اتق ربنا وحاول بكل الطرق تقنع أهلها

اتق ربنا وحاول بكل الطرق تقنع أهلها







مش قادر أرتاح من التفكير فيها كمان هي كل ما أقول هانسى ألاقيها بترجع تكلّمني








السلام عليكم.. أنا حبيت أسلوب الموقع في الإقناع، بس حسيت إن
فيه آراء مختلفة جدا في الموقع ده، المهم مش هاطوّل عليكم أنا بجد واقع في
مشكلة مالهاش حل، وحاولت ألاقي حلول مش عارف لمّا خلاص نِفسي حد يحس بيّ
وينصحني.

أنا مشكلتي بتتلخص في الآتي.. أنا شاب مصري (24 سنة) بس
عايش بالخليج؛ يعني بقالي حوالي سنتين بالخليج، في الفترة الأخيرة اتعرّفت
على بنت خليجية من خلال علاقاتي في المجتمع ده، وبصراحة العلاقة كانت في
الأول عادية جدا، وأكتر من عادية.

وفجأة حسيت إني باتشدّ ليها من
غير ما آخد بالي، وبدأ الموضوع برسائل على التليفون، بعدين بقينا بنطمّن
على بعض كل يوم، وبدأ يكون في اهتمام لحد ما خرجنا مع بعض في مواعيد
عاطفية؛ يعني مقابلتنا بدأت بعد شهرين من معرفتي بيها، وبعد المقابلة بدأت
هي تحبّني وتتعلّق بيّ، وكمان في المقابلات اللي بعد كده بدأنا نحب بعض
أوي، وأنا كمان حبيتها أوي واتعلّقت بيها، وشفت فيها فتاة أحلامي، وأنا
عارف إن مش معقول أهلها هيوافقوا بفكرة الارتباط كمان هي عارفة كده، وقلبي
اتعلّق بيها، وباتمنّى أتجوّزها وهي كمان، بس فعلا في مشكلة في الارتباط؛
نظرا لاختلاف الجنسيات والثقافات، وبقينا نتعامل بجد زي الأزواج.

أنا
آسف إني باقول الكلام ده، بس هي دي الحقيقة كاملة، وعلى فكرة ما بقيتش
عارف أركّز في شغلي، ونفسي أرتاح، ومش قادر أرتاح من التفكير فيها كمان هي
كل ما أقول هانسى ألاقيها بترجع تكلّمني وتحنن قلبي، وأنا مش عايز أصدّها؛
لأني بحبها.. يا ريت تردّوا عليّ بجد أنا خلاص هتجنن.