موضوع: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:15 pm
ساويرس لمنتقديه: نشر صورة ميكي ماوس بقى عيب وكخ؟!
أعلن ساويرس غضبه من استمرار حملات انتقاده على فيس بوك وتويتر رغم اعتذاره
أعرب رجل الأعمال نجيب ساويرس عن غيظه وغضبه من استمرار حملات انتقاده على فيس بوك وتويتر رغم اعتذاره عن وضعه صورة ملتحٍ ومنتقبة على شكل "ميكي وميني ماوس"،على صفحته على موقع تويتر.
فعلى الرغم من اعتذاره وقوله إنه وضع الصورة من باب المزاح، وإنه لم يقصد أبدا الإساءة لأي دين، وإنه "آسف"، فإن الكثير استمر في هجومه عليه ولم يغفر له هذا الخطأ، ويرونه خطأ مقصودا وغير مقبول من شخصية سياسية ورجل أعمال في ذكائه وطالبوا بمقاطعة شركاته.
الأمر الذي جعل ساويرس يضع "رابط" لخبر نشره موقع سعودي في شهر أكتوبر عام 2008 يعلن عن افتتاح مدينة ديزني في الرياض ووضع نفس الصورة التي كان ساويرس يضعها على صفحته، وكُتب تحتها أنه يشترط عدم الاختلاط بالمدينة، وأنه على ميني ماوس ارتداء النقاب لأنها فتنة للأطفال لإعجابهم الشديد بها!
وعلق ساويرس متهكما على صفحته في تويتر -وفقًا للأهرام- قائلا لمنتقديه: فيه موقع سعودي نشر الخبر بنفس الصورة، لكن يبقى كخ وعيب لما نجيب ساويرس يحط الصورة ولازم يتحاسب مش كده؟!
إلا أن أحد منتقدي ساويرس كتب له على صفحته: "اقرأ الخبر كويس يا سيد نجيب ساويرس وأنت تعرف أن الخبر مش قصده نفس المعنى اللي أنت قصدته في تهكمك"، فيما كتبت له فتاة أخرى: "والله يا باشمهندس نجيب إنت غلطان إنك دخلت عالم السياسية أصلا، وغلطان أكثر لما اعتذرت عشان بعد 5 شهور ما اتعلمتش الدرس، وما عرفتش أننا شعب الأغلبية العظمى منه الاعتذار بيجيب معاهم نتيجة عكسية، وبيحسوا إنهم اتمكنوا وسيطروا".
يذكر أن نجيب ساويرس كان قد وضع على صفحته على تويتر الأسبوع الماضي تلك الصور، وتسببت له في أزمة كبيرة وانتقادات واسعة على فيس بوك، وانطلقت حملات ودعوات لمقاطعة شركاته، وبالفعل هناك قنوات دينية إسلامية مثل قناة الحكمة أعلن رئيسها مقاطعة الاتصالات التي ترد للقناة عبر تليفونات شركة موبينيل المملوكة لساويرس، وفقًا للأهرام.
وكان شغل ساويرس الشاغل هذا الأسبوع التفرغ للرد على منتقديه على تويتر وفيس بوك، إلا أنه أعلن أمس على صفحته أنه سيرتاح اليوم من التدوين على الموقعين؛ لأنه يحتاج للراحة.
عدل سابقا من قبل Mr.Hany في الأربعاء يوليو 06, 2011 7:18 pm عدل 1 مرات
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:16 pm
مين الغبي اللي قال ان اللي ناشر الصورة موقع سعودي؟ ده موقع عُماني من سلطنة عمان وشيعي كمان يعني ضد أهل السنة في مصر وضد السعودية كمان الموقع ناشرها استهزاء بقرار عدم الاختلاط كمان مفيش في الرياض حاجة اسمها مدينة ديزني ده خبر منشور تحت قسم الألغاز والنكت والفرفشة يعني نكتة من موقع شيعي عماني ماله ومال السعوديين؟ المسلمين من أهل السنة مقاطعين الشيعة لأنهم بيسبوا زوجات النبي وأصحابه يقلدهم هو ليه؟ وبعدين الموقع ناشر صورة لميني فقط بالنقاب ,, مين بقى اللي عامل صورة ميكي باللحية ؟ الموقع مافيهوش صورة ميكي اللي نشرها ساويرس ياريت نبطل ندافع بعمى
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:17 pm
توقيت نشر الصور والشخصية التى نشرتها هو دليل على انها لم تكن بقصد المزاح وخصوصا ان مهندس سويرس ليس شابا او طفلا يتعاطى مع الفيس بوك . بل هو رجل نسب نفسه يوما ما الى لجنة الحكماء . ولكنه فى نظرى افتقد للحكمة وتجاوب مع نفسيته الى كشفت عن كره شديد لكل ما هو مسلم رغم انتفاعه من المسلمين يوميا .
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:17 pm
ساويرس ذهب عنه الذكاء الذي ادعاه والعبقرية الاقتصادية التي كان يتحدث بها طول الوقت. سب الدين ومحاباة مبارك وعصابته حتي ايام الثورة واخيرا الركوب علي الثورة والمطالبه بالغاء الماده الثانية، كل هذه العوامل وغيرها كان لها عظيم الاثر في نفوسنا نحن المسلمين، من عبثه معنا ولكننا امهلناه فظن اننا جبناء او مغفلين فكانت صوره الميكي ماوس هي القشه التي قسمت ظهر البعير. اليوم ستوفي ماعليك يابشمهندس انصحك ان تعترف بغبائك فلربما سامحك الشعب فان الاعتراف بالحق فضيلة وشعب مصر بيحب الفضلاء.
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:17 pm
اخر قلة ادبه وقلة ادب لميس الحديدى المنافقة https://www.youtube.com/watch?v=2oFTRSng6Ls&feature=player_embedded ياريت الموقع ينشر لان بعض ردودى مش بشوفها
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:21 pm
حتى لو الف موقع نشر الصور دى قبل سويرس سويرس اولا واخيرا راجل مسلط عليه الاضواء وشخصيه عامه وعمال يقول لا للفتنه يقوم هو اللى يعملها هو فكر غلط ويمكن ربنا عمل كده علشان نعرف انه من جواه اسود ولعلمكم بقى هو من النظام الفاسد ولازم يتحاكم لانه نهب زى اللى نهبوا واللى بتقول انهى استثماراتك وشردهم خليه ينهيها على الاقل موبينيل هتكسب تانى لانها هتخسر من النهارده اللى مش خسرتوا طول عمرها وانا هكون زعلانه لانها شركه مصريه بس للاسف لازم تخسر ادبا له انا الاول كنت جيباها مخصوص لانها مصريه قولت فلوسنا مش تخرج بره انما الان اتصالات اولى ورئيسها ابن احسن زعيم حكم مصر وهو احق
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:21 pm
الاستاذة الي بتقول اتقوا الله يا جماعة دا انسان كافح وبقي مشهور . انتي بقي تعرفي كافح ازاي . بصورة مشروعة ولا لا . ؟؟ تعرفي حضرتك كام مخالمة ورشوة الخ... عملها عشان يبقي في مكانته دي . تعرفي عمل ايه ايام النظام السابق عشان يبقي كدة . اتقي الله انتي قبل ما تدافعي عن واحد انتي مش عارفة عنه حاجة . بالمناسبة انا دارس قانون كويس واول شرط من شروط الدفاع ان يعلم من يدافع كل وقائع القضية ويلم بكل حيثيتها حتي يدافع عن حق ضد باطل . انتي بقي تعرفي كل حاجة عن سويرس عشان تدافعي عنه . ؟؟؟؟ احمد سالمان ---واحد من الناس ----
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:22 pm
الموضوع اخد اكبر من حجمة اوى بصراحة ,,, انا مسلمة و ملتزمة الحمدلله بس يعنى شايفة ان الهجوم علية زاد اوى,,, الراجل اعتذر و قال مش قصدى و ما فى مسلمين كتير اوى مش مقتنعين اساسا بالنقاب و ياريت لو حد فيكم اقترح على بنت من اللى بيلبسوا ضيق اقترح عليها النقاب و يسمع رايها هتعرفوا ان فى مسلمين نفسهم بيهاجموا النقاب و اللحية,,,اشمعنى دول بقى مش بتحاكموهم ,,, و اعتقد ان الراجل دة من اللى كانوا مساندين الثورة و لة مواقف كتير كويسة مع المسلمين كمان يعنى الحق يتحاكم على الكويس قبل الوحش,,, وكفاية بقى ركوب الموجة و تضييع الوقت
موضوع: رد: ساويرس لمنتقديه: نشر صورة ميكي ماوس بقى عيب وكخ؟! الأربعاء يوليو 06, 2011 7:40 pm
ساويرس دة اللى مقوم اقتصاد مصر على كتافه والاخوة الاقباط يتعرضون للاضطهاد ويضطهدون ولايشعلون الفتنة ليه عليهم عفاريت ياعم راعوا ربنا فى كلامكم واتقوا ربنا فى بلدنا اللى مش هتصلح الا بعد 10 سنين
آهـٌ‘ـلآ وسـٌ‘ـهـٌ‘ـلآ بـكـم فـى مـنـتـديـآت 
