كنت زيك كدة بالظبط ايام الجامعة

والحمد لله طبعا دة احسن اسلوب تتعاملى بية مع اى شاب

يسلموووو ياقمر على موضوعك بجد عجبنى جداااااااااااااااااااااا

على فكرة جرين انا كمان الموضوع لافتنى اوى وبجد حلو اوى

بس هقولك حاجة

احنا كلنا طبعا بنامن بحاجة اسمها قسمة ونصيب

بس فى حاجة اسمها اسعي يا عبد وانا اسعى وراك

يعنى لو انا عايز بنت هفضل وراها لحد ما اخدها

وبردو لو بنت عايزة ولد هتفضل لحد ماتاخده

هتقولى نصيبهم انهم يبقو كدة

بس لو فكرتى كويس ان هما بردو سعو فى الموضوع لحد ماوصلو لبعض

وعلى فكرة انا مش عشان دن او حاجة والله

انا فعلا بحس ان قلبها متحجر اوى يعنى حتى لما اجى اكلمها شوية اقولها مثلا انا مرتبط بفلانه مثلا

هى بحس انها فهمانى كويس اوووووى وبحس كمان انها بتقدر تحل اى مشكلة بيني وبين اى حد وكانها عاشت فى الموقف دة مليون مرة

انا بتعجبنى دماغها اوى بجد

تفكيرها ناضج وكبير وبحس انها مش مجرد اخت لا دى ام او صديقة جامدة اوى

ربنا مايحرمنى منكم ابدا

تقبلو مرورى

حبيت بس اوضح مقولة اسعى ياعبد وانا اسعى معاك

سؤال :

هل يجوز قول "اسعى يا عبدي وأنا أسعى معاك"؟

الجواب :
لو قال مثلا: "اسعَ يا عبدي فلن تسعى إلا بإذني."
"اسعَ ياعبدي واسألني التوفيق"
"اسعَ يا عبدي واستعن بي أبارك سعيك"
"اسعَ يا عبدي ولا تنسَ ذكري"
"اسعَ يا عبدي وتوكل علي"
"اعقلها وتوكل"
"اسعَ يا عبدي وسلني أعطِك"
"اسعَ يا عبدي فإن خزائني لمن يسعى"
أو نحو ذلك مما يجعل العبد يفعل متوكلا، والرب يعطي ويبارك ويسهل؛ فهو يوافق النصوص الشرعية.
أما أن يكون "اسعى وأسعى معك" فيجعل سعي الله في معية سعي العبد وتبعا لها؛ فلا يصلح ولا يوافق العقيدة وليس من الأدب. فسعي العبد يقع بإذن الله وخلقه ومشيئته أصلا. والمقصود أن من يسعى متوكلا يعطيه الله تعالى، ومن يترك السعي تواكلا يحرم من العطاء.
غير أن العبارة أطلقها كما يبدو عامي لا يعرف معاني الشرع. وأحسن شيء أن يقال "اسعَ يا عبدي وتوكل علي أبارك سعيك"

فضيلة الشيخ/ حامد بن عبد الله العلي

__________________

hy ilmawdo3 lafatni fa habit ahot rad 3alih
boso ya gama3 bsaraha ana ma3a Mr hany fi hob mni net wi hob sadik wi anjah min ino ykon 2orbik lama tla2i hadi fahmik winti fahmah mathibihoch lama tla2i hadi byiseal 3anik wi mich nasiki mathibihoch lama tla2i hada hasis biki winti hasa bih mathibihoch lama tla2i lwahid byi3raf inti bitfakari f ih wi 3ayza t2oli ih wi kaman 3arif inti bithibi ih wi btikrahi ih winti kaman bizima mathibihoch ya nas ilhob mabyi3rafch lamakan wala zaman wala fawari2 madiya wala gtima3iya zayi ma2olti ya grren ya gama3a fi hob mni net sada2oni wi hob sadi2
merci kaman mara 3almawdo3 ya dndna

انا شفت الموضوع ده من البدايه

وكنت عايزه اعرف ارائكم بالموضوع ده

انا من رايى يا دندنه ان قلبك مش متحجر بالعكس مفيش بنت بالدنيا

مش بتاثر فيها الكلمه الحلوه و ان حد يعجب بيها

كمان تفكيرك جرين منطقى جدا وصحيح وبجد كلامك انتى ومشاعر

دليل على انكو بنات واعيين جداا وعقلكو كبير

بس انا من رايى ان فى حب عالنت لكن ممكن تكونو ما قابلتوش الانسان ده عالنت

كمان مش معنى ان حد جه قلى بحبك انى احبه لانه مش بيدك

الحب مش مشروع يا جرين علشان انا اخططله هيمشى ازاى

ولا هوا بيدنا يا مشاعر علشان نتحكم بالشخص اللى اخترناه

الحب زى السحر اجمل من انك توصفيه بكلمه او اتنين

احساس بيتملكك من غير ازن

بعدين لو جينا للواقع زى منتو بتقولو فى كتير علاقات بتكون فيس تو فيس ورغم كدا بتفشل

كتير جوازات بتفشل قبل حتى ما تبتدى وبكون متحضرلها كويس

دى كلها حاجات مرتبطه بالقسمه والنصيب

لكن الحب بالذات حاجه بتحسيها ما نملكش الخيار فيها

وان شاء الله تقابلو الانسان اللى تحبوه ساعتها هتعرفو معنى كلامى وتفتكروه

وصدقونى هيجى لحد عندكو ومش معنى ان محصلش نصيب مع الانسان اللى حبتوه

ان احنا نندم او نحسس نفسنا بالزنب اننا حبينا لان القسمه والنصيب بيد ربنا سبحانه وتعالى

بس زى ما قال هانى وسهام اجمل ما فى الدنيا انك تلاقى حد يحس بيكى وبفرحك وحزنك

حتى من قبل ما تتكلمى تحسى بقربه منك رغم البعد ده كلو

تتلاقا روحك وروحه وتتالف حتى من قبل متشوفيه ويشوفك

تحياتى ليكو جميعا ودمتم فى قلوب محبيكم

45645