لا هو جوزك ولا إنتِ من صلبه.. وجواز مش هيتجوزك

لا هو جوزك ولا إنتِ من صلبه.. وجواز مش هيتجوزك







خايفة إن أهله مايوافقوش عليّ








أنا بحب واحد أوي، وحاسة إنه كل حاجة عندي، وهو كمان بيحبني؛
بس إحنا كلامنا بدأ يتطور بطريقة غريبة؛ يعني بقينا نتكلم كلام اللي بين
المتجوزين، وبدأ يطلب مني بوسة أو حضن؛ بس عمره ما طلب إني أقابله في مكان
لوحدنا أو كلام من ده.

بس أنا خايفة إن اللي حصل معاه يوصّل له إني مش كويسة أو كده؛
برغم إنه عارف إن كلامي معاه بيكون -وربنا أعلم- علشان بحبه، وحاسة إنه
جوزي، وهو كمان بيقول لي إنه حاسس إني حتة منه وإني من صلبه.

أنا مش عارفة إن كان الكلام ده عادي بينا ولا كده غلط؟ على
فكرة أنا متأكدة إنه بيحبني بجد، وكلها 6 شهور بالكتير، وييجي يتقدم لي؛
بس إحنا مستنين لما أخوه الكبير يتجوز، علشان ماينفعش يتجوز وأخوه لسه
ماتجوزش علشان هم عايشين في بلد فلاحين، ودي عاداتهم.

وكمان أنا خايفة إن أهله مايوافقوش عليّ؛ لأني عايشة حياتي
بحرية، وبالبس براحتي، وده عيب عندهم.. وهو بيحاول يغيّر طريقة لبسي
وكلامي ومشيتي، وكل حاجة علشان مايسيبش فرصة لأهله إنهم يرفضوا.. يا ريت
تعرّوفني أعمل إيه، أنا بجد محتارة، وطلبت منه إننا ننسى بعض قبل كده؛ بس
هو رفض رأيكم.. أعمل إيه؟


Sh.no


لو عايز تفضفض لنا دوس هنا