الــــــقـــــمـــــــر

ليه القمر لو هو مولع ومشغوف
ما يضحى النظرات كود بلكوفه
هذا دلع والامن الناس مكسوف
والا اليها والزين ما به مروفه
ما يدري ان القلب هايم ومشعوف
والروح في غبه هواه محذوفه
والطرف عن غيره من الناس مكفوف
حتى البصيره عن عداه محروفه
لولا الغلاوالحب ما نيب مكلوف
واصبر على تعليل نفس عيوفه
متى يحن ويرحم الحال ويرف
خل عليه العين دايم شغوفه
يابهجة الخاطر ويا مضغه الجوف
ليش القسا ما دام روحك عطوفه
خل الزمل والشك والريب والخوف
ترى عفاف الحب اسمى وصوفه
ريح الزهر يغني عن اللمس بكوف
ونور البدر يكفي على البعد شوفه