M!$ DNDNA إلـٌ‘ـمـٌ‘ـديـٌ‘ـر إلـٌ‘ـعـٌ‘ـآم
• تـآريـخ إلـتـسـجـيـل : 08/09/2008 • تـــآريــخ إلـمـيــلآد : 01/10/1985 • عــــدد إلــرســآيـــل : 3392 • إلـــعـــمـــــــــــــــر : 38 • تــقــيـيـم إلـعـضـــو : 15477 • إلـسـمـعــــــــــــــــه : 5 • إلــحـــــــآلـــــــــــــة : • إلــــمـــهـــنــــــــــــه : • هـــــوآيــــتــــى : • مـــزآجــك إلـــيــــوم : • إعـتـرآضــــــــــــــآت : RoMaNcE MaGrOoO7 • إلآوســــــمــــــــــــــه :
| موضوع: إبراهيم و ياسمين - لقطة الجمعة مارس 20, 2009 7:02 pm | |
| اللى يفتكر إن إبراهيم و ياسمين عاشوا حياتهم فى سعادة دائمة أكيد غلطان
دى لقطة لفترة من فترات التوتر اللى مرت بيها علاقتهم أثناء فترة الخطوبة
موبايل إبراهيم يرن
إبراهيم يرد : الو
ياسمين : إزيك
إبراهيم : معلش إتأخرت عليكى شوية , سورى إتأخرت كنت بره فى الصالة
ياسمين : ولا يهمك ,(بعصبية) أيه يعنى تليفونك كان مقفول طول اليوم
إبراهيم : عادى يعنى التليفونات طول عمرها بتتقفل علشان ماتتسرقش , كل الحكاية إنى قفلت التليفون و نسيت المفتاح برة
ياسمين : لأ والله أيه خفة الدم اللى نزلت على أمك فجأة دى
إبراهيم : يا ستى كل الحكاية إنى خلصت شغل بدرى النهارده و رجعت تعبان , نمت على طول مش على عرض حتى هاهاها حلوة دى هه
ياسمين : خلصت بدرى الشغل و رجعت تعبان , مممم شكلك بتحور يا هيمة , أنا كلمتك مية مرة أول ما صحيت من النوم وقبل ما أدخل
السينما و بعد ما طلعت من السينما , كلمتك وانا ساندة بضهرى على سور حديد وورايا يافطة طامو (بنرفذة)
كل شوية أطلبك كل شوية والولية الباردة تقولى ربما يكون مغلقاً ربما يكون مغلقاً
إبراهيم : غريبة كل ده ممم
ياسمين : مالك شكلك مش مظبوط يا هيمة
إبراهيم : لأ والله أنا عندى بس إتنين أصحابى قاعدين بنلعب بلاى إستيشن , شريف و مارك مانتى عارفاهم
ياسمين تصمت لحظة : مش عارفة كده يا إبراهيم عندى إحساس بس يا رب يكون إحساسى غلط
إبراهيم فى ترقب : فيه أيه يا ياسمين , قولى اللى حاسة بيه
ياسمين : حاسة إنك بتتقطع يا إبراهيم , حاسة إنك مش عارف تكسب ولا ماتش
إبراهيم فى حزن : أنا كنت عرف إنه حيبان من صوتى و إنك حتقفيشينى
ياسمين : شكلك بتلعب بإيطاليا
إبراهيم لا يرد
ياسمين فى غضب : يبقى بتلعب بإيطاليا , يا حول الله يا رب , يا إبنى قولتلك مية مرة إلعب بالبرازيل علشان تكسب اللعيبة
بتوعها بيجروا بسرعة و بيشوطوا جامد
إبراهيم يقهقهه فجأة
ياسمين : مالك يا إبن فايزة بتضحك كده ليه زى الحلوف
إبراهيم : لأ أصلك العيال بيلموا الحاجة وماشيين بس أيه ده دول زعلانين من بعض ولا أيه دول ماشيين جنب بعض
ولا إكنهم يعرفوا بعض, يقهقه بعنف
ياسمين : إنتو كنتوا بتشربوا سوبيا يا إبراهيم صح؟؟؟
إبراهيم : والله مشربتش كتير يا ياسمين هما تلات كوبيات بس
ياسمين : يا إبراهيم إنت عارف إنك دماغك خفيفة و مش قد السوبيا وكمان الدكتور قالك إن السوبيا بتعملك إسهال
إبراهيم : خلاص بقى يا ياسمين القعدة كانت حلوة الصراحة وكان لازم يبقى فيه سوبيا
ياسمين فى توتر : خلاص يا إبراهيم ماشى مفيش مشاكل
إبراهيم : مالك يا ياسمين أيه التوتر اللى إنتى فيه ده , ماحنا كنا كويسين أوى فى البوست اللى فات أيه اللى حصل
ياسمين : أنا برضوه عندى نفس الأحساس ده , أنا حاسة إنك بقيت غريب
إبراهيم : لأ لو كده يبقى إنتى فعلاً اللى غريبة
ياسمين : إنت سعيد يا إبراهيم , بتتبسط لما بتسمع صوتى أو بتشوفنى
إبراهيم : مش حرُد عليكى
ياسمين : بقولك أيه أنا عايزة أشوفك بكرة الخميس إنشاء الله
إبراهيم : طب الميعاد الساعة كام
ياسمين : الأرواح بتتلاقى من غير ميعاد يا إبراهيم , بقولك أيه عايزاك تيجى بكره لابس الشراب الأخضر اللى جبتهولك فى الفالنتين
إبراهيم : ياههههههههه إنتى لسة فاكرة ده أخويا الصغير أخده منى بقاله أكتر من سنة
ياسمين : مممم خلاص خلى أخوك الصغير يلبسه و ييجى بدل منك
صــــمــــت
ياسمين : مالك سرحان فى أيه
إبراهيم : لأ أبداً عمال أفكر فى المشكلة دى أصلك أخويا الصغير مسافر وواخد الشراب معاه
ياسمين : حلوف كعهدى بيك يا إبراهيم , إحنا بقالنا كتير مع بعض بس ليه مش عارفين نتكلم كلمتين مفهومين
على بعض كأننا إتنين بيشوفوا بعض لأول مرة مفيش بينهم فيزيا
إبراهيم : إسمها مفيش بينهم أحياء , انا بسمعهم بيقولوا كده فى الأفلام القصيرة مفيش بينهم أحياء ,
يعنى هما الأتنين وبس اللى موجودين وكل الكائنات الحية ماتت
ياسمين : إنت لسة بتحبنى أو حاسس بية على الأقل
صــــــمــــــت
ياسمين : الووووو
صــــــمــــــت
ياسمين : أنا حعتبر صمتك ده دليل على إجابتك و أسفة جداً على إزعاجك و
إبراهيم يقاطعها : الو أيوة يا ياسمين معلش كنت بفتح الباب , كنتى بتقولى أيه
ياسمين : إنت وصلت معايا لحد فين
إبراهيم : إستنى كده لما أشوف الحوار وصل لحد فين أه لحد وكل الكائنات الحية ماتت
ياسمين : إنت لسة بتحبنى أو حاسس بية على الأقل
صــــــمــــــت
ياسمين : يووووه إتكلم يا إبنى دورك فى الكلام مش حنقعد نحرق فى خام كل ده حرام عليك
إبراهيم : طب مفيش إختيارات
ياسمين : إبراهيم متحرقش دم أهلى , الأفيه ده راحت عليه من زمان
إبراهيم : إحنا مش حنتقابل بكره نقعد ونتكلم على راحتنا , أعتقد إن ده أفضل
ياسمين : أوك يا مان مفيش مشاكل
إبراهيم : قلبى حاسس إنك مش حتيجى بكره
ياسمين : ليه كده
إبراهيم : مش عارف , يمكن علشان عليكى الدور تعزمينى , مش عارف السبب أيه لكن قلبى بيغوغوشنى
إنى حالبس تمن التاكسى عالفاضى , حاسس إنك حتقومى من النوم كده تلاقى مامتك بتظبط طبق الفول ,
تفتكرى ساعتهاإنك كنتى مديانى ميعاد اليوم اللى قبليها
ياسمين : بقى معقولة يعنى يا إبراهيم من أول اليوم وأنا عمالة ألف على رجليا بفكر فى خنزيرى الصغير
إبراهيم يقاطعها : خنزيرى الصغير اللى هو أنا صح , هى هى هى هى إسم لذيذ أوى
ياسمين : وعمالة أحاول أكلم من الصبح و أنا اللى قولتلك تعالى نتقابل وفى الأخر مجيش , مش منطقى صح
إبراهيم : هو يعنى محدش يعرف دماغك حيبقى فيها أيه ساعتها ,
عموماً تعالى يا ستى ومتخافيش أنا اللى حاحاسب بس مش لازم تشربى مانجة يعنى
التسميات: إبراهيم و ياسمين
| |
|
Mr.Hany
ĦД№n → Admin
• تـآريـخ إلـتـسـجـيـل : 21/08/2008 • تـــآريــخ إلـمـيــلآد : 08/09/1979 • عــــدد إلــرســآيـــل : 20182 • إلـــعـــمـــــــــــــــر : 44 • تــقــيـيـم إلـعـضـــو : 33128 • إلـسـمـعــــــــــــــــه : 40 • إلــحـــــــآلـــــــــــــة : • إلــــمـــهـــنــــــــــــه : • هـــــوآيــــتــــى : • مـــزآجــك إلـــيــــوم : • إعـتـرآضــــــــــــــآت : مـؤسـسِ مـوقـع رومـآنـس مـجُـروح • إلآوســــــمــــــــــــــه :
| موضوع: رد: إبراهيم و ياسمين - لقطة الأربعاء أبريل 08, 2009 10:00 pm | |
| | |
|