مشروع هيهز الوطن العربى

محتاجالك...مشروع هيهز الوطن العربي!!
اسم السلسلة: يالا بينا

مصر محتاجالك...وبلدك محتاجالك..مشروع هيهز الوطن العربي

مصر سوريا لبنان العراق الأردن أي بلد عربي..فيها شباب..والشباب هما الأمة كلها
وعلشان الأمة تنهض بجد..عايزين الشباب دي تفهم بجد أن الوقت هو أهم مشروع في الحياة
علشان نقوم من تاني..لازم ننظم وقتنا...في الصين عشان منظمين نجحوا وتفوقوا..لكن أحنا عشان بنقوم براحتنا وبنكسل حتى نقوم بالليل نجيب كوباية مياة..هنفضل في مكاننا
المشكلة مش تنظيم الوقت وبس..لأ المشكلة كمان إن مافيش صدق التوكل على الله..وفي تواكل على الله بمعني ان الواحد يقعد في مكانه وعايز كل حاجة تجيله وتتحققله.. لأ مش ده التوكل..التوكل أنك تعمل حساب كل حاجة وتسعى وتروح وتيجي وتذاكر وتقول توكلت على الله ... ساعتها ربنا هيحققلك أكثر ما انت بتتمنى
بس أنت أولاً ثق في الله..توكل على الله ..خذ بأسباب السعي والنجاح...
والمشروع بتاعنا بإختصار : بدايته تنظيم الوقت
نظم وقتك ... وابدأ يومك بمعاد...أصحى في معاد واحد وأصحى بدري...الصينين نجحوا عشان بدأوا يومهم بعد الفجر..وكيف لا ينجحوا وقد قال رسول الله صلى الله عليه وسلم عن هذا الوقت ...البركة في البكور
اصحى بمعاد..أكتب كل يوم هتعمل إيه؟؟ هتنجز إيه يومياً...سواء كنت عامل أو مهندس أو طالب أو مدير أو صاحب عمل أو أو أو.............
أبدأ يومك أنك تسمع قرآن أو تقرأ قرآن أو تحفظ قرآن وخصص من وقتك وقت للقرآن ولو ربع ساعة يومياً بيها يومك يبدأ ببركة من ربنا إن شاء الله
ما تنساش الصلاة في معادها...قال تعالى : إن الصلاة كانت على المؤمنين كتاباً موقوتا
شوف لما تنظم مواعيدك كلها
بالنسبة للأكل هتبقى معدتك مرتاحة ووقت النوم مش هيجيلك أرق لأنك واكل في توقيت صح
الرياضة : لازم يكون في حياتك رياضة وتنظمها يومياً
الصلاة وقراءة القرآن والأذكار
في المقابل هتلاقي أنك أنجزت يومياً في شغلك في دراستك في أبداعك في كتاباتك في كل شيء
لانك مانسيتش أمك مراتك اختك..مانسيتش صلة الرحم
مانسيتش أصحابك مانسيتش تخرج ترفه عن نفسك
والأهم مانسيتش ربك مانسيتش صلاتك والقرآن
هتلاقي حياتك سعيدة وأنجزت فيها كثير كثير...وهنبقى ناس تانية
حد هيقول ياعني انت عايزنا نمشي بالورقة والقلم...؟؟؟؟
وليه لأ مدام طريقة مشروعة بيها نوصل للي أحنا عايزينه وأكثر
وبيها الأمة بجد تنهض...في كل المجالات
لو كنت كده بجد يبقى أنت مصري بجد أردني بجد سعودي بجد وكل الدول العربية
لو مشينا على مبدأ المشروع بتاع تنظيم الوقت هنبقى حاجة تانية..حتى ولو اتقال علينا ماشين بالورقة والقلم
وإيه يعني يتقال....وهي الناس بتبطل كلام...فتتكلم وأحنا بننجز وبنعمل وبنخترع وبنبتكر
أحسن ما تتكلم على هيافتنا وكسلنا وتأخرنا وتتريق علينا
وكلمة مشهورة أوي نقولها في نهاية المقال : مش كدة ولا إيه!!!
في انتظار آرائكم وأيضاً تقيم المقال إذا كان يستحق

يعطيكي العافية جرين

موضوع مميز بجد بارك الله فيكي