كلام من القلب

احيانا بس نيجي نكتب شي بنكون حاسينو , ما بنلاقي الا الحروف ضاعت والكلمات هربت واتلبكت الايد والقلم صار يرجف , يمكن لانو الكلمات عنجد طالعة من القلب وما بدها اتكون الا للقلب مو على ورق, احيانا بنحب نكتب بخط ابيض على صفحة بيضة حتى اتضل الكلمات سر بينا وبين الدفتر, واحيانا بنمشي تحت المطر حتى نبكي وما حد يعرف عن دمعاتنا ,بس الشي الوحيد اللي ما رح نقدر انخبيه هو الشوق لانسان طال غيابو كتير ,واحنا لساتنا بنفس المكان مش قادرين نوصلو ولا حتى نسمع همسة منو, يمكن الالم صار شي طبيعي بحياتنا , والاه صارت من اجمل كلماتنا ,بس مهما كان بيضل الامل انو نتلاقى من جديد ,لانو اليوم ممكن انكون للحبيب بس بكرة رح انكون للتراب عالاكيد ,هادي كلمات من القلب ,كتبتها عيون حزينة,