مشاعره باردة وأنا كان نفسي أعيش إحساس الحب في الحلال

مشاعره باردة وأنا كان نفسي أعيش إحساس الحب في الحلال







ساعات كتير بيبقى جواي إحساس إنه ارتبط بيّ عشان يريح دماغه من زنّ أهله على دماغه








أنا عندي 22 سنة، اتخطبت لواحد معرفة
أهلي، جواز صالونات يعني، لأني الحمد لله أعرف ربنا وماكانش ينفع أرتبط
غير بالطريقة دي، ومش عندي تجارب..

المهم إني زي أي بنت في الدنيا نفسي أحب، وأعتقد إن ده من حقي. بس مع الأسف أنا أصلا مش عارفة أفهم شخصية خطيبي إزاي.

هو
عملي زيادة عن اللزوم وبيكلمني مرة واحدة في اليوم، مش عارفة ده بخل ولّا
إهمال ولّا تنفيض، ولّا أنا مش داخلة دماغه؟.. وفي نفس الوقت ماصارحتهوش
بكل ده لأن لو بعد كل ده اهتم بيّ مش هيبقى الاهتمام ده ليه طعم، لأن أنا
اللي لفتّ نظره، يعني هابقى شَحَتّ منه الحب اللي أنا محتاجاه..

وساعات
كتير بيبقى جواي إحساس إنه ارتبط بيّ عشان يريح دماغه من زنّ أهله على
دماغه.. نفسهم يفرحوا بيه والكلام ده.. والمشكلة كمان إنه لما حتى بيقولّي
وحشتيني بابقى حاسة إنها كلمة باردة طالعة من لسانه مش من قلبه، يعني اللي
بيوحشه حد بيحب يسمع صوته، لكن ده بيفضل اليوم كله مايتكلمش، وييجي يقولّي
وحشتيني! طب ماهو معاه التليفون ما اتصلش ليه؟

وبعدين ماسمعش عن
اختراع الرسايل أو حتى الرنات؟ حتى يحسسني بوجوده من غير ما أسمع صوته ولا
أكلفه.. والأزمة إني لما ببصّ في عينيه باحس إنها إزاز، مافيهاش أدنى
مشاعر..

أنا كنت فاكرة إني لما أتخطب هاعيش أدفى إحساس وأجمل مشاعر، بس بجد أنا مصدومة ومش عارفة أكمل ولّا أبعد..؟

الحياة
كده بقت كلها ملل ملل قاتل.. الحياة بيني وبينه ساكتة واقفة حاسة إننا
عندنا خرس زوجي. بجد نفسي أعيش إحساس الحب، بس في الحلال..

عشان خاطر ربنا ردوا عليّ أعمل إيه؟؟

[center]ممممممممممم
انا شايفة يا قمر ان دا طبع فية هو متعود على كدة فى حياتة
يبقى نعمل اية نحاول نغير الطبع دا
ازاى بانك تحتوية تحسسية انو محتاجك اما يبعد يفتقدك
اى حاجة حتى ولو بسيطة
انتى لو متعودة كل يوم الصبح تاخديى كباية ماية اول ما تصحى لو يوم نسيتى
حتحسى ان فى حاجة نقصاكى فهمانى
ممكن تبدأى انتى توصلى احساسك ولازم حيبادلك دا
زى مانتى حاسة ان احساسو مش صادق هو كمان حيحس ان احساسك صادق
ولازم حيبادلك دا
وادعى ربنا بقى مقلب القلوب :)[/center]

اختى العزيزة سيبك منه الانسان اللى متحسيش منه بالحب والسعادة والاهتمام
فترة الخطوبة يبقى عمره ما حتشوفى الحاجات دى

بعد كده لانه مفيش حد
االيومين دول ميعرفش المفروض حيعمل ايه فترة الخطوبة وكمان فيه اختراع
اسمه نت ومحمول

وتلفزيون وغيره بيعلم الحاجات دى والمفروض انه دى اجمل
مرحلة فى حياة الانسان ولو حصل انه جالك عقدة من خطوبة

الشاب ده وبالذات
انك من غير تجارب حيعمل الموضوع ده مشاكل ليكى فى الارتباط باى شخص بعد
كده والخلاصة :


انتى شايفة انه مش مرتحاله ومش حاسة معاه بالالفة والسعادة فشكلى الخطوبة
وهى كده كده خطوبة يعنى (فترة تعارف)

مش اكتر مجدش حيخسر حاجة .



تحياتى ليكي وتقبلي ودى