يا مصر هانت لتميم البرغوثي

أحدث قصائد تميم البرغوثي

يامصر هانت وبانت كلها كام يوم...
نهارنا نادي ونهار الندل مش باين
الدولة مفضلش منها إلا حبة شوم..
لو مش مصدق تعالي علي الميدان عاين
ياناس مفيش حاكم إلا من خيال محكوم..
واللي هيقعد في بيته بعدها خاين
اللي هيعقد كأنه سلم التانين
للأمن بأدية وقاله هما ساكنين فين..
وصلت لضرب الرصاص علي الخلق في الميادين
حتى الجثث حجزوها اكمنهم خايفين..
يامصر أصبحنا أحياء وميتين مساجين
فاللي هيقعد في بيته يبقى مش مفهوم..
واللي هينزل الهي حارسه و صاين
يامصر هانت وبانت كلها كام يوم..
نهارنا نادي ونهار الندل مش باين.
نهارنا نادي وبأيدينا علي فكرة..
الصبح عنده فضول راح نعمل إية بكرة.
إيده علي الباب وخايف يلمس الأكرة..
ادخل ياأستاذ براحتك والبلد حرة.
إحنا زهقنا نشوف الصبح من برة..
ادخل وخرج بقايا العتمة بالمرة.
الناس ديه حرة وجنود الأمن مضطرة..
ياصبح طلعت روحنا لجل تيجي ياخي.
طالعين نجبيها أهوا فى كل حارة وحى..
حتى لو ضربونا بالرصاص الحي.
شوف المداين كدة مفروشة خلق وضي..
دايما مفاجأة ودايما وقتها معلوم.
الحكم لينا وليك الحق يامداين..
يامصر هانت وبانت كلها كام يوم .
نهارنا نادي ونهار الندل مش باين..
ياصف عسكر بدل الدرع شيلو اثنين.
25 يناير ياشباب فاكرين..
كان فيه انجليزو وزير الداخلية تخين...
كان عنده برده عساكر زيكم جامدين.
سابهم يموتوا علولا لو سأل فيهم..
كانوا شبهكم اساميكم اساميهم.
ياعسكري البهوات اللي بتحميهم..
ممكن يردوا عليك لما تناديهم ؟؟؟
ياعسكري أنا أصلي بس بستغرب..
لو لاقي تأكل وتشرب قوم ياعم اضرب !!!
اضرب عشان الوزير من ضربتك يطرب..
لكن هتشتغل اية لما الوزير يهرب.
أما الشديد القوي القادر أبو القادر..
برميل تلامة نشع علي مصر من الآخر.
لو شفته معددة تكتب ادب ساخر..
ثابت يقول للهرم ياكابتن اتاخر.
ولم يزل معتقد ان الهرم هيقوم..
ادي الحجر والبشر قايمين ياسيد القوم.
والدين هيترد ياللي عشت متداين..
يامصر هانت وبانت كلها كام يوم.
نهارنا نادي ونهار الندل مش باين..
ده حكم أسرة ولا خوفو ولا خفرع.
ولا وجع بطن يتعالج بزيت خروع..
عمل مسوجر بعيد عنك ولايطلع.
جربنا فيه كل شىء ملقينا شىء ينفع..
منفعش بالأدوية جربنا ألف طبيب..
ولا بعطارة شيوخ ليهم بلح وزبيب.
ولا بجحفل مغولى وضرب بالقباقيب..
عمل مسوجر وسفلي شغل تل أبيب.
وشغل أمريكا متغلف وختمة عليه..
ضيف زارنا ياعم من غير دعوة لابس بيه.
قاعد 30 سنة مبيقولش قاعد لية..
والنية يديها لابنه النابغة بعديه.
ويقول قضا وقدر بين البشر محتوم..
قولناله طيب ومين قال للقدر معلوم.
واش عرفك يافخمتك بالذي كاين..
يامصر هانت وبانت كلها كام يوم..
نهارنا نادي ونهار الندل مش باين.

اللللللللللله يا مشااااااااااعر روووووووووعة

انا عندى واحد بيغنيها بصوت رهيييييييييييييييييييييييييب تستمتعى بجد منا لموسيقي والصووووووووووووووووت

يسلمو ياقمرررررررررررررررر

زغرتي
يا ام منصور .... 77% قالوا نعم لتعديل الدستور

زغرتي يا أم مروة ....
راحت كل إنجازات الثورة

زغرتي يا أم حمدان .... بكرة هيمسكونا الإخوان

...زغرتي يا أم حبيب ... شبابنا من بكرة هيلبس جلاليب

......زغرتي يا ام
آيات .... بناتنا من بكرة هيلبسوا عبايات

...زغرتي يا أم ريمون ..... اللي
قالوا لأ طلعوا 4 مليون

يامصر هانت وبانت كلها كام يوم..
نهارنا نادي ونهار الندل مش باين

مشكوره يا مشمشه

يسلمووو رائع