اللي حصل كان بإرادتك.. وطبيعي أهله ما يقبلوكيش زوجة لابنهما

اللي حصل كان بإرادتك.. وطبيعي أهله ما يقبلوكيش زوجة لابنهما










خطيبي بِعِد عني وبقى قاسي عليّ








أنا كنت مخطوبة عن حب، وكنا بنخاف على بعض أوي، وحصلت مشاكل
بينّا كتير؛ لكن حبنا اتغلب على صعوبات الحياة.. وأنا كنت بنت ضعيفة قدام
أي حد يعاملني حلو، أو يبقى حنيّن معايا؛ لأني ماكنتش لاقية الحنان
والاهتمام من أهلي، وغلطت كتير؛ بس خطيبي سامحني كتير، ووقف قدام أهله عشان
يخطبني.. وهو ليه أخ في السجن، وأخوه ماكانش راضي بجوازنا عشان سمع عني
كلام وحش؛ بس أنا اتغيرت عشان خطيبي لأني حبيته بجد.

المهم في يوم صاحب خطيبي كلمني، وقال لي كلام وحش عن خطيبي؛ إنه
بيصاحب بنات مش كويسة، وبيعمل حاجات تغضب ربنا، ووقّع بالفعل بيني وبين
خطيبي، ورُحت قلت لخطيبي.. وراح هو عوّر صاحبه.

المهم.. المشكلة إن خطيبي دخل عليّ من غير جواز، وأنا كنت حامل
منه، وأمه لما عرفت أصرّت إني أنزّل البيبي؛ عشان كان فيه ظروف، وماكانش
ينفع نتجوز في الوقت الحالي.

خطيبي بِعِد عني، وبقى قاسي عليّ، واتغير من ناحيتي، وأنا حاسة
إنه بطّل يحبني زي الأول، وأنا غصب عني كلمت شباب تانيين غيره، لقيت معاهم
المعاملة الكويسة والكلام الحلو والحنان، وخطيبي عرف وسابني.

أنا مش قادرة أنسى صورته، دايماً في خيالي، ومش عارفة أعمل إيه؛ مع العلم إن أهلي عارفين اللي حصل بيني وبين خطيبي.


R.M





لو عايز تفضفض لنا دوس هنا