قصيدة تبكي الي مايبكي

السلام عليكم ورحمة الله وبركاتة


المؤثرة الي والله اشوف فيها مضمون يهز الافئدة ويحرك ضمير والقلب كل شخص مقصر في حق قريب لة او حتى لة فية علاقة معرفة قصيدة يرددها كل من في المستشفى فهي قصيدة على لسان سيدة وقورة ترقد احد المستشفيات منذ سنوات قصتها مبكية الحقيقة 000
تقول هذة السيدة قبل سنوات جاء زوجي وطلب مني اروح معاة السوق وقال لي اشتري الي تبين وباي سعر واشتريت افخم الثياب واجملها وجميع مستلزمات البيت وغيرة 00 ورجعت للبيت مسرورة وفرحانة 00
فجآة 000 قال لي كل هالاغراض مو لك 00
هذي لزوجتي الجديدة وانتي طالق 000
بعد هاالحادثة اصيبت الزوجة بجلطة وغيبوبة جلست في المستشفى 000
ولا احد يزورها غير اخ لها زارها كم مرة وبعدين بطل لما طالت المدة ولا زالت موجودة في المستشفى والكل يعرفها وحافظ قصائدها وكلماتها ولما تسألها عن قصتها تبكي بحرقة وتردد قصائد توجع القلب لكنها ولهانة حيل على اولادها ولا تدري عنهم شي فالكل هجرها 0000


وهذة احد قصائدها تقول فيها


تكفين ياطيور حرام افزعيلـــــي
ابي عن ديار الاهل منك اخبار
تكفين حومي حولهم وارجعي لي
والا ان حصل لك حومة داخل الدار
تكفين حول ابيوتهم دوريلـــــــي
سبعة فروخ يوم اخليهم صغار
شوفي ضناي وعودي وانكفي لي
واشلونهم ياعلهم صاروا كبار
نسيوا دفاي ونومهم في شليلـــي
وش علمهم ياعلهم طول الاعمار
قولي لهم ان امكم لة عويلـــــــــي
خمسة سنين دمعها دوم مدرار
وقولي لهم اني على طول ليلــــي
انوح وليا قرب الصبح انهـــــار
وقولي عيونة دايم لة هميلـــــــــي
تبكي ليا شافت من الناس زوار
كل يوم اقول اغدي احدهم يجي لي
راحت سنين مابهم واحــــــد زار
وانا الي لي من سبة سوات الحليلــــي
حال ترد كل مالة وتنهــــــــار
وفرقى ضناي الي تردت بحيلـــــــــــي
كني على شوفتهم اصلي على النار
ياويلي كان الله عجل رحيلـــــــــــــي
وانا لي سنين ابي لو هي اخبار
ياعونة الله الله من يبي يتكي لـــــــي
جارت علي بامر الولي كل الاقدار
تنكروا من يدخلون الدخيلـــــــــــــــي
والي بوسط ديارهم يامن الجار
قولي لهم ياطيور قلبي عليلــــــــي
الله يكافي قلوبهم صارت حجار
وانا الي لبراق الخيال استخيلـــــي
واقول ياعل (0000) للامطــــــار
تكفين وسط ديارهم صوتي لــــــي
شوفي عسى لاسمي مع الناس تذكار
وقولي لمن نسيناهم يستحيلـــــــي
يالي نسيتوها ترى الوقت دوار
ياهية يالي بالسمالك هديلـــــــــي
ردي خبر تكفين يكفيني امرار
شوفي اكاا للي نومهم في شليلي
من اذانة المغرب الى وقت الاسحار
شوفي اكاا للي ماهتني في مقيلي
الا بمقيل معهم كبار وصغـــــــار
وقولي لهم ان كان حملي ثقيلـــــــي
مرة يجون وعقبها شي ماصــــار
وانا يتولاني كريم جليلـــــــــــــي
ياعلني في جنة وسط الابرار


للامــــــــانة منـقـــــــول