تراك اخطيت بفراقك ولو ماتعتذر معذور

كتبتك للغلا نبض ونثرتك فـي الخيـال شعـور
ورسمتك صورةٍ فـي داخـل عيونـي معلّقهـا

نسجت اسمك بقلبي وانت حرفك من ذهب محفور
عطيتك كلمـةٍ والله لغيـرك مااقـدر انطقهـا

احبك ايه احبك ايه احب وفيـك انـا مغـرور
احاسيسي تجاهـك داخـل اعماقـي موثّقهـا

ولك في خاطري قصه كتبت حروفها مـن نـور
وشمسٍ كل ماغابـت اناظـر فيـك مشرقهـا

تراك اخطيت بفراقك ولـو ماتعتـذر معـذور
وانا وشلون ابزعل وانـت حاميهـا وسارقهـا! \

انا حبيتك بطوعي وصرت اليـوم بـك مجبـور
انا مااقولهـا نـادم .. جروحـي ذي حقايقهـا

اشوف الحب في عينك بساتيـنٍ بـدون زهـور
وقلبٍ يلمـس الغيمـه .. ولايقـوى يعانقهـا

معك قلبي قضى عمره ولاقد جاه منـك قصـور
سوى انك ناويٍ روحي بعد وصلـك تفارقهـا

ولولا ان العمر يمشي واخاف ان السنين تـدور
لاقول اني احبك موت ولْـك الـروح سايقهـا

قصيدي له بحر واهداب عينك للقصيـد بحـور
ابي قبل النجاة اغرَق ، بيدْك الـروح واغرِقهـا!