هو احنا ليه بنعذب نفسنا و نحب من طرف واحد

هو احنا ليه بنعذب نفسنا و نحب من طرف واحد



هو ليه دايماً عندنا كرم في مشاعرنا ؟!!!!!!!!!!!!!!!!!!



ليه لما نقابل شخص و نعجب بيه و نحبه نكون مستعدين ندي له عمرنا ، حتى لو مش حاسس بينا و لا واخد باله مننا و

لا فارقين معاه أصلاً ؟! و مع ذلك بنفضل مستمرين في تضييع مشاعرنا ، و مستمرين نوظف إحساسنا في المكان



الغلط ، و مع الشخص الغلط ؟! ليه نفضل حاطين عنينا عليه طول اليوم ، مع إنه مااهتمش حتى يقول لنا صباح الخير

ليه لما نشوفه جسمنا يتنفض و نسمع دقات قلبنا حققت رقم قياسي ، و هو واقف قدامنا و كأنه مش شايف حد



ليه يشغل بالنا ليل نهار و احنا مش متأكدين حتى إنه فاكر اسمنا ؟!!!!!

ليه نفضل سهرانين طول الليل في البلكونة مستنين منه طلة أو نشوفه داخل أو



خارج و هو كل مرة بيخرج يقفل البلكونة بعد ما يقول لنا مساء الخير بعد اذنك

ليه نفضل طول اليوم بنفكر له إزاي يطور شغله و إزاي يبني مستقبله ، و هو عمره ما سألنا و لا عاملين إيه

في شغلنا ؟!!!!!!!!!!!!!!!



ليه دايماً عندنا إحساس إن عدم اتصاله بينا عشان رقمنا ضاع منه ، و هو هيموت و يلاقيه ؟! ليه بنطير من الفرح أول ما

بنشوف اسمه ظهر على الموبايل و هو عمره ما اتصل بينا غير عشان يسألنا عن حاجة ؟! ليه بنعتبر نظرته لينا دي أكبر

أمنياتنا ، و يا سلاااااااااام لو ضحك !!!!!!!!



ليه عمره ما علق على لبسنا أو شكلنا الجديد ، و مع ذلك بنحضر لليوم اللي هيشوفنا فيه قبلها بيومين ؟!!!!!!!!!

ليه دايماً نشكر و نمدح فيه ، و هو عمره ما قال لنا كلمة حلوة ؟! ليه دايماً هو أول واحد نفكر نبعت له رسالة في كل

مناسبة ، و هو نادراً ما بيرد عليها ؟! ليه كل ما بيغلط في حقنا بنخلق له ألف عذر و سبب من غير ما هو حتى يتكلم ،



و كأننا مش عايزين نتعبه بالاعتذار ؟!!!!!!!!!!

ليه احنا دايماً شايفينه نازل من السماء و هو على طول شايف كل تصرفاتنا غلط ؟! ليه دايماً بنقدم سعادته على

حسابنا ؟! ليه بنحاول دايماً نهرج معاه و هو مصمم يخلي كلامه رسمي ؟! ليه مابننساش أي لحظة أو موقف بينا ، و

هو مش فاكر اتعرفنا على بعض ازاي ؟!!!!!!!!!!

ليه دايماً نكون أول حد يجيب له هدية في عيد ميلاده و هو عمره ما سألنا عن عيد ميلادنا إمتى ؟! ليه بيتأخر عن



مواعيدنا و احنا بنكون جايين قبلها بساعة ، و بمجرد ما بنشوفه بننسى الوقفة لساعات في الشمس ؟! ليه دايماً

بنكون مش عايزينه يعيب عن عنينا لحظة ، و هو دايماً شغله و التزاماته أهم ؟!!!!!!!!!!!

ليه دايماً بنكون حريصين نسمع صوته و نتطمن عليه كل شوية ؟! ليه بنفضل على كده لحد ما يجيي يوم يقابلنا في



الشارع ، و يقولنا " إن شاء الله هتبارك لي قريب " فنرسم على وشوشنا ابتسامة مفضوحة و نقول له " بس ابقى

اعزمنا " .

هو احنا ليه بنعذب نفسنا و نحب من طرف واحد



حب من طرف خايب





الموضوع مش بعبر عنى انما طرحته للنقاش

منتظره ردودكم

السلام عليكم ورحمة الله وبركتة

&
&

تسلم الايدي رورو علي الموضوع والنقاش الرائع دا

اكيد طبعنا كل واحد بيسل نفسة ليا ولية ولية

بس اكيد الحب من طرف واحد بيكون في شوية
حاجة متغيرة في الاحساس والمشاعر والترابط العاطفي
بس هي ظروف متواقعة ام لا
يعني متلا انا البنت الي كنت خاطبها قبل كدا كنت اعرفها من طرف واحد
بس مكنتش حاطط دا في دمغي الاول
بس دا ممكن واقعني في غلط لاني مفهمتهاش علي طبعتها كويس
ثاني مقدرتش ادخل قلبها واعرف الي هي عوزة غير بعد فترة طويلة
يمكن انا لو كنت عرفتها لوحدي مش من طرف حد يمكن كنت عرفتها بسرعة وعرفت طبعها واخلاقها الغليظة مش البارزة
واكيد كانت في حاجة كتيرر هتتغير
بس انا جربت وانصدمت وعرفت وحسيت واتاكدت اني
الحب من طرف واحد يكون حب فاشل
يارب ما اكون طولت عليكم

تقبلي مروري

تسلمى رورو يا قمرررررررررر

بس اقولك حاجه لما الواحد بيحب مش بيشوف غير الشخص اللى بيحبو

احسن واعظم واحد فى العالم ومن الرغم من كل اللى انتى بتقوليه الا اننا بنفضل نحب الشخص بردو

بس بنعذب نفسنا فعلا ويا سلام بقى لو حبيتى واحد ورحتى زى الهبله قولتيلو انا بحبك وهو بقى يحساسك انك

انتى الانسانه اللى كان بيدور عليها بس الظروف او هو مش عاوز يظلمك معايا انا لسه مشوارى طويل

وبعد ده كله تفضلى لسه بتحبى وخدى الصدمه الكبيره بعد مالك كده تسمعى مش تبركى لافلان ليه

اصله خطب عقبالك وانتى طبعا هاتك يا عياط وبردووووووووووووو لسه بتحبى

طولت عليكو معلش

انتا صح يا ميدو

يا اما تعمل حاجه علشان تثبت انك بتحب او متحبش خالص من البدايه

وتعزب نفسك وتعذب ناس تانيه معاك

انا معاك يا تامر ساعات كتير بننخدع بالمظاهر واللسان الحلو

بس لما تقرب من الشخص ده بتتفاجىء ان بنى ادم تانى

غير اللى كنت راسمله صوره بدماغك

معلش يا تامر ان شاء الله ربنا يرزقك بالاحسن منها

اما انتى بقا يا مزتى مشكلتنا اننا صعب نتقبل رفض الاخرين لينا

بنصدق المبررات بتاعتهم زى مشوارى طويل وغيره وغيره

وبنشيل من دماغنا ان ممكن احنا مش بدماغهم وهما مش عايزين يخسرونا او يجرحونا

انا عن نفسى افضل ان الشخص ده يقولى

انتى مثلا قيمتك عندى كزا احسن ما يوهمنى بمبررات واعذار ملهاش معنى

وبكدا هيكون بيجرحنى اكتر واكتر

معلش طولت عليكو

نورتونى يا جماعه بجد

تسلمى يا قمرررررررررررر


بس انا فعلا معاكو بكل الكلام اللى انتو قولتلو


واكتر واكتر بائد لو حد اعترفلك او اعترفتلك بحبها بلاش تجامل وتدى الانسان اوالانسانه اللى ادامك امل


حاول توصل انك مرتبط او اى مبرر يخالى الانسان ده ميتمداش فى حبه ليك ساعتها هيكون الجرح اهون بكتيرررررررررر

ويلا هنقول ايه هى دى الحياه مش كل واحد بيتمنى حاجه بيا خدها ولا بيوصلها

وربنا يوفق الجميع ومعلش طولت عليكوووووووووووووووووووووووووووووووووو


تقبلو مرورى للمره التانيه

مشكوره يا قمر

يا قلبى انتى خدى راحتك ده بيتك وموضوعك

منورانى وسعيده جدا بردك

اسمحولى اتدخل فى كلامكم مره ثانيه



اما معترض على كلامك يا نانا عشان حاجه واحده انتى ممكن تقولى للشخص اللى عايز يرتبط بيكى مثلا او بيحبك او معجب بيكى تقوليله انك مرتبطه او كده عشان تخليه يبعد عنك مظنش انه هيبعد


هيحاول يقرب منك ويعمل المستحيل كمان عشان يوصل لقلبك ويكون هو الفائز الاول بيه

وصدقينى لو الشخص ده فعلا بيحبك هيعمل اى شىء عشان يرضيكى واوعى تخسريه حتى لو ظروفه مكنتش تسمح انه يتزوج فى وقتها بس اقفى جنبه بحماسك ليه ارفعى معنوياته صدقينى فى مثلا بنقولوا



خد اللى تحبك ومتخدش اللى بتحبها



وطبعا بينطبق علينا جميعا سواء بنات او ولاد



بس الاهم لو جالك الحب ده وطبعا تكونى متأكده انه حب


صدقينى اوعى تضيعيه لانك هتفضلى ندمانه طول عمرك



انا عارف ان يمكن فى اختلاف فى كلامى دلوقتتى والكلام اللى فوق بس صدقينى الموضوع كله متصل ببعضه



انا عارف انى بطول عليكم بكلامى بس معلش

مشكور ميدو

بس صدقنى فى الاخر هو النصيب