توبتِك النصوحة هتمحي سيئاتِك.. صارحي أهلك واطلبي معونتهم

توبتِك النصوحة هتمحي سيئاتِك.. صارحي أهلك واطلبي معونتهم







أهون عليّ أموت ولا إني أنزل من نظر خطيبي








أنا كنت بحب واحد، وفعلاً أقدر أقول إنه ضحك عليّ وخلّاني أعمل
حاجات مش طبيعتي، وحاجات مش كويسة، وندمت والحمد لله وتُبت، وقلت له كده
فزعل، وربنا جابها من عنده، ومامته قالت له يبعد عني عشان دراسته.

وربنا كرمني بشخص يصوني ويحبني ويخاف عليّ بكل المعاني،
ويعوّضني عن كل اللي شُفته، وباحمد ربنا إني عرفته؛ بس دلوقتي باقول يا
ريتني ما عرفته!!

الشخص اللي حبيته زمان عاوز مني أرجع؛ وبيطلب مني طلبات إننا
نتكلم وإنه يشوفني، ولما رفضت وشتمته اتصل تاني يهددني ويقول لي: مكالمتنا
كلها متسجلة.

اللي تعبني بجد إنه هددني يوصّل كل ده لخطيبي.. وخطيبي أهون عليّ أموت ولا إني أقلّ في نظره لأني مقدرش أستغنى عنه.

أنا مش عارفة أعمل إيه؛ بس قلت للتاني: اعمل اللي إنت عاوزه، وقلت: أنا تُبت وربنا هو اللي هيحميني من شره.

أنا عارفة إني غلطت كتير، وعارفة إن ربنا مش هيسامحني بسهولة،
ويمكن ده انتقام منه؛ بس بجد باتمنى إني أموت، ولا إن خطيبي يعرف حاجة من
كل ده.

أرجوكم أفيدوني لأني بجد متدمرة أوي.


Love died


لو عايز تفضفض لنا دوس هنا