المقال ( شخابيط منطقية ) الاسبوعي

المقال ( شخابيط منطقية ) الاسبوعي

بسم الله الرحمن الرحيم

منذ فترة طويلة لم أكتب هنا فى هذه القسم
جئت لكم
بمجموعة من المقالات التى كتبتها من قبل ونشرتها فى أماكن متفرقة
أتمنى أن تنال إعجابكم وأتمنى أن أستطيع المواظبة على كتابتها
أترككم مع المقال
تنسيقه كما اتفقنا من قبل فى معرض الكتاب

المقال ( شخابيط منطقية ) الاسبوعي 43484

( شخابيط منطقية)
فجأة كده وبدون سابق انذار قررت انى اكتب تانى
بعدفترة انقطاع وخصام وزعل مابينى ومابين الكتابة مش عارف ليه
بس كانت بتحصل حاجة غريبة جدا فى الفترة اللى فاتت
انى دايما كانت بتيجى فى دماغى افكار مواضيع كتير جدا
بس مبيكونش لى نفس انى اكتب من غير سبب
وطبعا عنوان المقالة غريب بس هو حلو وعاجبنى
حد عندو مانع!!!!؟؟؟؟؟
طيب !!!!!!
نشد خط ونبدأ من اول السطر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
فى حاجات كتير اوى محيرانى واعتقد
ان الحاجات دى بتضايقنى انا لوحدى ومحدش بيعترض على الحاجات دى
الايام دى زاد معدل الهرتلة فى البلد ومعدل التصرفات الغير منطقية
واحد رذل هيسألنى ازاى يعنى ؟
اقوله انى ملاحظ تصرفات واشكال غريبة جدا
كل واحد او اوحدة ماشى فى الشارع او فى اى مواصلة
معجب او معجبه جدا بنفسه او بنفسها
تلاقى الشاب من دول يا خويا محسسك انه مفيش زيه ومجبيتوش ولادة
وهو اساسا كله على بعضه ميسواش بصلة
وياسلام بقى لما يفتح بقه ويبدأ يتكلم
تحس ان انت هيحصلك شلل رباعى
مابين كل كلمتين تلاتة يرطن كلمة انجلش
مكنش عندى اعتراض ف الاول لو كان تعليمه كده او ثقافته كده
انما توصل للدبلون ويعملوا كده
ده كتير عليا والمشكلة انه بيقول الكلام غلط اساسا
ما احنا كنا لغات ومعملناش كده !!!! حكم
نيجى بقى لنوع تانى من المشاهدات اللى بتحرق دمى
اه والله اصل المشكلة ان انا بفكر ودى ازمة فى الايا م دى
تلاقى شوية شباب قاعدين فى الجامعة
والمفترض انهم ذكور وخلوا بالكوا من الكلمة دى كويس اوى

المقال ( شخابيط منطقية ) الاسبوعي 17-11-2008%20tadamone

المقال ( شخابيط منطقية ) الاسبوعي 17-11-2008%20tadamone

تلاقيه واقف بيتمايص زى البنات بالظبط
اه والله زى البنات لدرجة انك ممكن تعاكسه
وطبعا النوع ده بيلم حواليه بنات كتير اوى
حاجة تكسف !!!!
نيجى بقى للجنس اللطيف علشان محدش يقول عليا متعصب او رجعى
البنت من دول يا خويا فاكره نفسها ملكة جمال الكون

وصدقت فعلا مقولة واحد صاحبى
لما قالى ان اى بنت فى الدنيا حتى لوكانت عفشة
بتتخيل انها ملكة جمال وان العادى والطبيعى جدا ان براد بيت ييجى كل يوم الصبح يعاكسها
ويرجع تانى على هوليوود بشوف شغله
منين الثقة العمياء دى؟

المقال ( شخابيط منطقية ) الاسبوعي Hegab4236869081

المقال ( شخابيط منطقية ) الاسبوعي Hegab4236869081

مش دى المشكلة
طبعا بقت الموضه دلوقتى ياولاد
ان البنات هى اللى بتعاكس الولاد او الشباب
وطبعا لو انت متعرفش كده يبقى انت اولد فاشون ومش اب داتيد
فسيب نفسك خالص وانت هتتظبط وهتبقى زى الفل
وعلى رأى عصام كاريكا لما قال كله بالحنيه بيفك !!!!!
وخاصة ان فيه نوع من البنات تحس انهم كلهم استمبه واحده
البنطلون الشتريتش اللى انت عارفه ده
ومن تحت البالانيلا فى قول أخر ( الباليرينا) اللى بتبقى فى الغالب من نفس لون الشنطة والطرحة لو الموزة محجبه

المقال ( شخابيط منطقية ) الاسبوعي 1249803816_grande-1527965-2038673

المقال ( شخابيط منطقية ) الاسبوعي 1249803816_grande-1527965-2038673

اما لو كانت خالعه رأسها يبقى من نفس لون الشنطة
وتمشى بقى يابوب فى شارع جامعة الدول عند ابومازن كده
وكأنها ليندسى لوهان او كاميورن دياز مصر
حاجة تفقع !!!!!!!!!
نشد خط كمان لو سمحتوا
شدوا معايا .........
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
التدخل فى امور الغير بقى سمة سائدة فى هذا العصر
وبالذات فى مصر وده شىء مش لطيف خالص

المقال ( شخابيط منطقية ) الاسبوعي Shitannnn2

المقال ( شخابيط منطقية ) الاسبوعي Shitannnn2

كل يوم بعد ما بخلص الشغل
احيانا بحب اقرأ اى حاجة وانا واقف ف المترو
ساعات بتكون رواية او جورنال
عربى او انجلش على حد السواء
طبعا لما كنت بمسك اى حاجة فيها انجلش
كانت بتبقى جريمة ارتكبتها فى حق ركاب المترو اجمعين
واستحق عليها العقوبة بداية من مصمصة الشفايف من الستات العواجيز
الى نظرات البلاهة وعدم الفهم من بعض الركاب
الى لمحات الدهشة والاستغراب والاستنكار من البعض الاخر
يالهوووووووى
ماسك كتاب انجليزى ف قلب المترو
ياقلبك !!!!!!!
مرة كنت قاعد ف المترو وزهقان
وكنت ماسك ف ايدى الاهرام ويكلى
طبعا كانت جريمة زى ماسبق وقولت
واحد كان قاعد جنبى وكان عمال يبحلق جامد اوى فيا وفى الجورنال
وبعدين قطع على حبل القرأة بمقص الرخامة والتباته وقلة الذوق
وسألنى هو اللى فى الصورة ده الشيخ القرضاوى
قلت له اه
سألنى تانى طب هو ايه اللى جايبه فى جورنال انجليزى ؟
قلتله معلش ظروف بقى ياهندسة
لأن مكنش عندى بال انى اشرحله ان ده حوار معمول مع فضيلة الشيخ ومترجم

المقال ( شخابيط منطقية ) الاسبوعي Notebookpc05qp0

المقال ( شخابيط منطقية ) الاسبوعي Notebookpc05qp0

فى أوروبا و الدول المتقدمة بيقرأوا جرائد فى اى وقت فراغ و ماحدش بيستغرب

ومن ساعتها حصلت لى بعض المواقف الشبيهة
بطلت اعمل الموضوع ده خالص واشتريت ام بى 4
طبعا برده كان لازم يكون فيه تعليقات اكيد
انا بعد الشغل بروح الجيم اتمرن
فبحط السماعات فى ودانى واتمشى شويه
واحد من الاصدقاء ف المنطقة لازم برخامة يسألك
هو انت علطول حاطط السماعات دى
وانت مالللللللللللللللللللللللللللللللللللللللللللللللل لللللللللللللللللللللللللللللللك
هى كانت ودانك ولا ودانى
حاجة اومليت والله!

المقال ( شخابيط منطقية ) الاسبوعي 2326940d98829298ff

المقال ( شخابيط منطقية ) الاسبوعي 2326940d98829298ff

وهشد كمان خط علشان انا اتخنقت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
من العادى ومن الطبيعى جدا
انك تعيش سنك وتشوف حياتك
بس مش من العادى او المنطقى انك تعيش على اللى حوااليك
وتعمل فيها ابو العريف دايما والعالم ببواطن الامور
وانت اساسا بطيخة كبيرة اوى
وكمان بطيخة قرعه .... ايه رأيك بقى
مش لازم تشارك برأيك المبجل فى كل صغيرة وكبيرة من اجل الجدل وبس
مش لازم تقعد تتكلم على الفاضية والمليانه ونفسى مرة نتعلم نسع اكتر ما بنتكلم
ماهو ربنا خلق لنا ودانين اتنين وخلق لنا بق واحد
تفتكروا بالفكاكة والفهلوة ليه؟
اللى يجاوب يتصل على زيرو تسعماية

بس خلاص كفاية كده النهاردة !!!!!!!!!! انا تعبت

أتمنى يكون المقال أعجبكم
وان شاء الله انتظرونا فى الاسبوع المقبل مع المقال الجديد
ألقاكم على خير المقال ( شخابيط منطقية ) الاسبوعي Love