|ღ|~ يومــــيــــــات ســــلسلــــــة فـــــضـــــة ~|ღ|

|ღ|~ يومــــيــــــات ســــلسلــــــة فـــــضـــــة ~|ღ|

يوميات سلسة فضة ( مصطفى وشروق )

|ღ|~ يومــــيــــــات ســــلسلــــــة فـــــضـــــة ~|ღ| 001_rolleyes

( الحلقة الاولى )

|ღ|~ يومــــيــــــات ســــلسلــــــة فـــــضـــــة ~|ღ| 1_fin

انا شروق واحد وعشرين سنة رابعة كلية

السنة دى اخر سنة ليا فى الكلية وهتخرج

ياة بجد هتخرج انا مش مصدقة نفسي

الواحد تعب من التعليم الغريب اللى احنا فية دة بقى

يللا الحمد لله ان السنين اللى فاتت عدت على خير

ويارب اتخرج بقى يارب

انا كان نفسى اعيش حياتى بطريقتى

كان نفسى الاقى الحب اللى كنت علطول بدور علية

وكان نفسى الاقى الانسان اللى احبة ويحبنى واحس معاة بالامان

وقعدت ادور علية لحد ما لقيتة !!

بس غريبة !!

لما لقيتو كان عادى يعنى

مكنتش بسهر الليل زى ما كنت بسمع

عادى يعنى معرفش بقى الغلط فيا ولا فى مين

المهم انا فتحت عنيا على مصطفى

اخويا

اجدع انسان عرفتو فى حياتى

مصطفى ساكن فى شارع جنبنا

والدتى ووالدتة اصحاب جدا

انا ومصطفى تقريبا اتربينا مع بعض

لما كنت انزل اجيب حاجة والدتى مكنتش بترضى تنزلنى الا لو مصطفى معايا

كنت بفرح اوى انة معايا

وكنت بمشى ومبخفش

كنت بحس انة بيخاف عليا جدا وكان بيعاملنى كأنى اختة بالظبط

وفعلا انا بحمد ربنا انة ادانى اخ زى دة

اة انا وحيدة ومعنديش اخوات من امى بس ربنا عوضنى بمصطفى

اغلب دروسى وانا صغيرة كانت مع مصطفى

وعمرى ما عملت حاجة الا لو مصطفى معايا

ودخلنا ثانوى ...

وروحت درس معاة وعرفنى على اصحابة ساعتها فى الدرس

مصطفى يعرف اتنين بيقول انهم اكتر من اخواتة

وانة بيأمنلهم فى كل حاجة

كان علطول لما نقول مصطفى مع صحابة يبقى

مصطفى مع محمود وهيثم اصحابة

الدرس كان فية مصطفى ومرام وهيثم وراندا و محمود

مصطفى كان بيحب مرام وكان علطول بيحكيلى عنها انها فتاة احلامة

وانة بيحبها اوى وانة نفسة يكمل عمرة كلة معاها

وانا كنت ببقى فرحانة اوى لما كنت شيفاة فرحان اوى كدة

كنت علطول بدعيلة انة يكمل مع مرام وانة علطول يفضل سعيد ومبسوط

اما هيثم كان مرتبط براندا

مصطفى كان دايما يقولى ان هيثم وراندا بيحبوا بعض جدا

وكنت دايما لما بشوف مصطفى سعيد مع حبيبتة كدة

كان نفسى اجرب الحب دة مع انى سعيدة ان ليا اخ زى مصطفى

بس كان نفسى الاقى الحب اللى بجد

الحب الحقيقى اللى يفضل معايا طول عمرى

اما محمود مصطفى كان دايما بيقول علية انة بيكثف جدا

وانة عمرة ما عرف بنت فى حياتة

محمود كان مبيرضاش يقف معاهم بعد الدرس علشان كان بيتكسف يقف معاهم

علشان مرام وراندا

وبدأنا الدرس

واتعرف اكتر عليهم كلهم

ناس كويسة جدا بجد

وبدأت اعرف محمود ..

حسيت انة انسان كويس

فى بداية معرفتى بية حسيت ان دة الانسان اللى قلبة هيختارة

وانى هعيش علشان

كنت علطول بسرح فية ومكنتش عارفة دة اية

جايز يكون حب

كنت بحس من محمود نظرات غريبة ليا

طريقتة معاملتة ونظراتة كانت بتقول حاجات كتير

لحد ما جية اليوم اللى اعترفلى بحاجة مهمة جدا

قالى بحبك !!

مكنتش عارفة اقولة اية

بس انا وشى جاب الوان اصلا واتكثفت جدا

وسبتو ومشيت كمان

ومكنتش عارفة انا متضايقة وفرحانة

بس طبعا ملقتش حل قدامى غير الحل اللى طول عمرى برتاح بية

انى اكلم مصطفى واقولة وأخد ورأية

علشان انا بثق فى مصطفى وفى رأية جدا

وكلمتة فعلا وساعتها رد عليا وقالى ....

( انتظروا الحلقة القادمة )

لو عجبتكم هكملها ان شاء الله

( الحلقة الثانية )

مصطفى ساعتها قالى ..

انا اكتر واحد عارفك يا شروق

وعارف اخلاقك كويس

انا مش هعمل زى اى حد واتنرفز واقولك كدة غلط والكلام دة

لاء انا هسيبك تعيشى سنك زى ما طول عمرى معودك بس افتكرى حاجة

ان اخوكى مش هيسمحلك تعملى حاجة غلط

وانى مهما حصل اية انا جمبك

علشان كدة قررى وشوفى انتى حاسة من ناحيتة اية

بس اهم حاجة كل حاجة تكون تحت عينى

واوعى تكدبى عليا فى يوم من الايام يا شروق ..

ساعتها بس حسيت انى فرحانة اوى

فرحانة ان ليا اخ انا مش خايفة منة

ان ليا انسان بقولة على اللى جوايا وانى عمرى ما هخبى علية

وفرحانة ان لقيا انسان بيخاف عليا كدة

بس على قد ما انا فرحانة كنت ببقى متضايقة

ببقى متضايقة ان ساعات لما بكون محتاجة مصطفى وهو بيكون مع مرام

مبقدرش اقولة انى عايزاك فى موضوع

لو هتكلم بصراحة ساعات بغير منها اوى

بس هو اخويا وهو طول عمرة بيعاملنى انى اختة

و قعدت افكر فى كلام محمود كتير

واذا كنت بحب محمود ولا لاء

بس معرفتش !!

بس قررت قرار !!

انى اقولة وانا كمان

كان نفسى اجرب الحب دة

ساعتها محسبتهاش ولا فكرت فى اى حاجة تانى

وفعلا هو كلمنى تانى وابتدينا قصة حبنا ...

ساعتها مصطفى كان بيقعد معايا كتير اوى

كان اكتر من الاول كمان

حسيت انة خايف عليا وحسيت انة متابعنى اوى

كان علطول بيسالنى عن اللى بيحصل بينا وانا كنت بحكيلو

و دخلنا الكلية وعدت سنين وبدأت لو محمود غاب عنى ببقى عايزة اشوفة علطول

محمود انسان مؤدب جدا واخلاقة كويسة جدا

وعدت سنين ومحمود معايا

ودى اخر سنة لينا فى الكلية

بس المشكلة ان السنة دى حاسة ان محمود متغير اوى

مبقاش محمود اللى انا اعرفة

محمود بقى غريب كدة فى كلامة وطريقتة دة غير طلبة الغريب اللى علطول بيزن عليا فية

فكرت كتير ان اقول لمصطفى على الطلب دة بس مش عارفة اقولة ازاى !!

فكرت كمان اسيب محمود علشان الطلب دة بس برضة مش عارفة

انا اتعودت على محمود جدا

اة انا لحد دلوقتى مش قادرة احدد اذا كنت بحبة ولا لاء

بس اللى اعرفة انى مقدرش اتخيل انى اسيب محمود !!

فبقيت اسكت واعدى الموضوع على أمل ان محمود ميطلبش الطلب دة تانى

لحد ما جية اليوم اللى لقيتو بيكلمنى وقالى ..

شروق انتى موافقة على اللى انا قولتهولك ولا لاء

فأنا ساعتها رديت علية وقولتة اكيد لاء وانا قولتلك يا محمود كذا مرة متفتحش الموضوع دة تانى

وياريت تقفلة انا زهقت بجد انا عمرى ما هعمل حاجة غلط

محمود : لكن دة مش غلط يا شروق انا ننفسى تكونى علطول معايا

ثم انتى عاجبك العرسان اللى بيتقدمولك دول وانا مش قادر اتقدملك دلوقتى ولا قادر اعمل حاجة

شروق : لا يا محمود انا برفضهم وقولتلك مليون مرة عمرى ما هكون غير ليك

محمود : وافرض بقى والدك صمم على كدة لا يا شروق دة الحل الوحيد ان

اضمن انك تكونى علطول معايا وانتى كمان تضمنى دة

دة غير انك هتفضلى معايا طول العمر

هو انتى مبتتمنيش كدة ؟؟

شروق : اكيد طبعا بتمنى كدة بس احنا كدة غلط

احنا كدة هنبقى زى الحرامية خايفين الناس تشوفنا

ولو بتحبنى بجد مش هتشوة صورتى

وانا بوعدك يا محمود انى هفضل طول عمرى هستناك لحد ما تقف على رجليك وتقدر تتقدملى رسمى

لكن عرفى لاء يا محمود !!

محمود : بصى انا لما كنت بقولك نتجوز عرفى دة علشان تفضلى علطول معايا

ومعنى انك رافضة طلبى معناة انك مش عايزة تفضلى معايا

بصى يا شروق ..

انا هسيبك تفكرى !!

بس اعرفى انك لو رفضتى اعرفى ان دى النهاية بينا ....

( انتظروا الحلقة القادمة )

__________________

( الحلقة الثالثة )

يومها بقى انا قفلت مع محمود وانا معيطة

حسيت يومها انة مبيحبنيش

واتصلت بمصطفى

وساعتها مصطفى اتنرفز اوى لما سمع طلب محمود

وزعل منى انى مقلتلوش من الاول

بس هو هدانى واتخانق مع محمود وخصر صاحبة علشانى

فى اللحظة دى حسيت انى عايشة طول عمرى وانا مش لوحدى

ومن هنا انا ومحمود سبنا بعض

بس الغريبة انى كنت عايشة حياتى عادى جدا

ومحمود وهو برة حياتى مأثرش فيا

ولا زى ما كنت فاكر انى مش هقدر اعيش من غيرة

حسيت بجد ان مصطفى معوضنى عن كل حاجة

علطول بيسال عليا وعلطول واقف جمبى

ساعات مكنتش بصدق ان فية انسان كدة

معقول بيعمل معايا كل دة وهو معتبرنى اختة

دول لو اتنين بيحبوا بعض مفيش انسان هيعمل كدة مع حبيبتة

كنت علطول بدعى لمصطفى فى صلاتى

كنت بتمنالة من قلبى انة يفضل علطول اسعد انسان

وساعتها قررت انى مفكرش فى الحب دة تانى

انا ليا نصيب واكيد هشوفة يعنى هشوفة

بس اصلا كدة كدة الحب دة انا مش محتاجاة

انا راضية اوى كدة طول ما انا مع مصطفى وشايفاة وحساة علطول جمبى

وابتدينا نروح الكلية احنا الخمسة

هيثم وراندا ..

ومصطفى ومرام ..

وانا

طبعا انا افتكرت انى هبقى لوحدى فى الكلية

بس مصطفى كان بيحاول على قد ما يقدر انة ميحسسنيش بالوحدة

وفى يوم روحنا حضرنا كلنا وخلصنا المحاضرة ...

مصطفى : يللا يا جماعة نروح نقعد وشوية ونروح

شروق : لا يا مصطفى انا هروح

مصطفى : طيب خلاص

يللا يا مرام نروح نوصل شروق ونرجع

مرام : لا انا قاعدة وروح وانا مستنياك هنا

ومصطفى يبصلها ويسكت ويمشى مع شروق يوصلها

شروق : مصطفى روح لمرام علشان شكلها متضايقة انك هتوصلنى

مصطفى : اية يا بنتى اللى بتقولية دة

هى عارفة كويس انك اختى

بزمتك هى هتضايق من اختى

شروق : معلش يا مصطفى بس روحلها مش عايزة اكون انا السبب فى الزعل بينكم

مصطفى : بصى متقوليش الكلام دة تانى علشان مزعلش منك

زى ما مرام ليها حقوق عليا انتى كمان ليكى حقوق عليا

انتى اختى ومش هسيبك تروحى لوحدك

ثم اللى عايزك تعرفية انى هفضل علطول جمبك فى اى وقت تحتاجينى فية

ومفيش سبب فى الدنيا يخلينى معملش دة ...

وروحت وانا فرحانة اوى كل يوم مصطفى بيزيد فى نظرى عن اليوم اللى قبلة

ومصطفى يرجع لمرام ..

مصطفى : اية يا مرام اللى انتى عملتية دة ؟؟

مرام : يعنى انت مش شايف اللى انت بتعملة مع شروق

مصطفى : انت بتغيرى من شروق ؟؟

يا بنتى دى اختى

مرام : لا بقى انا مفهمش دة

ومينفعش كدة يا مصطفى

مصطفى : بصى يا مرام انا بحبك وشروق لوحدها ومحدش معاها

وهى محتاجانى كأخ جمبها فى الوقت دة جدا وانا عمرى ما هتخلى عنها

وهيثم صاحب مصطفى يجيلو ..

هيثم : بقولك اية

مصطفى : اية ؟؟

هيثم : احنا هنطلع شرم الشيخ يومين كدة انا والعيال اللى كانو معانا فى الثانوى

يللا نروح ..

مصطفى : طيب حلو اوى يللا

علشان كمان اخرج من الخناقات العجيبة دى ..

هيثم: لية يا بنى فى اية ؟؟

مصطفى : مفيش مرام يا ابنى علطول مش عاجبة الوضع بتاع شروق

هيثم : طيب على فكرة هى برضة عندها حق

هى بتغير عليك يا مصطفى

مصطفى : وربنا عارف

بس فى نفس الوقت شروق دى اختى يا هيثم ومينفعش اتخلى عنها فى الوقت اللى هى محتجانى فية

ومرام مش مقدرة دة

هيثم : طيب ياعم بقولك اية انسى بقى المواضيع دى ونطلع اليومين ونجى وساعتها ربنا يسهل بقى

مصطفى : يارب

ومصطفى يطلع الرحلة هو وزمايلة ..

شروق تكلم مصطفى ..

شروق : اية يا مصطفى انت وصلت ؟؟

مصطفى : اة وصلت اهو

شروق : طيب يا مصطفى خد بالك من نفسك

مصطفى : ان شاء الله متقلقيش بس خدى بالك من نفسك انتى اهم حاجة

ويقفلو التليفون ..

شروق فى سرها ..

ياة انا قبل كدة عمرى ما حسيت ان ناقصنى حاجة

انا حاسة احساس غريب اوى مش عارفة اوصفة

بس اللى انا اعرفة دلوقتى

نفسى مصطفى ميبقاش بعيد عنى كدة

نفسى يكون مصطفى جنبى دلوقتى

( انتظروا الحلقة القادمة )

( الحلقة الرابعة )

وشروق تنام وفى عنيها دموع

هى متعرفش هى بتدمع على اية

بس هى كل اللى عارفاة انها عايزة تعيط وبس

مصطفى مع صاحبة فى شرم الشيخ ..

هيثم : شايف البنتين اللى هناك دول

مصطفى : اة مالهم ؟؟

هيثم : يللا نروح نكلمهم

مصطفى : نكلم مين ياعم انت عبيط ؟؟

هيثم : لالا عايزك تفك كدة احنا فى رحلة وعيش يومك ياعم

مصطفى : انت ياض مش بتحب راندا ؟؟

هيثم : اكيد طبعا بحبها بس دة مالة بالموضوع ؟؟

مصطفى : مالة ازاى ؟؟

هيثم : لا ياعم انا عمرى ما هسيب راندا وهتفضل حبيبتى طول عمرى

بس لازم تفك كدة يا مصطفى متبقاش معقد

وهيثم ينادى على محمد صاحبهم ( كان معاهم فى الثانوى )

ويروحوا يكلموا البنات ..

مصطفى فى سرة ...

مش هتتغير يا هيثم

طول عمرك كدة

بس على الاقل كل اللى جواك انت مبينة

اة بتهزر وبتعمل اللى انت عايزة بس عارف انك عمرك ما هتبيع راندا

ولا هتتخلى عنها

وعارف انك طيب ومؤدب

لكن محمود اللى كنت دايما بضرب بية المثل

وبقول عنو انة مؤدب واخلاقة كويسة وكنت مستأمنة على شروق

يطلع كدة

ياة فعلا الواحد ميعرفش اية اللى بيدور فى نفس البنى أدم

بس الحمد لله ان ربنا سترها

شروق امانة فى رقبتى ولو كان حصلها حاجة مكنتش هسامح نفسى طول عمرى

يارب احفظ شروق

يارب يا شروق تفضلى علطول بخير

ويلاقى شروق بتتصل بية ...

شروق : مصطفى ازيك

مصطفى : تمام يا شروق المهم انتى عاملة اية ؟؟

شروق : مش كويسة طبعا ما انت سايبنى بقى واخويا مش جانبى

مصطفى : لاء طبعا جانبك وهفضل طول عمرى جمبك

ولو احتجتى اى حاجة يا شروق كلمينى وهنزل علطول

شروق : ربنا يخليك ليا يا احلى اخ فى الدنيا

المهم انت خلى بالك من نفسك

مصطفى : ويخليكى يارب يا احلى اخت ليا فى الدنيا ..

ويقفلو مع بعض ..

مصطفى فى سرة ...

ياة يا مرام مفكرتيش تتصلى تطمنى عليا

دة شروق اللى هى بنقول انها اختى علطول بتسأل وبتطمن

للدرجة دى يا مرام

وهيثم ومحمد يجوا بعد ما اتعرفوا على البنات ...

وهيثم يعرف مصطفى على البنات

ومصطفى يسيبهم ويمشى ...

وبعد ما هيثم والبنات روحوا ...

هيثم : اية يا مصطفى مشيت لية ؟؟

مصطفى : علشان انا جاى أفك من اللى انا فية مش علشان اتعرف على حد

هيثم : واية المشكلة يابنى اهى يومين هنقضيهم بالطول والعرض ..

مصطفى : لا يا هيثم قضيهم براحتك

وراندا تتصل بهيثم ...

راندا : حبيبى وحشتنى اوى اوى

هيثم : والله انتى اكتر يا حبيبتى

تعرفى انى من كتر ما انتى وحشانى نفسى اشوفك دلوقتى

راندا : والله وانا

اوعى تكوانوا كلمتوا بنات يا هيثم

هيثم : عيب تقولى كلام زى دة يعنى

هو بزمتك فى بنت اجمل ولا احلى منك علشان اكلمها

ثم انتى احلى من كل البنات اصلا

ومصطفى يضحك على كلامة

ويخشوا يناموا ....

وشروق كل تفكيرها ان مصطفى يكون جنبها

علشان مبتحسش بالامان الا معاة

وتخش شروق تنام ..

وتصحى شروق من النوم مفزوعة ....

( انتظروا الحلقة القادمة )

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الخامسة )

تصحى شروق من النوم مفزوعة وتكلم مصطفى ..

مصطفى : الو

شروق : معلش يا مصطفى صحيتك

بس كنت مخنوقة شوية وانت الوحيد اللى برتاح معاة فى الكلام

مصطفى : لا يا شروق متقوليش كدة

انا قولتلك لو عوزتينى فى أى حاجة كلمينى علطول فى أى وقت

اية بقى اللى حصل ؟؟

شروق : مفيش كنت نايمة وحلمت ان محمود بيجرى ورايا وعايز يقتلنى

وصحيت من النوم مفزوعة

مصطفى : استعيذى بالله بس

شروق : ايوة ما انت سايبنى بقى علشان كدة انا خايفة وعمالة احلم احلام وحشة

مصطفى : ان شاء الله بكرة بليل هاجى متقلقيش

شروق : ماشى يا مصطفى تيجى بالسلامة ان شاء الله

ويقفلو مع بعض ...

ويخشوا يناموا تانى ...

هيثم : اصحى يامصطفى انت لسة نايم

مصطفى : اية يابنى فية اية ؟؟

هيثم : يللا فوق كدة علشان ننزل نخرج قبل ما نمشى بليل علشان دة اخر يوم اهو

مصطفى : طيب يا اخويا

وكلهم ينزلوا ويقضوا يومهم ...

ويجوا يحضروا الشنط علشان يروحوا

ومرام تتصل بمصطفى ...

مرام : مصطفى وحشتنى

مصطفى : طب كويس

مرام : اية يا مصطفى مالك ؟؟

مصطفى : لا مفيش

مرام : اوعى تكون زعلان انى مكلمتكش

مصطفى : لاء خالص ازعل اية هى دى حاجة تزعل

مرام : على فكرة انا كنت عايزة اكلمك علشان اطمن عليك بس مكنتش عارفة اتكلم

علشان انا مبنزلش الكلية وقاعدة فى البيت

مصطفى : طيب خلاص المهم انتى كويسة ؟؟

مرام : اة كويسة انت عامل اية ؟؟

مصطفى : انا كويس الحمد لله

مرام : مصطفى ممكن نتكلم شوية ؟؟

مصطفى : اة ممكن طبعا

مرام : بص بقى انا مش عارفة اجبهالك ازاى بس لازم اقولك !!

مصطفى : قولى

مرام : انا مكنتش بكلمك علشان مكنتش قادرة اتكلم

وكنت عمالة اعيط بسببك

مصطفى : لية يا شروق فية اية

قصدى يا مرام !!

مرام : ياة للدرجة دى كمان بتغلط فى اسمى

ومرام تعيط ....

مصطفى : بطلى عياط يا مرام مختش بالى بس

علشان شروق كلمتنى كذا مرة بتطمن عليا وانتى من ساعة مجيت

ولا كلمتك ولا نطقت اسمك

ومرام تعيط فى التليفون ..

ومصطفى يتخنق من نفسة ويحس انة فعلا بيجى عليها ..

مصطفى : مرام مقولتيش كنتى هتقولى اية ؟؟

مرام : خلاص يا مصطفى مش مهم !!

مصطفى : مرام انتى لسة بتحبينى ؟؟

مرام : وربنا عمرى ما حبيت غيرك بس انت كل يوم بتموتنى لما بشوف اللى انت بتعملو مع شروق

ساعات بحس انها هى اللى حبيبتك مش انا

يا مصطفى انا مش عايزة حد يشاركنى فيك

يا مصطفى انا كنت عمالة اعيط اليومين اللى فاتو ومكنتش قادرة اكلم حد بسبب اللى حصل قبل ما تسافر

وعلشان بحبك مقدرتش مكلمكش صوتك كان واحشنى اوى

وكنت نفسى اطمن عليك

ودلوقتى بتغلط فى اسمى

للدرجة دى يا مصطفى انا مش على بالك

انت اصلا لسة بتحبنى

مصطفى : وربنا بحبك

ومبتمناش من الدنيا دى يا مرام غير انك تكونى شريكة حياتى كلها

طب خلاص علشان خاطرى بطلى عياط

و بقولك اية ؟؟

مرام : اية ؟؟

مصطفى : مش هقول الا لما تبطلى عياط بقى

مرام : طب خلاص اهو مش بعيط

مصطفى : بحبك

وتبتدى مرام تضحك

مرام : وربنا بحبك يا مصطفى ومقدرش اعيش من غيرك

مصطفى : طيب خلاص بقى

يللا انا هنزل بقى علشان ارجع علشان اشوفك

مرام : اة يللا بقى بسرعة لانك بجد وحشتنى

ويقفلوا مع بعض ..

ومصطفى يركب العربية اللى هترجعو

ويسرح ويكلم نفسة ...

هو انا كدة فعلا ظالم مرام معايا ؟؟

انا مش عارف حاجة بجد

ازاى اتخلى عن شروق وهى اختى ومفيش حد غيرى

انا لو اتخليت عن شروق كدة يبقى انا بدمرها

دى ملهاش غيرى

انا لازم اشوف حل للموضوع دة

ولازم افهم مرام ان معاملتى مع شروق مش معناها ان شروق بتشاركها فيا

ولازم افهمها ان شروق اختى

اختى وبس !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة السادسة )

ويوصلوا كلهم القاهرة ..

ويروحوا ..

مصطفى موبايلو يرن ..

الو ..

الو ..

مصطفى : اية يا شروق ازيك انتى صاحية ؟؟

شروق : انا معرفتش انام اصلا وفضلت واقفة مستنية فى البلكونة مستنية لحد ما اشوفك

مصطفى : اة طب انتى عاملة اية

شروق : انا دلوقتى بقيت كويسة اوى

المهم انت عامل اية دلوقتى

مصطفى : انا كويس الحمد لله

شروق : طيب يللا خش نام بقى لانك اكيد جاى من السفر مهدود

مصطفى : ماشى يا شروق تصبحى على خير ..

ويقفل مع شروق ويلاقى مرام بتتصل ..

مرام : اية يا حبيبى وصلت ؟؟

مصطفى : اة يا حبيبتى وصلت

مرام : قولى بقى كنت بتكلم مين كدة

بتصل بيك من بدرى عمال يقولى الرقم مشغول ..

مصطفى : دى كانت شروق

مرام : شروف تانى يا مصطفى

مصطفى : مرام أجلى الخناق لوقت تانى علشان انا جاى مش شايف قدامى

مرام : طيب خلاص خش نام يا مصطفى تصبح على خير

مصطفى : وانتى من اهلة

ومصطفى يخش ينام ..

مرام فى سرها ...

هو انت لية يا مصطفى بتجرحنى كدة

بتجرحنى علشان بحبك !!

ويصحوا كلهم ويروحوا الكلية ..

وكلهم يتقابلوا ..

راندا : ايوة بقى انتوا الاتنين رحتوا اتفسحتوا واحنا قاعدين

الله يسهلو بقى

هيثم : قرى قرى دة حتى كانت رحلة وحشة ومفهاش بنات

راندا : نعم نعم يا أخويا وانت كنت عايز بنات ولا اية

وكلة يضحك على منظر راندا

هيثم : ايوة ايوة طلعة شخصية الست حسنات الدلالة

ايوة ايوة

راندا : انا حسنات يا هيثم

هيثم : لا طبعا تعالى اقولك انتى اية

وهيثم وراندا يسيبوهم ويروحوا يقعدوا لوحديهم ..

ومصطفى يكلم مرام ويهديها ..

وتمر الايام ومشاكل مصطفى هى هى بتنحصر كلها فى نقطة واحدة ..

مرام مش قابلة بالوضع ومصطفى متمسك بأخويتة لشروق

وتمر الايام ويخشوا الامتحانات ويخلصوا وتنزل النتيجة

وشروق تروح قبليهم تشوف النتيجة

عامل فى الجامعة : النتيجة هتتعلق كمان خمس دقايق

شروق فى سرها ..

يارب استر

ياة انا مش مصدقة نفسى انا اخيرا هتخرج

يارب بقى

يبقى دة اول حلم ليا اتحقق

والنتيجة تنزل وتروح تشوف نتيجيتها ..

وتنجح شروق

فى سرها ..

ياة الحمد لله

وتبتدى شروق تدمع

دموع الفرح !!

اخيرا اتخرجت وحلمى اتحقق

الحمد لله

الحمد لله

ومرام ومصطفى جايين فى الطريق مع بعض

ومصطفى موبايلو يرن ..

مصطفى : اية يا شروق

شروق بدموع : نجحنا واتخرجنا يا مصطفى

انا وانت ومرام نجحنا يا مصطفى

مصطفى : بجد يا شروق

شروق : والله بجد متتصورش انا فرحانة ازاى

ويقفلوا مع بعض

مصطفى : نجحنا يا مرام نجحنا

مرام : الحمد لله

هى شروق هى اللى قالتلك برضة مش كدة

مصطفى : مرام متضيعيش فرحتنا بقى

مرام : اضيع فرحة اية

ما انت علطول اللى مضيع فرحتنا

حرام عليك بقى يا مصطفى

انا تعبت بجد

انت لية بتعمل فيا كدة

مصطفى : انا مبعملش فيكى حاجة يا مرام

شروق انا عمرى ما هتخلى عنها لان معاملتى ليها معاملة اخ لاختة

معاملتك انتى اكبر منها بكتير لانك حبيبتى يا مرام

مرام : مصطفى انا تعبت

وهقولك اخر كلام عندى ومش همشى غير بية

اختار

يا أنا يا شروق !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة السابعة )

مصطفى : شروق انتى فاهمة معنى الكلام اللى بتقولية دة ؟؟

مرام : يا مصطفى بص انا بجد مش قادرة اكمل بالوضع دة

مصطفى : هيريحك اننا نسيب بعض ؟؟

مرام : اكيد طبعا لاء علشان كدة انا هموت

بس انت اللى بتجبرنى على كدة

مصطفى : لاء مبجبركيش على كدة ولا حاجة

بصى دى اسمها غيرة عامية

تعرفى لو عاملتى شروق على انها اختى هترتاحى وتريحينى طيب بصى

اعتبرى ان شروق اختى فى الرضاعة

وعلى العموم اللى انتى شيفاة يا مرام

مرام : انا اللى شايفاة انى عايزاك ليا لوحدى ومحدش يشاركنى فيك

مصطفى : طب ما انا فعلا ليكى لوحدك

بطلى تعيشى وهم كأنة حقيقة

يا مرام الحقيقة اللى انتى شايفاها دى مش موجودة

مش موجودة غير فى خيالك بس

انتى غيرانة من شروق لدرجة انتى مش قادرى تفهمى درجة معاملتى ليها

بالعكس يا مرام انا كنت فاكر ان دة هيفرحك

علشان لما تشوفى انى براعى ربنا فى انسانة بعتبرها اختى

يبقى اكيد هراعى ربنا فيكى لما تكونى مراتى !!

ومرام تسكت ويأثر فيها كلام مصطفى جداا

مرام : خلاص يا مصطفى انا اسفة على اللى انا قلتة

بس ممكن تقلل معاملتك مع شروق شوية صغيرة بس

حاول بس متخلينيش احس المعاملة دى

ممكن ؟؟

مصطفى : ماشى يا مرام هحاول

ويروح مصطفى يلاقى شروق بتتصل بية ...

شروق : مساء الفل يا احلى اخ فى الدنيا

مصطفى : مساء الفل يا شروق

شروق : اخيرا اتخرجنا انا فرحانة اوى

على فكرة انا عايزة اقولك انى لولاك مكنتش هتخرج

علشان انت اللى طلعتنى من اللى فية

وعلطول كنت واقف جمبى وكنت مخلينى مش شايلة هم حاجة

مصطفى : لا يا شروق متقوليش كدة انا كنت بعمل كدة وهفضل طول عمرى اعمل كدة

شروق : مالك يا مصطفى ؟؟

مصطفى : لا مفيش

شروق : اية يا مصطفى وانا مش عارفاك ولا اية

هتخبى عليا يعنى

مصطفى : ولا والله بس متخانق مع مرام شوية ومخنوق بس

شروق : يالهوى بقى يوم زى دة كلننا فرحانين وانت تنكد عليها كدة يا مصطفى

لالا ملكش حق طبعا

تلاقيها هى محتجالك دلوقتى

علشان خاطرى كلمها وصالحها بقى شاركها فرحتها يا مصطفى

مرام بتحبك بجد

ويقفلوا المكالمة ...

مصطفى فى سرة ...

شوفتى يا مرام اهو الانسانة اللى انتى علطول بتتخانقى معايا علشانها

واللى علطول غيرانة منها

هى اللى عايزاكى تشوفك مبسوطة ومش عايزانى ازعلك

لو تعرفى اد اية شروق طيبة وكويسة وانى مينفعش انى اتخلى عنها

وتحسى بيها هنكون فى احسن حال

وتنتهى المشكلة بس اكيد مش للابد ..

لان الخناقات فضلت موجودة بسبب الموضوع دة

تمر الايام والغيرة مصاحبة مرام ..

مصطفى مبقاش يستحمل

دة غير انة واخد عهد على نفسة انة عمرة ما يبيع شروق ولا يتخلى عنها

لانها ملهاش غيرة

وفى يوم يلاقى هيثم صاحبة بيتصل بية ...

هيثم : جايبلك مفاجأة جامدة جدا

مصطفى : اية هى ؟؟

هيثم : جايلنا شغل جامد جدا وبكرة هنروح كلنا نقدم فية

مصطفى : لا بجد اخيرا لقينا شغل

هيثم : لا ومش أى شغل كمان

فاكر الشركة اللى كنت بتحلم انك تشتغل فيها وكنت شايف ان دة مستحيل ...

مصطفى : انت بتتكلم جد ؟؟

هيثم : اة وربنا هنقدم فيها بكرة يا مصطفى يارب يقبلونا بقى يارب

مصطفى : يارب

هيثم : يللا كلم شروق ومرام و حضروا السى فى علشان نقدم علطول بكرة

وانا هكلم راندا دلوقتى

ويروحوا يقدموا السى فى

السكرتيرة : طيب يا جماعة احنا هندرس السي فى بتاعكم وهنكلم اللى هيقبل ان شاء الله

ويروحوا وكلهم يستنوا المكالمة ..

والشركة تتصل بمصطفى وشروق ومرام ..

فى الطريق ...

مصطفى : ياة انا مش مصدق ان حلمى هيتحقق

بجد دة احسن خبر سمعتة فى حياتى

شروق : الحمد لله يا مصطفى انت تستاهل كل خير والله

ومرام تتعصب ومتتكلمش ...

ويوصلوا الشركة ..

المدير : احنا محتاجين اتنين بس وانتوا التلاتة السى فى والتقدير بتاعكوا يأهلكوا للشغل معانا

بس فية اختبار انجليزى واعلى درجتين فيكوا هما اللى هيتقبلو ان شاء الله

ويخشوا الاختبار ..

المدير : شروق ومرام انتوا درجاتكوا عالية هتشتغلوا معانا

مصطفى انت شاب كويس وانت اقل منهم نص درجة يعنى حاجة بسيطة بس معلش مش نصيبك

وان شاء الله بكرة تلاقى شغلانة احسن

ويروح مصطفى فى احزن لحظات حياتة

لحظة ضياع حلمة ..

ويلاقى الموبايل بيرن ...

المدير : ايوة يا مصطفى ياريت تجيلنا بكرة علشان تبتدى الشغل معانا

مصطفى : ازاى حضرتك انتوا مقبلتونيش

المدير : اة ما انت بعد ما مشيت من عندى وشروق ومرام كانوا معايا

شروق اعتذرتلى وقالتلى ياريت مصطفى ينزل مكانى

وقالت ان دة حلمك وانك اجدر منها بالمكان دة

وان شاء الله بكرة تيجى تستلم شغلك

ويقفل معاة ومصطفى يكلم شروق ...

مصطفى : شروق اية اللى انتى عملتية دة

شروق : مش عايزاك تتكلم فى الموضوع دة يا مصطفى

بس انا عارفة ان دة حلمك وكنت نفسى اردلك ولو حاجة صغيرة من اللى انت طول عمرك بتعملة معايا

انت محتاج الشغل دة اكتر منى

على الاقل علشان تحقق حلمك

ووالله يا مصطفى انت لما تشتغل كدة انا هبقى مبسوطة اكتر ما اكون انا اللى شغالة

وعلى فكرة انا والله ما هرجع مكانى خلاص علشان مكانى بقى بتاعك

ويقفل مصطفى مع شروق ...

ويكلم مرام ..

مصطفى : مرام بكرة قبل ما نروح الشركة انزلى بدرى علشان عايزك فى موضوع مهم !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الثامنة )

شروق : طيب يا مصطفى انا كمان عايزاك

ويناموا ويصحوا الصبح ويقابلوا بعض ..

مرام : هى شروق سبتلك مكانها على اساس اية يعنى

ممكن تفهمنى

مصطفى : شافت ان دة حلمى فقررت انها تضحى بشغلها علشانى

عايزة تشوفنى فرحان وعايزة تشوفنى محقق حلمى

مرام : مصطفى متعصبنيش

دى بصفتها اية يعنى

انت شايف ان اللى عملتة دة معناة انها معتبراك اخوها

ينفع دة يعنى ؟؟

مصطفى : انتى شايفة انها علشان عملت كدة يبقى هى بتحبنى يعنى ؟؟

مرام : اة يا مصطفى فى وحدة هتضحى بشغلها علشان واحد

لمجرد اخوها ازاى يعنى

مصطفى : طيب ما انتى بتحبينى مضحتيش لية ؟؟

ومرام تسكت ..

مصطفى : اية يا أنسة سكتى لية ؟؟

انتى بتتكلمى فى أنك متضايقة ان شروق ضحت بمكانها علشانى

وغيرانة يعينى للاسف ..

بس مش فرحانة ان حلمى هيتحقق

والغريبة انك غيرتى من شروق علشان ضحت بمكانها علشانى

بسبب انك شايفة ان هى كدة بتحبنى

لكن مغيرتيش منها بسبب انها عملت حاجة انتى كنتى المفروض تعمليها بدالها

انتى علطول منكدة عليا وعلطول بتتخانقى وانا مستحملك علشان بحبك

وعمرك ما بصيتى لنفسك

طول عمرك بتقوليلى بحبك ومقدرش اعيش من غيرك

بس عمرك ما فكرتى تعملى حاجة تفرحنى !!

طول عمرك بتبصى لشروق انها بتحبنى وبتعمل حاجات مينفعش تعملها لانها اختى

مع انك عمرك ماعملتى الحاجات دى

وانا طول عمرى جاى على نفسى علشان عايز اشوفك سعيدة

وعلطول بقدرك فى حاجات بتعمليها

وانتى عمرك ما قدرتى اى حاجة انا بعملها

اقل حاجة مقدرتيش ان شروق اختى وان المشاكل الكتيرة دى ملهاش لزمة

مع انى أخر مرة قولتيلى يا أنا يا شروق

وانا قدرت انك غيرانة ومردتش اسيبك بسبب الكلمة دى

بس فعلا طلعت غلطان

انا استحملت كتير

بس الشئ اللى يزيد عن حدة يتقلب ضدة

مرام احنا كدة بجد مينفعش نكمل مع بعض

لو كملنا مع بعض يبقى هظلمك

لانى مبقتش قادر استحملك

بكرة ان شاء الله تلاقى الانسان اللى يحبك وتحبية واللى تقدروا تتفاهموا مع بعض

بعد اذنك ...

ويسيب مصطفى مرام

مرام فى سرها

اية اللى مصطفى قالة دة

هو انا كنت انانية اوى كدة

وعنيها تدمع ..

والله انا بحب مصطفى

ويروحوا يستلموا الشغل

وينزلوا مرحلة تدريب ..

وكل واحد بيتدرب فى حتة مختلفة عن التانى

ويروح البيت ..

شروق بتتصل ...

مصطفى : اية يا شروق ازيك

شروق : انا زى الفل المهم انت عامل اية وعملت اية فى الشغل الجديد

مصطفى : انا كويس

شروق : مالك يا مصطفى

مصطفى : مفيش مضايق شوية بس

شروق : لية كدة بس فى حد يضايق لما يحقق حلمة يا مصطفى برضة

اية اللى حصل ؟؟

مصطفى : انا ومرام سبنا بعض

شروق : اية اللى انت بتقولة دة ؟؟

مصطفى : زى ما سمعتى

شروق : ازاى يعنى

مصطفى انت بتحب مرام وهى بتحبك جدا

مصطفى : اهو اللى حصل

مفيش نصيب !!

شروق : طيب سبتوا بعض لية طيب يا مصطفى

مصطفى : خلاص يا شروق اقفلى الموضوع دة بعد اذنك

شروق : لاء مش هقفل الموضوع

لو اتخنقتوا مع بعض اتصالحوا يا مصطفى بس متوصلش لدرجة انكوا تسيبوا بعض

انا عارفة انت بتحب مرام ازاى

مصطفى : خلاص يا شروق الموضوع انتهى

شروق : لا منتهاش انا هسيبك تهدى وهتبقى تحكيلى برضة

علشان انا مش هسيبك كدة

لان كدة بجد مينفعش

و يقفلوا مع بعض ...

شروق فى سرها ...

اية دة معقول يكون فى اتنين بيحبوا بعض كدة ويسيبوا بعض بالسهولة دى ؟؟

بس مصطفى شكلة زعلان اوى

انا مش عايزة اشوف مصطفى كدة

نفسى اشوفة علطول فرحان

انا هكلم مرام وافهم منها جايز اقدر اخليها يقدروا يتفاهموا مع بعض تانى

وشروق تكلم مرام ..

شروق : اية يا مرام اذيك

مرام : انتى عايزة اية

مش خليتينا انا ومصطفى نسيب بعض

مش بقيتى كدة فرحانة

بتتصلى تشمتى فيا يعنى

خلاص كدة ارتحتى

انا مش عايز اعرفك تانى

حسبى الله ونعم الوكيل فيكى

وتقفل مرام فى وشها السكة ....

وتبتدى شروق تعيط ...

وتكلم مصطفى

شروق : الو

مصطفى : مال صوتك يا شروق انتى بتعيطى ؟؟

شروق : مصطفى بص

انت اكتر انسان فى الدنيا دى غالى عندى

واجدع واطيب انسان قابلتة فى حياتى

واجمل اخ فى الدنيا

ونفسى اشوفك علطول مبسوط وفرحان

ومش عايزة اكون انا سبب فى تدمير حياتك

انا كلمت مرام وعرفت انكوا سبتوا بعض بسببى

بس انا مش هبقى مبسوطة كدة

انا هقولك على اللى هيبسطنى وارجوك اعملة

كلم مرام وارجعلها وقولها ان موضوع شروق خلاص خلص

وقولها انك متعرفش شروق من النهاردة

قولها انها بقت مجرد انسانة اعرفها مفيش بينهم أقل من سلام

ومتقلقش والله ما هزعل منك

بالعكس انا هبقى فرحانة

علشان انا عايزك فرحان علطول مش عايزة ادمر حياتى بايدى

وتزيد شروق فى العياط

كلمها يا مصطفى

ومتقلقش

انت بالنسبة لى هتفضل

اخويا وكل حياتى !!

(انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة التاسعة )

مصطفى : وانا يا شروق مش عايز غير كدة

انا عايزك اختى وهتفضلى طول عمرك اختى

انا من النهاردة مرام مش عايزها

استحملتها كتير بس للاسف

مبتفكرش غير فى نفسها !!

مش عايز اشوفك بتعيطى يا شروق

انا كمان بحب اشوفك مبسوطة

علشان كدة مهما حصل هتفضلى اختى

وتبتدى شروق تبتسم ...

شروق : هو انت يا مصطفى لما كنت بشوفك متضايق او لما كنت

بتتخانق مع مرام كان بيبقى بسببى !!

مصطفى : خلاص بقى يا شروق كل المواضيع دى صفحة قديمة واتقفلت

وهنبتدى صفحة جديدة من الاول

نقطة ومن اول السطر

شروق اختى !!

شروق : والله انت احلى حاجة حصلتلى فى حياتى

واجمل اخ فى الدنيا

بس انا مش قادرة اكون انا سبب تدمير حياتك يا مصطفى

وربنا انا ما كنت اعرف انك بتتخانق بسببى

لو كنت اعرف كنت انسحبت من حياتك لوحدى

انا اسفة !!

مصطفى : اسفة اية يا هبلة متقوليش كدة

صدقينى انا مش زعلان

على الاقل علشان انا حاسس نفسى انى صح

وكمان راضى عن نفسى جدا

ودى كفاية عندى

يللا امسحى دموعك واضحكى كدة

ويقفلوا مع بعض

شروق فى سرها ...

ياة انا مبسوطة اوى

ربنا يخليك ليا يا مصطفى

حتى وانت مجروح يا مصطفى عايز تشوفنى فرحانة

حتى وانت مجروح مش عايز تتخلى عنى

يارب قدرنى وأقدر انسى مصطفى كل همومة

يارب

ويشتغل مصطفى فى الشركة اللى فضل طول عمرة يحلم بيها

مصطفى اشتغل فى قسم ومرام اشتغلت فى قسم تانى

وتمر الايام عليهم ...

مصطفى شغلة كويس جدا والمدير علطول بيشجعة

المدير دايما بيقول علية انة انشط واحد فى الشركة

وانة فى الفترة القليلة دى ىقدر يدى الشركة كتير

مصطفى حقق اول حلم لية

ومقدرش يحقق حلمة التانى

اللى هو مرام

بس دايما كان بيحمد ربنا

لانة عارف كويس اوى

ان لو لية نصيب فى حد هيشوفة هيشوفة !!

وحلم مصطفى دلوقتى واللى تقريبا مسيطر على كل فكرة

انة نفس يلاقى شغل كويس لشروق علشان تنزل فية

مصطفى كلم ناس كتير وساعات بينزل يدور بنفسة

وهيثم صاحب مصطفى هو وراندا اشتغلوا فى شركة تانية

وبالرغم ان مشاغل الحياة كتير

لكن مصطفى وهيثم فضلوا اصحاب

علطول بيسالوا عن بعض

وفى اوقات الفراغ والاجازات بيتقابلوا ويقعدوا مع بعض ...

ويلاقى هيثم بيتصل بية ...

هيثم : اية يا معلم

مصطفى : اية يا هيثم اخبارك اية

هيثم : تمام يا معلم المهم قولى هى شروق لسة ملقتش شغل صح ؟؟

مصطفى : اة لسة

هيثم : طيب خلاص هاتها بكرة

انا عندى ليها شغلانة

مصطفى : اية دة بجد يا هيثم

هيثم : اة والله وشغلانة فى شركة محترمة جدا كمان

مصطفى : الله عليك يا واد والله فرحتنى

وشروق تشتغل ...

شروق تتصل بمصطفى ...

شروق : ربنا يخليك ليا يا مصطفى يارب

مصطفى : ويخليكى ليا يا شروق

متتصوريش فرحان ازاى

شروق : يا مصطفى انا فرحتى كلها انك معايا وبس

مصطفى : ماشى ياعم

المهم بقى لو فية اى مشكلة فى الشركة او اى حد ضايقك مهما كان قوليلى علطول

شروق : اكيد طبعا اى حاجة لازم اقولهالك

المهم بقى يا مصطفى عايزة اكلمك فى موضوع

مصطفى : اتفضلى ...

شروق : انت لسة موضوع مرام دة مأثر فيك ؟؟

مصطفى : معرفش بس انا مستحيل ارجعلها دة غير ان مفيش فى قلبى ليها حاجة دلوقتى

بس فى نفس الوقت حاسس ان لسة مكانها موجود ومتساليش ازاى

علشان انا نفسى مش عارف

بس عموما يا شروق خلاص القصة انتهت

كل اللى بتمناة دلوقتى ان ربنا يوفقها فى حياتها

شروق : ان شاء الله

وانا كل اللى بتمناة دلوقتى انى مشوفكش كدة

وعلى فكرة انا وراك وراك لحد ما ترجع زى الاول

زى ما انت رجعتلى حياتى كدة

انا مش هسيبك الا لما ارجعهالك

مصطفى : طيب يللا ننام علشان نصحى بكرة بدرى للشغل

شروق : يللا يا مصطفى

ويقفلوا مع بعض ...

شروق فى سرها ..

ياة يا مصطفى تعرف

انا مكنتش عايزة اقفل معاك

وكنت فرحانة اوى وانا بسمع صوتك

معرفش لية بقيت عايزة افضلك جمبك

جمبك وبس

اية دة معقول يكون ؟؟

لالا مش معقول يللا خشى نامى بقى وبطلى تفكرى فى الحاجات العجيبة دى

دة اخوكى !!

وفى نفس الوقت مرام قاعدة عمالة تفكر ...

مصطفى وحشنى اوى

ساعات بشوفك يا مصطفى وانت رايح على مكتبك

وببقى نفسى اجرى عليك واسلم عليك وافضل باصة لعنيك

انت يا مصطفى بتفكر فيا لسة ولا خلاص نسيتنى

بس تعرف

حتى لو انت نسيتنى انا عمرى ما هنساك

تعرف انى نفسى اسمع صوتك دلوقتى اوى

طيب ما انا اقوم اكلمة

لالا اكلمة اية بس مينفعش طبعا

لالالا مصطفى واحشنى اوى ان شاء الله اسمع صوتة ومتكلمش

ان شاء الله يقفل حتى

انا هقوم اكلمة !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة العاشرة )

انا هقوم اكلمة

انا معايا رقم هو ميعرفوش هتصل منة

اسمع صوتة بس

نفسى اسمع صوتة اوى

وتقوم تجيب الخط

وتتصل بمصطفى ...

مصطفى : الو

الو

الو

ومرام تعيط ومتردش علية

ومصطفى يقفل السكة ...

مرام فى سرها ..

كنت نفسى اقولك انا اسفة بس مقدرتش

انا عارفة انى غلطت وكنت انانية معاك

وعارفة ان شروق كانت بالنسبة لك احسن منى

وعارفة انى مكنتش بعملك اى حاجة

بس كنت بحبك يا مصطفى

ولسة لحد دلوقتى بحبك

خايفة اكلمك ترفضنى

خايفة اسمع من الكلام اللى مش عايزة اسمعة

خايفة اسمع الكلام اللى يدمرنى

والايام تمر

مصطفى تقريبا قرب ميفتكرش جرحة

فى لحظات معينة ساعات شروق بتنسية كل حاجة

مصطفى وشروق بدأوا يقربوا من بعض جدا

لدرجة انهم مبقوش يعرفوا يناموا الا لما يكلموا بعض

وحتى شروق مبقتش تعمل اى حاجة الا لما تاخد رأى مصطفى

بقت تاخد رأية فى كل حاجة

كبيرة او صغيرة !!

وفى يوم مصطفى فى الشغل ...

هيثم بيتصل ..

هيثم : مصطفى بعد ما تخلص شغلك تعالى نتقابل علشان عايز اتكلم معاك شوية

مصطفى : اية يابنى فية اية ؟؟

هيثم لما تيجى بس ..

ومصطفى يخلص شغل ويقابل هيثم

مصطفى : اية يابنى قلقتنى

هيثم : مفيش بس انا مضايق اوى

مصطفى : اية اللى حصل ؟؟

هيثم : كنت اعرف واحدة وكنا مش اكتر من اصحاب

وكالطبيعى مش قايل لراندا

المهم بقى ان راندا شفتنى وهى معاها

ومن ساعتها مبتردش

انا عارف انى غلطان بس انا بحبها يا مصطفى

مصطفى : طب ولما انت بتحبها بتعرف غيرها لية ؟؟

هيثم : والله ما اعرف بس انا اقولك

ساعات بتخانق انا وراندا

وببقى مخنوق والاقى واحدة اعرفها هى اللى بتكلمنى وبتهدينى

بشوف اللى مبشوفوش من راندا فى بعض الاحيان

بس فى الاول والاخر مش عايز غير راندا

مصطفى : طيب يعنى وانت شايف ان دة مبرر يخليك تعمل كدة ؟؟

هيثم : لا اكيد

بس دلوقتى انا اعمل اية

انا مش عايز اخصرها بجد

مصطفى : طيب انت لو رجعتلها هتعرف عليها حد تانى ؟؟

هيثم : لا خلاص وربنا

انا بجد فوقت

مصطفى : طيب خلاص روح بس دلوقتى وربنا يسهلها

ومصطفى يروح ويكلم شروق ...

مصطفى : بقولك اية

شروق : اية ؟؟

مصطفى : هيثم متخانق مع راندا وعايزين نصالحهم على بعض

ومصطفى يحكيلها الموضوع ..

شروق : طيب بكرة انا هكلم راندا واحاول اهديها ..

شروق : تصبح على خير يا مصطفى

مصطفى : وانتى من اهلة

وشروق تكلم راندا ...

شروق : اية يا راندا ازيك

راندا : كويسة انتى عاملة اية

شروق : انا كويسة

انا كنت عايزاكى فى موضوع

راندا : اية خير ؟؟

شروق : انا عارفة انك متخانقة مع هيثم

بس على فكرة هو ندمان على اللى عملة وكلم مصطفى

راندا : ندمان على اية يا شروق

انا شوفتو ماشى مع واحدة غيرى

هيثم كان بيلعب بيا يا شروق

شروق : والله لاء يا راندا طيب هسألك سؤال

انتى بتحبى هيثم ؟؟

راندا : والله بحبة اوى

شروق : طيب مش اللى بيحب بيسامح

بصى انتى عارفة ان هيثم ومصطفى بيحكوا لبعض كل حاجة

هيثم كان بيكلم مصطفى انة عرف غلطتة وانة عمرو ما هيعرف انسانة غيرك تانى

مش دة اللى انتى عايزاة يا مرام

جربى بدل ما تخسرى انسان بيحبك بجد

وفعلا راندا تقتنع بكلام شروق وهيثم يكلم راندا ويتصالحوا

ومصطفى يكلم شروق ..

مصطفى : الله ينور يا معلم

شروق تبتسم

شروق : علشان تعرف بس انك تعرف راجل

مصطفى : ايون ما انا عارف وارجل انسان شفتو كمان

شروق : انا راجل يا مصطفى

ومصطفى يضحك

شروق : اية دة بتضحك ماشى ماشى

انا زعلانة منك

مصطفى : لاء مش هتقدرى على فكرة

شروق : اة طبعا مش هقدر

مصطفى : عموما الواد هيثم بيقولى ان البت اللى كان ماشى معاها ساعة ما راندا شافتة

كانت حلوة جدا

فقولتلة يعرفنى عليها وامشى معاها انا بقى

شروق : نعم نعم علشان كنت قلتلتك

مصطفى : اية قتلتينى لية ؟؟

انتى بتغيرى يا شروق ؟؟

وشروق فى سرها ..

يالهوى اية اللى انا قولتة دة

شروق : بغير اية يا مصطفى انا بهزر

مصطفى : لاء مكنتيش بتهزرى

اعترفى

شروق : اعترف بأية

مصطفى : اعترفى بأنك بتغيرى

شروق : لاء مبغيرش

مصطفى : اعترفى قولتلك الانكار مش هيفيدك

شروق : اة غيرت يا تنح يا رزل يا غلس يا بارد ها بقى

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الحادية عشر )

مصطفى : اية دة بتغيرى

بتغيرى لية ؟؟

وشروق فى سرها ..

اة يا بارد

ومتردش علية

ومصطفى يضحك

مصطفى : ما تتكلمى يا بنتى

شروق : علشان انت اخويا ومبحبش اشوف اخويا مع حد تانى

مصطفى : اية دة بجد طب كويس

شروق فى سرها ..

اقولة ولا لاء

مصطفى : على فكرة

انا عارف انك مكنتش عايزة تقولى كلمة اخويا دى وعلشان كدة هسيبك

بس انا مش معتبرك اختى دلوقتى على فكرة

وشروق ولا تعرف هى مستغربة ولا هى فرحانة ولا أى حاجة

شروق : تقصد اية يا مصطفى

مصطفى : قصدى وصلك

زى ما قصدك وصلى بالظبط

طيب اللى انا فهمتة دة مكنتيش تقصدية

شروق : هو اية دة ؟؟

مصطفى : بت متستعبطيش

شروق : طب خلاص خلاص

اة اقصدة

مصطفى : يعنى انتى بتحبينى زى ما انا بحبك ؟؟

وشروق تسكت ومتتكلمش

فى سرها ...

اية دة انا مش مصدقة نفسى

بقى الحلم اللى انا كنت بقول انة عمرة ما هيحصل

وان حبى لمصطفى من طرف واحد

يطلع هو كمان بيحبنى

معقول !!

مصطفى : يا شروق سكتى لية

افهم من كدة انك مش موافقة يعنى

شروق : اية لاء لاء طبعا

ومصطفى يبتسم

مصطفى : طب بحبك

وشروق وشها يحمر ومتتكلمش ..

مصطفى : مش عايزة تردى يعنى

طب خلاص ماشى براحتك بقى

وشروق برضة متتكلمش ووشها محمر ومكسوفة جدا

مصطفى : طب خلاص انا هقفل بقى واخش انام تصبحى على خير

ويقفلوا مع بعض ....

ومصطفى يلاقى الموبايل بيرن ويرد ..

شروق : بحبك اوى

سلام

وتقفل ...

ومصطفى يضحك على منظر شروق

ويكلمها ..

مصطفى : الو

شروق : الو

مصطفى : بعد اذنك كان فية واحدة مجنونة هنا اسمها شروق ممكن تديهانى

شروق : عايزها فى اية

مصطفى : قوليلها مصطفى حبيبك عايزك بس وهى هتفهم علطول

شروق : بتقولك شروق حبيبتك بتكلم حبيبها دلوقتى

مصطفى : تعرفى

انا هقولك حاجة بجد

انا دلوقتى فى اسعد لحظات حياتى لما حسيتك حبيبتى مش أختى

شروق : وانا والله يا مصطفى

انا مبسوطة اوى

تعرف انا مكنتش متوقعاها منك اصلا

بس اللى عيزاك تعرفة انى محبتش محمود وربنا

وانى محبتش فى الدنيا دى قدك

والله بحبك اوى

ويقفلوا مع بعض ...

ومصطفى يروح شغلة وبعد الشغل يقابل هيثم ...

مصطفى : اية يا هيثم عامل اية مع راندا ؟؟

هيثم : الحمد لله

بقينا كويسين اهو

اينعم بقت تشك كتير دلوقتى بس انا عاذرها

انا اللى عملتو فية مكنش قليل

ثم دة كمان ثبتلى انها بتحبنى اوى علشان لو مكنتش بتحبنى كدة مكنتش سامحتنى

يللا ربنا يقدرنى واقدر اعوضها عن اللى انا عملتة فيها

مصطفى : كويس انك عرفت غلطتك وربنا يوفقكوا ان شاء الله

هيثم : وانت شروق عاملة اية

مصطفى : اهى كويسة الحمد لله

مش احنا ارتبطنا صحيح

هيثم : ارتبط انت ومين

مصطفى : انا وشروق

هيثم : لا يا راجل

مصطفى : اة وربنا

هيثم : انت اصلا بتحبها انا كل اللى اعرفة انك طول عمرك معتبرها اختك

مصطفى : لاء بص

انا شروق بعزها اوى

يعنى طيبة ومؤدبة ومتربية على ايدى ومبتعملش اى حاجة غير لما تقولى

تقريبا كدة عارف عنها كل حاجة

وغير كل دة بتحبنى

وعمرى ما هلاقى فى الدنيا حد زى شروق

اة يمكن مش بحبها الحب اللى كنت بحبة لمرام

بس مهما كان مرام كان حبى الاول

والحب الاول صعب الواحد ينساة بسهولة وصعب حد يحب حب قدة

هيثم : طيب يا مصطفى على العموم ربنا يوفقكوا

ويروح مصطفى ويكلم شروق كالعادة

لانهم مبيعرفوش يناموا غير لما يسمعوا صوت بعض

مصطفى : بكرة عايزك فى حاجة كدة بعد الشغل تعالى علشان هشوفك

شروق : ماشى

ويقلوا مع بعض ..

شروق فى سرها ..

يا ترى مصطفى عايزنى فى اية ؟؟

ويخلصوا شغل ويقابلوا بعض

شروق : اية يا مصطفى كنت عايزنى فى اية ؟؟

مصطفى : غمضى عنيكى

شروق : ودة لية كدة يعنى

مصطفى : غمضى عنيكى بس

وشروق تغمض عنيها

مصطفى : فتحى ...

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الثانية عشر )

شروق : دى اية دى

مصطفى : دى سلسلة فضة يا شروق

عايزك تلبسيها ومش تقلعيها خالص

اعتبرى ان دى انا

اعتبرى انى بعبر عن حاجة بسيطة عن حبى فى السلسلة دى

او اعتبرى ان السلسلة دى حبى ليكى

اعتبرى ان انا حطيت حبى ليكى فى رقبتك

تقدرى تحافظى على حبى او لاء

تقدرى تحافظى على السلسة وتلبسيها علطول

او تقدرى تقلعيها وقت ما تكونى عايزة تقلعيها

او وقت ما تكونى حاسة انك مش قادرة تحبينى

او مش قادرة تكملى معايا

بس طول ما انتى بتحبينى متقلعيهاش

وانا ادتهالك يا شروق علشان اقولك انى حبى ليكى عمرى ما هنساة

ولا عمرى هحب غيرك

لان حبى وقلبى وعمرى كلة بقى معاكى من اللحظة اللى قولتلك فيها بحبك

شروق : وانا والله يا مصطفى بحبك اوى

متتصورش انا بحبك ازاى

ولا تتصور انا سعيدة اد اية دلوقتى

بس جميلة اوى السلسلة دى

والاجمل انها منك

من الانسان اللى كنت بقول انة اخويا وانا من جوايا بحبة

انا هفضل لبساها ومش هقلعها غير لو مت يا مصطفى

انت متتصورش السلسلة دى بقت غالية عندى ازاى

تعرف

انا حاسة انى اتولدت من اول وجديد

ويروحوا ...

شروق فى سرها ...

ياة انا طايرة من الفرح

مصطفى دة اجمل انسان قابلتة فى حياتى

يارب قدرنى واسعدة بقى

وتمسك السلسلة وهى فى رقبتها

وتخش تنام ...

ومصطفى فى نفس الوقت كان بيتكلم فى سرة ..

ياة نظرة شروق وهى فرحانة النهاردة مخليانى فرحان اوى

بالرغم انى كنت بحب مرام وشروق عمرى ما حسيت معاها بأى مشاعر

بس بفرح لما بشوفها فرحانة

وبضايق لما بشوفها مضايقة

جايز علشان كنت علطول بحس انها مسئولة منى

جايز !!

ويخش ينام ..

ويصحى مصطفى من نومة على جرس تليفونة

مصطفى : الو

شروق : الو

مصطفى : اية يا شروق فية حاجة ولا أية

شروق : لاء بس انا نمت ولقيت نفسى صحيت لوحدى من كتر ما انت واحشنى

كان نفسى اكلمك

اسفة علشان صحيتك

بس انت كنت واحشنى وربنا

مصطفى : اسفة اية يا بنتى اية اللى بتقولية دة

لاء طبعا

بالعكس بقى دة احلى صحيان اصلا

بس انا عارف انتى صحيتى من اية

شروق : من اية طيب ؟؟

مصطفى : اصلا انا كنت قايل للسلسلة انك لما تنامى تقولك بحبك وتصحيكى

فهى اكيد قعدت تقولك مصطفى بيقولك بحبك

فصحيتى

شروق : ما انا سمعاها من الاول اصلا

ثم السلسلة دى اصلا يا مصطفى

بقت حياتى

مصطفى : والله انتى اللى بقيتى حياتى يا شروق

شروق : يعنى انا نسيتك مرام ولا لسة بتفكر فيها

مصطفى : يا بنتى مرام كانت قبلك بس

لو كنت اعرف انى هحبك كدة وهبقى سعيد معاكى كدة

كنتى ساعتها هتكونى اول واحدة

شروق : وربنا بحبك

مصطفى : وانا بحبك

شروق : طيب يللا ننام بقى

سلام

ويقفلوا مع بعض ...

مصطفى فى سرة ..

ياة يا شروق انا عمرى ما حسيت بالحب دة كلة مع مرام

انتى معقول بتحبينى الحب دة كلة !!

وفعلا انا حاسس انك بدأتى تنسينى حب مرام بجد

بالحب اللى انتى مديهونى دة

بجد عوضتينى عن حاجات كتير كانت نقصانى

وينام ...

ويصحى يروح شغلة ..

وفى اثناء الشغل يلاقى شروق بتتصل بية ...

شروق : مصطفى انا هستأذن من الشغل بدرى النهاردة انا وصاحبتى علشان اجيب

شوية حاجات كدة

مصطفى : طيب بس متتاخريش

وخلى بالك من نفسك

شروق : حاضر يا حبيبى متقلقش مش هتأخر

مصطفى : انتى هتخرجى على الساعة كام كدة

شروق : يعنى هستأذن على الساعة اتنين كدة

مصطفى : طيب اخرك الساعة سابعة تكونى فى البيت

شروق : حاضر يا حبيبى

ومصطفى يقابل هيثم ..

ويقعدوا مع بعض

مصطفى : اية يا هيثم اخبارك اية و راندا عاملة اية

هيثم : اهو متخانقين شوية

مصطفى : لية فية اية

هيثم : هقولك بص

مصطفى : طب استنى اكلم شروق علشان شروق اتاخرت جدا

الساعة دلوقتى تسعة وانا قايلها تروح الساعة سبعة

هيثم : اوك

ويتصل مصطفى بشروق ومتردش علية ...

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الثالثة عشر )

هيثم : يا مصطفى متقلقش خير ان شاء الله

مصطفى : طيب دى انا اروح ادور عليها فين دى ولا اعمل اية

هيثم : ياعم هى عيلة صغيرة متقلقش شوية وهتلاقيها بتكلمك

مصطفى : يابنى دى اتاخرت ومبتردش اكيد فى حاجة

هيثم : بطل القلق دة بس وهيبقى خير ان شاء الله

مصطفى : طيب اكلمك بعدين بقى علشان انا هروح علشان انا دماغى مقلوبة

ويروح مصطفى ويفضل طول الطريق بيتصل بيها وهى مبتردش !!

ويروح مصطفى ..

مصطفى فى سرة ..

يا ترى يا شروق انتى فين ولا حصل اية

انتى كويسة ولا

ويلاقى موبايلو بيرن ...

شروق : الو

مصطفى : اية يا شروق انتى فين ؟؟

شروق : معلش يا حبيبى انا عارفة انى قلقتك عليا

بس والله مسمعتش الموبايل

مصطفى : اية نعم ؟؟

انتى اتأخرتى لية ؟؟

شروق : مفيش كنت مع صاحبتى وقعدنا نلف علشان نشترى الحاجات

والوقت عدى بسرعة ومخدناش بالنا من الوقت

وكمان والله الصوت كان عالى فى الشارع ومسمعتش الموبايل ولما روحت

طلعت موبايلى علشان اتصل بيك لقيت انك متصل كتير

انا اسفة والله

مصطفى : اسفة على اية

شروق : معلش يا مصطفى مش خت بالى

مصطفى : لا ولا يهمك عادى

شروق : يعنى مش زعلان

مصطفى : لا خالص هو انتى عملتى حاجة تزعل

انتى حرقتى دمى ومسمعتيش كلامى واتأخرتى وخلتينى قلقت عليكى وبقيت

مش عارف اعمل حاجة ولا عارف فية اية ولا انتى فين بس

يعنى معملتيش حاجة

يللا علشان انا هخش انام

تصبحى على خير

شروق : مش هسيبك تنام وانت زعلان

انا عارفة والله انى غلطت بس معلش

والله مش خت بالى من الوقت

مصطفى : طيب بقولك اية اقفلى دلوقتى علشان مش طايق اتكلم اساسا

ويقفلوا مع بعض

وشروق تعيط وتمسك السلسلة فى ايديها

وتتكلم فى سرها

انا عارفة انى غلطت

بس تعرف اول مرة احس انك بتخاف عليا كدة

جايز زمان كنت بحسها وانت اخويا

بس دلوقتى حاسها بطريقة مختلفة خالص

والله نفسى مزعلكش خالص

بس هسيبك تهدى وهصالحك برضة علشان مقدرش اشوفك زعلان كدة

تعرف اصلا انا كنت بخاف انى ببقى ماشية لوحدى واخاف انى اتاخر

بس السلسة دى محسسانى بالامان

محسسانى انك معايا فى كل وقت

وتنام شروق ودمعتها فى عنيها ...

وتصحى الصبح تكلم مصطفى وميردش عليها ..

ويروح كل واحد فيهم شغلة

مصطفى يخلص الشغل ويقابل هيثم ..

هيثم : اية يا مصطفى طمنى اية اللى حصل

مصطفى : مفيش بتقول مخدتش بالها من الوقت ومسمعتش الموبايل

هيثم : لا يا راجل

طيب يا مصطفى خلاص سامحها هى مش اعترفت بغلطها ؟؟

مصطفى : اة اعترفت بس بجد مش قادر اكلمها

علشان مخنوق منها جدا

متتصورش انا قلقت عليها ازاى وبقيت قاعد هتجنن علشان مش قادر اعمل حاجة

وفى الاخر تطلع مش سامعة الموبايل

هيثم : هى اللى بتتصل دى ؟؟

مصطفى : اة هى

هيثم : طب رد عليها

مصطفى : لاء سيبها

لما اروح هبقى ارد عليها

المهم قولى بقى كنت هتقول اية امبارح

معلش قاطعت

هيثم : لا ولايهمك

هقولك بص

انا متخانق مع راندا

مصطفى : لية بقى

هيثم : علشان الاخت لسة بتشك فيا وزودتها اوى

لدرجة انى ممكن تبقى معايا وفى واحدة ماشية تقوم قايلالى

اية دة انت بتبصلها ما تروح تتعرف عليها

اجيبلك رقم تيلفونها بالمرة

قول متتكسفش

لدرجة يا مصطفى انها كرهتنى فى عيشتى

انا عارف انى غلطت قبل كدة

بس انا اتغيرت علشانها

بس هى مزوداها و زهقتنى

علشان كدة اتخنقت معاها اخر مرة وقلتلها

انى بحبها بس كدة انتى هتكرهينى فيكى

وقولتلها لو هتفضلى بطريقتك دى مش عايز اعرفك تانى

مصطفى : لية يا ابنى بس اللى انت قلتة دة

هيثم : اتخنقت يا مصطفى

مصطفى : طيب قوم كلمها ياض راندا بتحبك بجد

وموبايل مصطفى بيرن ..

مصطفى : دى راندا اللى بتتصل

هيثم : طيب رد عليها ومتقولش انى معاك

مصطفى : الو

راندا : ازيك يا مصطفى

مصطفى : انا كويس انتى عاملة اية

راندا : انا كويسة

مصطفى : اية فية حاجة ؟؟

راندا : اة كنت عايزة اسألك فى حاجة

انت اكتر واحد صاحب هيثم

مصطفى هو هيثم مرتبط بحد غير مش كدة ؟؟

مصطفى : اية يا راندا اللى انتى بتقولية دة

راندا : هيثم بيقولى مش عايز اعرفك تانى

عمرو ما اتعامل معايا كدة

مصطفى : لاء هو اتخنق من معاملتك لية بس

بصى يا راندا لكل انسان لسة حد معين

وحتى لو احنا شاكين فى حد

مينفعش نبيلو اننا شاكين

بالعكس ندارى لحد ما نتأكد من شكوكنا

لكن انتى باللى انتى بتعملية دة

بتخلية يحس ان كل اللى بيعملة علشانك ولا حاجة

حسسية بثقتك فية

واثقى فية

هيثم اتغير كتير

لانة بيحبك يا راندا بجد

راندا : يعنى انت شايف كدة

مصطفى : اة شايف كدة

راندا : طيب خلاص انا هكلمة

ومصطفى يقفل معاها

مصطفى : اهى هتكلمك بقى وخلاص ياعم فك كدة

ومتقفلش معاها البت بتحبك

هيثم : طيب خلاص

ومصطفى يروح وهو فى الطريق يوصلة رسالة

شروق : مصطفى انا عارفة انى غلطت

بس صدقنى انا مقدرش استحمل زعلك دة

انا الموت عندى اهون

ياريت تسامحنى

واول ما مصطفى يروح يكلم شروق

مصطفى : بصى يا شروق انا هقولك حاجة مهمة

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الرابعة عشر )

مصطفى : بصى يا شروق انا هقولك حاجة مهمة

انا لما بقولك متتأخريش دة علشان انا خايف ليكى

مش علشان انا بقيدك ولا علشان عايز اضايقك

فالمفروض لما اقولك حاجة زى دى تلتزمى بيها

شروق : يا حبيبى والله انا عارفة

وخلاص مش هتأخر تانى

فك بقى

مصطفى : طيب خلاص

شروق : ايوة كدة اهو الواحد يعرف ينام مرتاح

ويناموا ..

ويصحى مصطفى الصبح علشان يروح الشغل ..

ويكلم والدتة ..

مصطفى : ماما صحيح كنت عايز اسألك فى حاجة

والدتة : اية يا حبيبى فى اية

مصطفى : بشوفك انتى ووالدة شروق بتتكلموا كتير كدة ولما بخش عليكو

بتسكتو وبتغيروا الموضوع

والدتة : لا يا حبيبى ولا حاجة

مصطفى : على ابنك برضة دى عينيكى باينة اوى ان فيها حاجة

قولى قولى

والدتة : انا هسألك سؤال الاول

انت مش ناوى تتجوز يابنى

مصطفى : لا ناوى يا ماما بس لسة مظبطش امورى ومش هينفع اتقدم لحد

الا لما اعرف امورى بالظبط ماشية ازاى

والدتة : طب انت حاطط عينك على حد

مصطفى : اة فهمت بقى

هى شروق حاكية لمامتها واكيد مامتها قالتلك

والدتة : اة جت منها ومجتش منك

مش لما يكون فية حاجة زى دى تيجى تقولى

مصطفى : والله كنت هقولك فعلا بس مجتش فرصة

والدتة : طيب يا حبيبى شد حيلك علشان نفسى اشوفك عريس

مصطفى : اية رأيك فى شروق يا ماما

والدتة : واحنا هنلاقى احسن منهم يا مصطفى

اهلها ناس طيبين ونعرفهم

ومامتها اعرفها اكتر من اى حد دى عشرة سنين

وشروق مؤدبة وانا اللى مربياها على ايدى

انا كان نفسى من زمان تكون دى اللى تختارها يا مصطفى

انا فرحانة بجد انك اخترت شروق

مصطفى : ايوة هو دة اهم حاجة عندى

رضاكى يا ست الكل

ومصطفى يبوس ايديها ..

وينزل يروح الشغل

ويدخل مكتبة ..

ويلاقى مرام داخلة علية ...

مرام : اذيك يا مصطفى

مصطفى : انا كويس

انتى عاملة اية

مرام :انا الحمد لله

انا قولت اسال عليك احنا برضة كنا اصحاب فى يوم من الايام

مصطفى : اة اكيد طبعا

مرام : طيب خد دة

مصطفى : اية دة ؟؟

مرام : دة دعوة خطوبتى

لازم تكون انت اول واحد تحضرة يا مصطفى

احنا مهما كان زمايل فى الشغل برضة ..

مصطفى : اة طبعا

هاجى ان شاء الله

ويخلص مصطفى شغلة ويقابل هيثم ..

هيثم : عرفت ان فرح مرام بكرة ؟؟

مصطفى : اة انت عرفت منين ؟؟

هيثم : مفيش جت لراندا وادتها دعوتين واحدة ليا وواحدة ليها

مصطفى : اة ما اهى جاتنى وادتنى دعوتى بنفسها

هيثم : طب انت هتروح

مصطفى : اة هروح

هيثم : لية يا مصطفى

مصطفى : هروح يا هيثم

انا لو مجتش هتفرح وهتفكر انى لسة مضايق

ودة اللى هى عايزاة

وانا عمرى ما هديها الفرصة دى

مرام عايزة تجرحنى يا هيثم

مرام عايزة تجرحنى !!

هيثم : طيب خلاص بكرة نتقابل ونروح كلنا

ومصطفى يروح ...

ويكلم شروق ..

شروق : هتروح فرح مرام بكرة يا مصطفى ؟؟

مصطفى : وانتى عرفتى منين ان فرحها بكرة ؟؟

شروق : مرام كلمتنى وقالتلى انها اديتك دعوة وانك هتروح

وقالتلى انها مردتش تديك دعوتى

علشان تكلمنى وتدعينى بنفسها

وقالتلى معلش فى اللى عملتة معاكى اخر مرة

هتروح يا مصطفى ؟؟

مصطفى : اة هروح انا وهيثم وراندا

هتيجى ؟؟

شروق : لا مش هاجى

مش هقدر ابص فى وشها بعد اللى قالتة اخر مرة

روح انت يا مصطفى لوحدك

ويقفلوا مع بعض ..

شروق فى سرها ...

عارفة انك مجروح دلوقتى يا مصطفى

علشان كدة مش قادرة اقولك حاجة

ودموع شروق تنزل ..

عارفة ان اللحظة دى مش سهلة عندك

مهما كان

بس كان فية ايام بينكم

بس انا هحاول على قد ما اقدر انى اعوضك عن كل حاجة جرحتك فى حياتك

علشان كدة نفسى اخرجك من اللى انت فية دة بس مش عارفة

ويناموا ويروح مصطفى الفرح ...

مصطفى : راندا عاملة اية

مصطفى : انا كويسة

انت عامل اية

مصطفى : تمام الحمد لله

راندا فى سرها ...

نفسى اعرف يا مرام عملتى لية كدة

شكلك باين عليكى انك مش فرحانة

ومصطفى اكتر منك

الموضوع اتقفل وكنا قربنا ننساة

لية بتفتحية من جديد يا مرام

لية بس !!

ومصطفى فى سرة ..

لا انا مش مضايق

لا انا بتضحك على نفسى انا مضايق

طيب حاول تدارى علشان محدش ياخد بالة

هو انت مش بتحب شروق

لا طبعا اكيد بحبها

والله شروق دى اللى معوضانى عن حاجات كتير

ربنا يخليها ليا

بس مش عارف لية مش قادر استحمل اشوف مرام كدة

مش عارف

هيثم : مصطفى

يا مصطفى

يا مصطفى !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

انتظروا الحلقة القادمة

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الخامسة عشر )

مصطفى : اية يا هيثم

هيثم : بطل سرحان وفك علشان شكلك ميبنش عليك

مصطفى : بقولك اية يللا نروح نسلم على العريس والعروسة ونمشى

علشان مش طايق اقعد هنا اكتر من كدة

هيثم : طيب يللا

ويروحوا يسلمو على العريس والعروسة

ويمشى مصطفى

ووراة انسانة كانت هتبقى لية فى يوم من الايام

( فالقلوب تريد والقدر يتحكم )

هيثم : تعالى نوصل راندا ونروح نقعد انا وانت على اى قهوة شوية

مصطفى : لا لا معلش يا هيثم روح انت وراندا

وانا هروح عايز ابقى لوحدى شوية

ومصطفى يروح ....

هيثم : ياريت مصطفى ما كان جية

راندا : لا يا هيثم بالعكس كدة احسن

على الاقل علشان مرام متحسش انها كسرتة

هيثم : دة كان باين علية اوى يا راندا ومقدرش يدارى حاجة

راندا : لاء متهيألك دة بس علشان انت عارف الموضوع

ثم مرام كان باين عليها اكتر منة

مرام كانت فاكرة ان لما تديلو دعوة فرحها كدة هتجرحة

متعرفش انها كدة جرحت نفسها !!

ومصطفى يكلم شروق ...

مصطفى : انا وانا جاى شوفتك واقفة فى البلكونة وبتعيطى يا شروق

شروق : انا لاء يا مصطفى

مصطفى : شروق متضحكيش على نفسك

شروق انا بحبك ومبحبش غيرك

شروق : والله عارفة يا مصطفى

متشغلش باللك انت بس

المهم روحت

مصطفى : اة روحت انا وهيثم وراندا

شروق : طيب ربنا يتمملهم على خير

ويقفلوا مع بعض ...

مصطفى فى سرة ...

عارف يا شروق انى جرحتك

بس والله غصب عنى

ومكنتش قاصد اجرحك

انا حسيت دة اوى دلوقتى لما شفت دموعك وكلامك فى التيلفون

بس اوعدك بكرة يا شروق هتسمعى خبر ينسيكى كل اللى انا عملتة فيكى دلوقتى

وشروق تنام من كتر العياط وهى ماسكة السلسلة

مصطفى يصحى من النوم يكلم مامتة

مصطفى : ماما كنت عايزك فى موضوع

ماما : اية يا حبيبى فية اية

مصطفى : مش عايزة تفرحى بيا ؟؟

ماما : اكيد طبعا

مصطفى : طيب اية رأيك تكلمى مامة شروق ونعمل خطوبة بس دلوقتى

لحد ما امورى تظبط وساعتها نتجوز

ماما : اة يا مصطفى دة كويس وان شاء الله لما ربنا يكرمك تبقوا تتجوزوا

ولا مامة شروق هترفض ولا باباها

دول يتمنوا يا حبيبى

وتبان علامات الفرح على وش والدة مصطفى

ماما : طيب يا مصطفى روح شغلك بقى وانا هروح اكلمها دلوقتى وافاتحها فى الموضوع

ويروح مصطفى شغلة ..

وفى اثناء شغل مصطفى تروح والدتة لوالدة شروق ..

والدة مصطفى : بصى بقى يا ام شروق انا عايزة اخد شروق لمصطفى ابنى

والدة شروق تسكت ...

ووالدة مصطفى تبتدى على وشها علامات الاستغراب

والدة مصطفى : انتى مش موافقة

والدة شروق : والله مش كدة

بس

والدة مصطفى : بس اية ؟؟

والدة شروق : شروق من فترة قريبة تعبت

وفى اثناء واحنا بنعملها التحاليل والفحوصات اكتشفنا انها عندها عيب خلقى

ومبتخلفش

وانا وابوها مخبيين عليها ومش قايلنلها لحد دلوقتى

والدة مصطفى : مبتخلفش

والدة شروق : بصى يا ام مصطفى احنا اكتر من اخوات واكتر من اهل

وعمرنا ما نرفض مصطفى لاى سبب كان

لاننا مش هنلاقى احسن منكوا

بس فى نفس الوقت منقدرش نخدعكم

اعرضى الموضوع على مصطفى وهستنى منكوا الرد

وصدقينى حتى لو انتوا موفقتوش علاقاتنا مش هتتأثر علشان دة حقكم

وترجع والدة مصطفى البيت وهى زعلانة وحيرانة ..

مصطفى فى الشغل يدخل علية محمد زميلة ..

محمد : مش هتروح لمرام زميلتنا ؟؟

مصطفى : لية مالها ؟؟

محمد : بيقولوا بعد ما خلصت فرحها امبارح

جالها هبوط فى الدورة الدموية ونقلوها المستشفى

مصطفى : انت بتتكلم جد ؟؟

محمد : اة والله

مصطفى : طيب ادينى عنوان المستشفى بسرعة ..

ويروح مصطفى يزور مرام ...

ويلاقى خطيب مرام

خطيب مرام : مش انت صاحب مرام فى الشغل

مصطفى : اة هى عاملة اية دلوقتى

خطيب مرام : تعبانة اوى بس مش عارف مالها

ويخش مصطفى لمرام ..

ومرام تشوفة وتستغرب .....

مصطفى : اية يا مرام عاملة اية دلوقتى

مرام : احسن الحمد لله

مصطفى : طيب يلا شدى حيلك وقوميلنا بالسلامة

مرام فى سرها ...

اية دة

انت يا مصطفى اللى جايلى بنفسك

انا مش مصدقة نفسى

انا بقيت كويسة يا مصطفى

بقيت كويسة

مصطفى : طيب استأذن انا بقى وهبقى اجى اشوفك بكرة يا مرام وان شاء الله تكونى احسن من الاول

ويروح مصطفى البيت ويشوف والدتة زعلانة ..

مصطفى : مالك يا ماما فى اية ؟؟

والدتة : نفسى اشوفك متجوز وعندك عيل افرح بية

مصطفى : هو انتى مروحتيش لوالدة شروق ؟؟

والدتة : روحتيلها

مصطفى : طب وامال فية اية بقى

ما انا بكرة اتجوز واجيبلك عيل تفرحة بية اهو

ولا

هما موفقوش ؟؟

والدتة : لاء يا ابنى وافقوا

بس

مصطفى : بس اية يا ماما قلقتينى

والدتة : شروق مبتخلفش يابنى

مصطفى : اية يا ماما

مبتخلفش ؟؟؟

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة السادسة عشر )

مصطفى : مبتخلفش !!

والدتة : اة يا حبيبى

هتعمل اية

مصطفى : معرفش

سيبينى يا ماما شوية

ويخش مصطفى ينام

ويصحى يروح لمرام يطمن عليها ...

مصطفى : عاملة اية النهاردة

مرام : انا كويسة اوى

كويسة علشان انت جمبى

انا محتجاك جمبى اوى يا مصطفى

مصطفى : انا جمبك اهو لحد ما تقومى بالسلامة

مرام : انا عايزاك جمبى طول العمر يا مصطفى

متتصورش انا حصلى اية لما اتاكدت انى مش هبقى ليك

انا مش قادرة احب غيرك يا مصطفى

انت اول واخر حب ليا !!

مصطفى : مرام معلش ممكن متفتحيش مواضيع اتقفلت

وصدقينى انتى من النهاردة دة اختى وهفضل طول عمرى جمبك لو احتجتينى

مرام : هو صحيح انت ارتبطت بشروق

مصطفى : عرفتى منين ؟؟

مرام : كنت بكلم راندا قبل ما اتخطب وهى قالتلى كدة

بس مقدرتش اسمع منها اكتر من كدة

وكدبت اللى سمعتة

دة حقيقى يا مصطفى ؟؟

مصطفى : اة

بس ممكن ترتاحى ومتفكريش فى اى حاجة بقى لحد ما تقوميلنا بالسلامة

مصطفى : يللا انا هروح الشغل بقى علشان انا كنت مستأذنهم فى ساعتين كدة بس

مرام : طيب يا مصطفى خد بالك من نفسك

ومصطفى يمشى ...

مرام فى سرها بدموعها ....

بعد ما كنت حبيبتك بقيت اختك يا مصطفى

وشروق بقت حبيبتك

ياة يا مصطفى

نفسى اعرف انت ازاى قادر على اللى انت بتعملة دة

قولى يمكن أقدر انا كمان !!

ومصطفى يروح شغلة ..

عامل فى الشركة : استاذ مصطفى

مصطفى : نعم

عامل فى الشركة : المدير عايز حضرتك فى مكتبة

مصطفى : طيب خلاص انا هروحلة اهو

ومصطفى يروح للمدير

المدير : مصطفى انت مش عاجبنى اليومين دول

شغلك مش كويس

مش دة مصطفى اللى انا اعرفة

احوالك مش عجبانى الايام دى

مصطفى : معلش انا فعلا فية شوية مشاكل شخصية كدة

المدير : لاء يا مصطفى حاول ان مشاكلك الشخصية متأئثرش على عملك ولا على حياتك

لو مشاكلك اتمكنت منك هتخصر كل حاجة يا مصطفى

ويمشى مصطفى ..

ويخلص شغلة ..

ويروح لهيثم ..

وفى اثناء الطريق مصطفى مبيفكرش غير فى الكلمة اللى سمعها من مديرة

لو مشاكلك اتمكنت منك هتخصر كل حاجة يا مصطفى

ويقابل هيثم ..

هيثم : مصطفى مش ملاحظ انك اتغيرت الايام دى كتير

مصطفى : لا يا هيثم فية اية

هيثم : انت اللى فى اية

انت من ساعة فرح مرام وانت مش انت

مصطفى : معرفش بس فية حاجات كتير جوايا

فية اللى مكسور وفية اللى انا مش فاهمة

انا مبقتش مستحمل اى حاجة

هيثم : قولى بس فية اية

مصطفى : مفيش عايز اتقدم لشروق وطلعت مبتخلفش

ومرام دلوقتى بتقرب ليا

وانا واقف فى النص بينهم مش قادر افهم اى حاجة

كل حاجة جوايا متغلبطة يا هيثم

هيثم : اية اللى انت بتقولة دة

مرام اية يا مصطفى دلوقتى

انت مش بتحب شروق

مصطفى : بحبها

بس انا نفسى يبقى عندى ابن اربية واكبرة

نفسى يبقى ليا حد يملى عليا حياتى يا هيثم

وهيثم يسكت

هيثم : طيب انت قررت اية دلوقتى

مصطفى : مش عارف

ويسيبوا بعض ويروحوا ..

ومصطفى يلاقى شروق بتكلمة ...

شروق : اذيك يا مصطفى

مصطفى : كويس

انتى مال صوتك ؟؟

شروق : لا مفيش

مصطفى : انتى بتعيطى يا شروق ؟؟

شروق : لا لا

المهم انت مالك

مصطفى : انا مفيش

شروق : لاء يا مصطفى استحالة

انت متغير ومبقتش تتصل بيا زى زمان

انا كنت ببقى علطول حساك جمبى

دلوقتى مش حساك

كنت علطول شيفاك جمبى

دلوقتى مش شيفاك

تعرف الحاجة الوحيدة اللى بقت تهدينى دلوقتى

هى السلسلة يا مصطفى

بقيت حاسة ان الحاجة الوحيدة اللى فضلالى منك هى السلسلة

لانك مبقتش معايا

ومصطفى يسكت ..

وشروق دموعها تزيد

شروق : مصطفى انا هخش انام

مصطفى : وانا كمان

ويقفلوا مع بعض ....

شروق فى سرها ..

مالك يا مصطفى

قولى مالك

انا مش مصدقة اللى انا حساة منك دة

انا ماسكة السلسلة

لان دة الوعد اللى انت وعدتهولى

مش عايزة اصدق اللى انا حساة

لان انا حاسة

انك عايز تسيبنى يا مصطفى .....

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة السابعة عشر )

وشروق تنام والسلسة فى ايديها ..

ومصطفى ينام ...

يصحى مصطفى

ووالدتة تندهلة

والدتة : اية يا مصطفى قررت اية ؟؟

مصطفى : بصى يا ماما

تفتكرى هلاقى احسن من شروق عروسة ليا ؟؟

والدتة : اكيد لاء يا حبيبى

بس انا نفسى افرح بعيل ليك

مصطفى : طيب ما انا كان ممكن اعرف موضوع الخلفة دة بعد ما اتجوزها كان اية هيبقى الموقف ساعتها

لا يا ماما شروق دى اطيب انسانة شفتها فى حياتى

ومقدرش اكسر قلبها

دة غير ان مفيش انسانة هبقى سعيد معاها غير شروق

ولو على الخلفة

فانا سايبها على ربنا

محدش يعرف بكرة فية اية

روحى لام شروق يا ماما واطلبيها منها

والدتة : بس

مصطفى : ماما انتى مش عايزة تشوفينى مبسوط

انا مش هبقى مبسوط غير مع شروق

والدتة : خلاص يا حبيبى انا هكلمها

ويروح مصطفى لمرام ...

مصطفى : عاملة اية اية يا مرام دلوقتى

مرام : انا بقيت كويسة خالص

انا هخرج النهاردة يا مصطفى

والله دة علشان انت جمبى

انا على فكرة هقول لخطيبى دة انى مش عايزاة وهحاول اجيبهالو بطريقة حلوة

مصطفى : ودة لية يا مرام

مرام : مش قادرة احس منو بحاجة يا مصطفى

مش قادرة احس بغيرك

مصطفى : مرام علشان خاطرى متفتحيش الموضوع دة تانى

ومتسبيش خطيبك دة شكلة بيحبك

احنا خلاص مينفعش نكون لبعض تانى

ومرام دموعها تنزل ...

مرام : بس انا يا مصطفى مش عايزة غيرك

مصطفى : ياريت متصعبيهاش عليا

لو عيزانى افضل جمبك اعتبرينى اخوكى

وانا هفضل جمبك لو احتجتينى فى أى حاجة

مرام : ماشى يا مصطفى بس توعدنى ان وقت ما احتجلك هلاقيك جمبى ؟؟

مصطفى : اوعدك يا مرام

ومصطفى يسيبها ويروح شغلة ..

والمدير يطلبة ...

المدير : مصطفى ها بقيت احسن ومركز ؟؟

مصطفى : اة الحمد لله

المدير : طيب عايزك تفصل بين حياتك الشخصية خالص وشغلك

علشان فى شغل مطلوب مننا لو عملناة هنحقق ربح كبير

علشان كدة عايز كل تركيزك فى الشغل دة

مصطفى : ان شاء الله يا فندم اكون عند حسن ظن حضرتك

المدير : انت قد الثقة دى يا مصطفى

ولو انا مش واثق فيك مكنتش اعتمدت عليك

ومصطفى يخلص شغلة و يقابل هيثم

هيثم : انا خلاص هتقدم لراندا اهو

مصطفى : لا والله

مصطفى : يا سلام على الصدفة

انا يا ابنى خليت امى تروح تكلم ام شروق النهاردة علشان هخطبها خلاص

هيثم : بجد

مصطفى : اة والله

هيثم : يعنى انت خلاص قررت انها شروق

مصطفى : اة يابنى انا مش هلاقى زى شروق

دى اطيب انسانة شفتها فى حياتى

هيثم : ياة اخيرا

بجد شروق انسانة تستاهل بجد

ربنا يتتملكوا على خير

مصطفى : يارب

نفسى افرح شروق

تعرف

كفاية انها مستعدة تبيع عمرها علشان تشوفنى سعيد وترضينى

هيثم : اة فعلا

وانا بقى ان شاء الله هنتكلم معاهم بس انا مش هخطب انا عارف راندا اكتر من نفسى

والحمد لله امورى متظبطة وان شاء الله لما يوفقوا نتفق على كل حاجة

هنحدد ميعاد للجواز علطول

مصطفى : ربنا يوفقكوا يا هيثم يارب

تعرف انا لولا انى لسة معرفش امورى ماشية ازاى كنت عملت زيك

بس يللا ربنا يسهل

هيثم : يارب

ويروح مصطفى ويكلم والدتة ..

مصطفى : ها يا ماما ؟؟

والدتة : الف مبروك يا حبيبى

مصطفى : مبروك يا عروسة

شروق : الله يبارك فيك

مصطفى : اية يا شروق مالك معيطة انتى مش فرحانة ولا اية

شروق : انا يا مصطفى دة انا اسعد انسانة فى الدنيا

بس فى نفس الوقت اتعس انسانة فى الدنيا

مصطفى : لية يا شروق فية اية

شروق : ماما قالتلى انى مبخلفش وانك متقدملى وعرفت انك موافق

بس انا عارفة انكقد اية نفسك فى عيل

انت اصلا بتحب الاطفال جدا

وكدة انا هحرمك من حلمك

مصطفى : حلمى هو انتى يا شروق

شروق : والله وانت اجمل حلم حلمتة فى حياتى

بس انا عايزة اشوفك مبسوط

مترتبطش بيا يا مصطفى وصدقنى مش هزعل

عارفة ان سعادتك فى طفل

وانا مش هقدر احققلك السعادة دى

ابعد يا مصطفى وانا والله مش هزعل منك

مصطفى : انا سعادتى جمبك يا شروق

اللى بتقولية دة يبقى مش عايزانى ابقى فرحان

والله متتصوريش انا فرحان ازاى

شروق : بجد يا مصطفى

يعنى مش هتبقى زعلان فى يوم من الايام ؟؟

مصطفى : هبقى زعلان لو ملقتكيش جمبى

وشروق تبتسم والسلسلة فى ايديها ...

شروق : ياة انا روحى رجعتلى

انا بحبك اوى يا مصطفى

والله بحبك اوى

انا اسعد انسانة فى الدنيا دى

مصطفى : وانا والله بحبك اوى

وتسكت شروق شوية

شروق : مصطفى ممكن اقولك حاجة ؟؟

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الثامنة عشر )

مصطفى : قولى يا شروق

شروق : ممكن اروح اكشف جايز يكون فية امل انى اخلف

ولو الدكتور أكدلى ان مفيش امل

فكر تانى يا مصطفى !!

صدقنى مش هزعل

انا بجد كدة هفرح

هفرح انى اشوفك مبسوط

مصطفى علشان خاطرى لو انت متجوزنى علشان ترضينى بس بلاش

مصطفى : يا بنتى فرحتنى معاكى

وضحكتى معاكى

وحياتى معاكى

وكل حاجة جميلة ليا برضة معاكى

عيزانى اسيب دة كلة

ازاى يعنى

انا مش عايز غيرك

شروق : انا محظوظة بيك يا مصطفى

انت اجمل انسان فى الدنيا

مصطفى : لا يا شروق انتى اللى اجمل انسانة فى الدنيا

وتمر الايام فى انتظار تحديد يوم خطوبتهم ...

ومصطفى يروح الشغل ..

والمدير يكلمة ..

المدير : مصطفى شغلك اللى طلبتة منك جميل جدا

اجمل من اللى اتوقعتة كمان

مصطفى : شكرا يا فندم وان شاء الله دايما اكون عند حسن ظن حضرتك

المدير : طيب وعايز اقولك خبر

مصطفى : اتفضل حضرتك

المدير : انت اترقيت وبقيت مدير القسم بتاعك

مصطفى : بجد

المدير : الف مبروك يا مصطفى

مصطفى : ربنا يخليك يا فندم

انا بجد مش عارف اشكر حضرتك ازاى

ويطلع مصطفى فرحان ويخلص شغلة ويقابل هيثم ..

هيثم : اية يابنى شكلك مبسوط اية اللى حصل

مصطفى : انا اترقيت يا هيثم

هيثم : اية دة بجد

مصطفى : اة وربنا يا هيثم

هيثم : الف الف مبروك

وربنا فرحتلك اوى

مصطفى : تعرف اكتر حاجة فرحتنى فى الموضوع دة اية

هيثم : اية ؟؟

مصطفى : انها عرفتنى طريقى هيمشى ازاى يا هيثم

تقريبا عرفت امورى ماشية ازاى

دخلى وكل حاجة

ازاى هعيش شروق

انا عايز اعيشها احسن عيشة واخليها اسعد انسانة

دى لما هتعرف انى اترقيت هتفرح اكتر منى

علشان كدة هفرحها مرتين

هيثم : ازاى يعنى

مصطفى : ان شاء الله لما اروح احدد ميعاد الخطوبة هيبقى جواز علطول

مش هنعمل خطوبة يا هيثم

هيثم : بتتكلم جد

مصطفى : اة والاهم من كدة بقى

ان هنعمل فرحى وفرحك فى يوم واحد

هيثم : وانا موافق دى هتبقى احلى ليلة وربنا

انا اطول ان فرحى يكون مع صاحب عمرى

دة اجمل خبر سمعتة النهاردة

مصطفى : والله يا هيثم فعلا انت اكتر انسان عرفتة وبثق فية

هيثم : ربنا يديم المعروف يا ريس

مصطفى : طب بقولك اية

هيثم : اية ؟؟

مصطفى : بكرة انا هاخد شروق مشوار كدة بعد الشغل وبعدها اكلمك واشوفك

يعنى اتأخر ساعة كدة

هيثم : طيب خلاص تمام هستنى منك تليفون

ويروح مصطفى ويكلم شروق ..

مصطفى : وحشتينى يا حياتى وعمرى وروحى كلها

شروق : وانت وحشتنى اوى

بس اية الروقان دة

مصطفى :بزمتك فية حد يكلم القمر دة كلة وميبقاش رايق

دة انتى عثل وربنا

شروق : لالا فية حاجة انا عارفاك لما بتكون رايق قول قول

مصطفى : انا اترقيت يا شروق وبقيت مدير القسم اللى انا فية

شروق : انت بتتكلم جد

مصطفى : اة وربنا

شروق : انا مش مصدقة نفسى

مصطفى : شفتى بقى وشك حلو عليا ازاى

شروق : لا يا مصطفى دة علشان انت تستاهل كل خير بس

مصطفى : لا علشان انتى وشك حلو عليا بجد

بقولك اية

بكرة بقى نروح نكشف زى ما انتى اقترحتى

نعمل محاولة ولو دة مش نصيبنا يبقى خلاص نحمد ربنا

لان فى النهاية اللى عايزة ربنا هيكون واحنا راضيين بنصيبنا

شروق : ونعم بالله

يعنى مش هتكون متضايق

مصطفى : لاء مش هبقى متضايق علشان قولتلك قبل كدة عمرى معاكى

انا بكرة هخلص شغل واكلمك

ويقفلوا مع بعض ويناموا ..

ومصطفى يروح شغلة ..

ويكلمها ..

مصطفى : يللا يا حبيبتى البسى عقبال ما اجى اخدك ونروح نكشف

شروق : انا خايفة

مصطفى : خايفة من اية

شروق : خايفة ان انت تكون حاطط امل وفى الاخر يطلع مبخلفش فعلا

واكون ضيعتلك فرحتك اللى بتتمناها يا مصطفى

مصطفى : طب لية ما تقوليش ان فرحتى اللى بتمناها هى انتى يا شروق

شروق : طيب يا حبيبى خلاص هخش البس اهو

ويعدى مصطفى على شروق ويروحوا للدكتور ..

الدكتور يكشف عليها ...

مصطفى : ها يا دكتور

الدكتور : فعلا خطيبتك مبتخلفش

بس فية امل يمكن يكون ضعيف بس اهو بنعمل محاولة

فية الدوا دة وبعض التمارين الرياضية تمشى عليه وان شاء الله يكون دة الشفا ليها

مصطفى : يارب يا دكتور

ويروح مصطفى يوصل شروق للبيت ..

شروق : مصطفى الامل ضعيف لو مش هتقدر قول

مصطفى : متقعديش تقولى كدة كتير بقى

انا مش هتجوز غيرك

واقولك حاجة

امشى على اللى قالو الدكتور وانا مش هسالك تانى اصلا

وسيبى اللى عايزة ربنا يكون

واللى هيحصل انا راضى بية

والحمد لله على كل شئ

ثم كفاية ان انت معايا يا شروق

والله انتى بقيتى حياتى بجد والحلم اللى بقيت عايش لية

ومصطفى يوصل شروق ويكلم هيثم ويتقابلو ..

هيثم : اية كنت فين

مصطفى : مفيش كنا بنشوف موضوع الخلفة دة عند الدكتور

هيثم : وقال اية ؟؟

مصطفى : قال احتمال ضعيف

هيثم : الحق شوف مين جاى علينا

مصطفى : مين ؟؟

محمود !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة التاسعة عشر )

محمود : ازيك يا مصطفى

ازيك يا هيثم

هيثم : ازيك يا محمود

محمود : مصطفى بقولك ازيك

مصطفى : الحمد لله

محمود : انا عارف انك زعلان منى وعارف ان حقك

بس معلش متزعلش ومتقلقش ربنا خدلك حقك منى انت وشروق

هيثم : انت اتجوزت يا محمود

محمود : انا اتجوزت وطلقت

انت اتجوزت ؟؟

هيثم : لاء لسة بس قريب ان شاء الله وهيكون فرحى انا ومصطفى فى يوم واحد

محمود : بجد

دة خبر كويس جدا

انت هتتجوز راندا يا هيثم ومصطفى مرام مش كدة

هيثم : انا هتجوز راندا بس مصطفى هيتجوز شروق

محمود : شروق !!

هتتجوز شروق يا مصطفى ؟؟

مصطفى : اة

محمود : ربنا يوفقكوا شروق انسانة كويسة وطيبة

ومش هتلاقى زيها بجد

ابقى اعتذرلها بالنيابة عنى ومعلش يا مصطفى فى اللى كنت عايز اعملة فى خطيبتك

مصطفى : نعم كنت عايز تعمل اية

انت عمرك ما كنت تعرف تعمل حاجة طول ما انا جمبها اصلا

هيثم : بس يا جماعة فية اية انتوا هتتخانقوا

محمود : بعد اذنكوا علشان عايز امشى

مصطفى : يبقى احسن

هيثم : بس يا مصطفى

فرصة سعيدة يا محمود

ومحمود يمشى ...

هيثم : اية يابنى فية اية

مصطفى : انت مشفتوش ياعم دة حرق دمى

بجد انسان اتخدعت فية من الاول

وعلى العموم ربنا يهدية

ويلاقى موبايلو بيرن ...

الو

مصطفى : الو

مين معايا

... : انا محمد اللى معاك فى الشغل

مصطفى : اة اذيك

محمد : انا تمام

انا قولت اباركلك لما عرفت انك اترقيت الف مبروك يا مصطفى

مصطفى : الله يبارك فيك يا محمد عقبالك

محمد : ربنا يخليك يا مصطفى

بقولك اية لو عوزت منى اى حاجة قولى

مصطفى : ربنا يكرمك يا محمد

وشكرا يا معلم على السؤال

ويقفلوا مع بعض ...

هيثم : مين محمد دة يا مصطفى

مصطفى : دة زميلى فى الشغل بس انسان كويس جدا

ولما بيحصل اى حاجة بيقولى وبينبهنى

وهو اللى قالى على موضوع مرام كمان

بس مشكلتة انى عمرى ما شفتة بيضحك

هيثم : ومين بيضحك يا مصطفى محدش مرتاح فى دنيتو

حتى الانسان اللى بيبقى فى حياتة حاجة تفرح لازم تطلع حاجة تنكد علية

مصطفى : عندك حق

بس هى دى سنة الحياة ولازم نعيشها بالطول وبالعرض ونتعلم منها

يللا نقوم بقى نروح

هيثم : اة يللا

ويروحوا ومصطفى يكلم شروق ..

مصطفى : اية حبيبتى عاملة اية النهاردة

شروق : حبيبتك اسعد انسانة فى الدنيا طول ما انت معاها

طب اقولك على حاجة

طول عمرى بسمع ان مفيش انسان مرتاح فى الدنيا ولا سعيد

وان دايما الحزن بيبقى لية اثر كبير اوى فى حياة الانسان

بس انا بقى عمر الحزن دة ما أثر فيا

تعرف انا من الناس اللى السعادة علطول معاها

انا جوايا حاجات يا مصطفى ليك مش عارفة اوصفها

بس عارفة انك حاسسها لانها طالعة من جوايا بجد

انا كل اللى فكراة فى حياتى كلها

انى سعيدة

ربنا يخليك ليا يا اجمل انسان فى الدنيا

ويقفلوا مع بعض ...

مصطفى فى سرة ...

وانا يا شروق مش هعمل فى حياتى غير انى اسعدك

وعمرى ما هعاملك غير اللى يرضى ربنا

وعمرى ما هظلمك

وربنا يقدرنى واقدر اردلك اللى بتعملية معايا دة

ويروح مصطفى شغلة ...

مصطفى : شكرا يا محمد على مكالمتك

محمد : لا متقولش كدة دة واجب عليا

مصطفى : انت خاطب ؟؟

محمد : لاء

معندكش عروسة بدور اهو

مصطفى : انت مش بتحب حد ولا اية ؟؟

محمد : حب !!

يعنى اية حب ؟؟

انا طول عمرى بسمع الكلمة دى بس معرفش معناها

تعرف انا كنت بنام واصحى على امل انى الاقى الانسانة اللى احبها وتحبنى

بس اكتشفت ان الحب دة وهم بنضحك بية على نفسنا

مصطفى : لا يا محمد الحب موجود

وفية الناس اللى بتحب بجد

محمد : حب من طرفين دة اقرب للخيال

قليلين يا مصطفى

عموما انا قررت انى لما اتجوز

اتجوز جواز صالونات

افكر بعقلى شوية

مصطفى : لية يابنى النكد دة بس دة الحياة لسة فيها حاجات حلوة

محمد : هسألك سؤال

كام واحد فينا حب ومكملش مع اللى بيحبة

سبب واحد من الطرفين

او بسبب القدر

كام واحد فينا منجرحش فى حياتة يا مصطفى

صدقنى مفيش

مصطفى : اة ممكن يكون قليل بس فية اللى بينجرح ويقوم وفية اللى بيفضل جرحة مغمى عنية

بيقول انا مظلوم وان الحظ والدنيا مش ليا

مع انة لو قام وشال اللى على عنية هيشوف حاجات كتير مكنش شايفها

هيشوف ناس بتحبة بجد

جايز ميكونش فى حب ليهم من جواة بس على الاقل سعادتة بتبقى معاهم

محمد : مصطفى انا حاسس انك بتقول الكلام دة علشان تثبت حاجة لنفسك

ومصطفى يسكت ويتكلم فى سرة ..

اثبت حاجة لنفسى !!

انا مش محتاج اثبت انا فعلا سعادتى مع شروق مش مرام

ومهما كان

عمرى ما هجرحها

انا هعوضها

لازم اعوضها

ويلاقى هيثم بيتصل بية ...

هيثم : مصطفى سيب شغلك وتعاالى دلوقتى حالا عايزك ضرورى !!

( انتظروا الحلقة القادمة )

عذرا

سأنقطع

اسبوع

لظروف

سفرى
ولى
عودة
يأذن
الله

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة العشرون )

ومصطفى يسيب شغلة ويروح لهيثم

مصطفى : فية اية يا هيثم

هيثم : فاكر لما اتكلمت معاك امبارح

وقولنا اننا نشوف امورنا ونظبط علشان نخلى فرحنا الاسبوع الجاى مع بعض

مصطفى : اة يا هيثم بس دة مكنش كلام اكيد

دة مجرد اقتراح بينا وبين بعض

هيثم : اة فعلا انت كلمت شروق فى الموضوع الاول ؟؟

مصطفى : لاء لسة كنت هكلم واقولك نتقابل احنا الاربعة ونتفق كلنا مرة واحدة

هيثم : اة طيب المهم

انا كنت بكلم راندا وكنت بقولها اية رأيك وكدة

فهى فرحت جدا

مصطفى : طيب فين المشكلة ؟؟

هيثم : المشكلة بقى

انت عارف ان راندا ومرام اصحاب وتقريبا كلامهم كتير مع بعض

مصطفى : اة

هيثم : المهم راندا مخدتش بالها وكانت بتتكلم مرام وقالتلها ان احتمال فرحها يكون

الاسبوع الجاى

وقالتلها ان فرحها وفرح مصطفى وشروق هيكون مع بعض

ومرام مستحملتش الخبر دة

مرام تعبانة اوى يا مصطفى ومحتاجلك بجد

بص يا صاحبى

انا عارف ان مرام بتحبك جدا وانك كمان بتحبها جدا

بس اللى انا طالبة منك انك تحاول تاخد بأيديها

بس اوعى تجرح شروق

لان شروق عمرك ما هتلاقى زيها

مصطفى : طيب خلاص انا هروحلها

مصطفى فى سرة وهو فى الطريق ...

اية يا مرام

انتى لية بتصعبيها عليا

انا بحبك ومش سهل عليا انا كمان اننا نسيب بعض

بس قدرنا مش واحد !!

ويروح لمرام

مصطفى : اذيك يا مرام

مرام : الف مبروك يا مصطفى

مصطفى : الله يبارك فيكى يا مرام

مرام انتى لية بتعملى فيا وفى نفسك كدة

مرام : علشان انا مش مستحملة انى اشوفك مش ليا

انا غلطت غلطة عمرى يا مصطفى

ونفسى اصلحها ومش قادرة

نفسى تسامحنى يا مصطفى

مصطفى : انا مش زعلان منك فى اى حاجة

بس علشان خاطرى متصعبيهاش عليا

قوميلنا بالسلامة

وحاولى تحبى خطيبك علشان شكلو بيحبك اوى

تعرفى

الحياة بتبقى حلوة لما تكون مع انسان بيحبنا بجد

مرام : بس هتكون احلى لو احنا الاتنين بنحب بعض

مصطفى : عندك حق

بس دة قدرنا

متضيعيش خطيبك منك يا مرام

متضيعهوش منك

ومصطفى يسيبها ويمشى ....

مرام فى سرها

بالسهولة دى يا مصطفى

بس تعرف

جايز يكون عندك حق

انا غلط ولازم ادفع تمن غلطتى

انا كنت انانية معاك

شروق اداتك كل حاجة وانا عمرى ما فكرت اديك اى حاجة

بحبك بس انانيتى مخلكش تشوف حبى دة

شروق عمرها ما كانت انانية

وصدقنى يا مصطفى انا اتعلمت الدرس

علشان كدة انا مش هفكر فى نفسى تانى

ومش هجرح خطيبى

هحاول احبو بس مقدرش اوعدك انى هنساك

وتفتح مرام شنطتها علشان تجيب منديل تمسح بية دموعها ويطلع فى ايديها ورقة مكتوب فيها

( بحبك وهفضل احبك لاخر عمرى ووعدى ليكى انى عمرى ما هسيبك تضيعى منى )

ومرام دموعها تزيد...

ياة ..

فاكر يا مصطفى الورقة اللى انت كتبتهالى دى

وفاكر الوعد اللى انت وعدتهولى

بس احيانا الوعد بيبقى مش اكتر من مجرد كلمة !!

ومرام تخرج من المستشفى ...

وتكلم خطيبها ..

خطيبها : اية يا مرام عاملة اية دلوقتى

مرام : انا كويسة الحمد لله

خطيبها : على فكرة انا كنت لسة هكلمك دلوقتى

مرام : لية فية حاجة ؟؟

خطيبها : اة بصى

انا عمرى ما هقدر اغصبك على حاجة انتى مش عيزاها

علشان كدة عمرى ما هقدر اخليكى تحبينى غصب عنك

وانا عمرى ما حسيت انك بتحبينى يا مرام

علشان كدة كنت هكلمك علشان نسيب بعض

مرام : لا لا انا بحبك

انا بس الايام اللى فاتت دى كنت تعبانة بس

وتعرف انا كنت بكلمك لية ؟؟

خطيبها : لية ؟؟

مرام : انت مش كنت عايز تعمل فرحنا من بدرى وانا كنت بأجلة

خطيبها : اة

مرام : انا موافقة نعملة فى اى وقت حتى لو انت عايزة بكرة

خطيبها : اية بتقولى اية ؟؟؟

مرام : بقول انا اسفة على كل اللى انت حسيتة منى الفترة اللى فاتت

وعيزاك تسامحنى وصدقنى بكرة مش هعمل اى حاجة فى الدنيا دى غير انى اخليك اسعد انسان فى الدنيا

خطيبها : هو مين معايا ؟؟

مرام : انا مرام حبيبتك

خطيبها : لا لا انتى مش مرام انتى بتضحكى عليا

ومرام تضحك وخطيبها يضحك

مرام : شايف الضحكة اللى انت بتضحكها دى

ربنا يقدرنى واخلى ضحكتك دى متسبكش طول عمرك

ويقفلوا مع بعض ...

وشروق تكلم مصطفى

شروق : وحشتنى يا مصطفى

مصطفى : وانتى وحشتينى

شروق : طيب يا حبيبى عايزاك فى موضوع كدة

مصطفى : قولى

شروق : انا هخلص شغلى بكرة وهعدى على صحبتى اقعد معاها شوية

مصطفى : لا يا شروق مينفعش احنا اتكلمنا فى الموضوع دة كتير

شروق انا زعلت منك كذا مرة قبل كدة لانك لما بتروحى فى حتة بتتاخرى ومبتخديش بالك

علشان كدة مش هديكى فرصة تتأخرى تانى

يا شروق انا برفض مش علشان عايز اخنقك كل الموضوع انى خايف عليكى

شروق : يا حبيبى عارفة بس بكرة بس

مصطفى : لاء لو عايزة تروحيلها استأذنى بدرى من الشغل وروحى البيت فى ميعاد شغلك مش هقولك حاجة

شروق : بس !!

مصطفى : مفيش بس

خلصى شغلك وروحى علطول

شروق : حاضر !!

ويخشوا يناموا ومصطفى يروح شغلة

ويكلم هيثم ...

مصطفى : اية يا هيثم بقولك اية عدى عليا على الشغل النهاردة

علشان نتمشى شوية

علشان انا مخنوق شوية ومحتاج اتمشى بدل قاعدة القهوة دى

هيثم : طيب خلاص

ويتقابلوا ..

وهما ماشيين ..

هيثم : اية بقى مالك

مصطفى : مفيش مخنوق شوية من موضوع مرام دة

ومصطفى يسكت

ومصطفى يشوف شروق قدام بيت صاحبتها

ومصطفى يتصل بشروق ..

مصطفى : الو

شروق : اية يا مصطفى

مصطفى : انتى فين يا شروق ؟؟

شروق : انا انا

مصطفى : انتى فين يا شروق ؟؟

شروق : انا

انا فى البيت !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

( الحلقة الواحد والعشرون )

شروق : اقصد مروحة البيت يا مصطفى

معلش انا متلغبطة شوية بس

ولما هروح هحكيلك

وشروق تشوف مصطفى ...

وتروحلة ..

وهيثم يسيبهم ويمشى ..

شروق : مصطفى انا اسفة بس والله هشرحلك

مصطفى : هتشرحيلى اية انك كدبتى ؟؟

شروق : والله انا ما كدبت عليك

يا مصطفى انت كل حاجة ليا فى حياتى ومقدرش اكدب عليك

مصطفى : انا مش قولتلك متروحيش لصاحبتك علشان انتى بتنسى نفسك وبتتاخرى

شروق : عارفة والله

مصطفى : وامال اية اللى حصل دة ؟؟

شروق : بص كل الموضوع انى كنت هاخد حاجات من صاحبتى دى

فخلصنا شغل وقولت اروح اخدها منها واروح علطول

بص فى ساعتك هتلاقيها دة ميعاد خروجى من الشغل

والله يا مصطفى انا مارضيت اطلع معاها حتى شقتها

علشان اسمع الكلام اللى انت قولتهولى

مصطفى : وقولتيلى لية انك فى البيت ؟؟

شروق : والله معرفش بس انا اتلغبطت

خفت اقولك انا عند صاحبتى باخد منها حاجة فانت تفهم غلط وتزعل

صدقنى مقدرتش افكر ساعتها فى حاجة

وانت شفت اهو بعديها لما فكرت قولتلك ووالله قولتلك قبل ما اشوفك

انا اسفة يا مصطفى

بس عايزة اقولك حاجة

انا عمرى ما هيجى اليوم فى حياتى اللى اكدب عليك فية

مصطفى انت تعرف

انت حلم انا طول عمرى بحلمة

وكنا اخوات وعمرى ما كدبت عليك فى حاجة

تفتكر لما احقق حلمى هكدب عليك

ربنا يعلم انا ببقى عايزة اشوف علطول نظرة الفرح فى عنيك

تتوقع هيجى اليوم اللى هخلي فى عنيك نظرة حزن

ومصطفى يسكت

مصطفى : طيب يا انسة يللا نروح

شروق : انت لسة زعلان منى ؟؟

ومصطفى ميردش

شروق : مصطفى هسألك سؤال

هو انتى مش بتحبنى ؟؟

مصطفى : اكيد بحبك

شروق : يعنى ليا خاطر عندك ؟؟

مصطفى : اكيد طبعا

شروق : طيب ممكن علشان خاطرى متزعلش بقى

وصدقنى بعد كدة مش هتشوف حاجة تضايقك منى

مصطفى : طيب خلاص يا شروق

شروق : بجد

مصطفى : بجد

شروق : والله بحبك ومليش حد فى الدنيا غيرك

اقولك على حاجة يا مصطفى

مصطفى : قولى

شروق : انا بقيت عايشة فى الدنيا دى مش شايفة ولا حاسة غير بيك

وانت معايا ببقى ناسية الدنيا كلها ومببقاش خايفة من اى حاجة

وانت مش معايا ببقى لابسة السلسلة وحاسة بيك جمبى

وبمشى مش بخاف برضة من اى حاجة

حاسة معاك بالامان وبالحب والحنان

حاسة اجمل احساس بجد

ساعات بعمل حاجات بتزعلك يا مصطفى

بس مببقاش قاصدى

صدقنى نفسى اعمل كل حاجة تفرحك

تعرف

لما اتاخرت فى يوم وانا بجيب لبس وروحت وشوفت انى ضايقت وانى قلقتك عليا اوى كدة

انا قعدت اعيط والوم نفسى ومعرفتش انام يوميها

وقعدت افكر اية اللى يخليك فرحان

مصطفى مش عايزاك تزعل منى فى اى حاجة لانك عندى كل حاجة

وتمر الايام

مصطفى يكلم هيثم ...

مصطفى : بقولك اية النهاردة بعد الشغل هات راندا وانا هجيب شروق ونقعد مع بعض بقى

علشان نشوف ميعاد يناسبنا كلنا

ونخلى اهلنا يتكلموا على الاساس دة

هيثم : طيب فل

وكلهم يتقابلوا ويقعدوا مع بعض ...

مصطفى : طبعا يا جماعة انا امى بتزن عليا ونفسها تفرح بيا

وهيثم نفس الموضوع والدتى ووالدة هيثم نفسهم يكون فرحنا امبارح قبل النهاردة

فعلشان كدة احنا هنتفق مع بعض ميعاد يناسبنا كلنا ونبلغ بية اهلنا ونشوف ردهم برضة

ويتكلموا يتقفوا مع بعض ان الفرح الاسبوع اللى بعد الجاى ...

ومصطفى يبلغ والدتة وتفرح جدا وتكلم والدة شروق وهى كمان توافق

وهيثم يكلم والدتة وتوافق ويتفقوا هما ووالدة راندا

مصطفى يكلم شروق ..

مصطفى : الف مبروك يا عروسة

كلها الاسبوع اللى بعد الجاى وهتبقى معايا طول عمرى كلة

شروق : انا بجد مش مصدقة يا مصطفى

معقول الاسبوع اللى بعد الجاى هتبقى معايا العمر كلة

مصطفى : اة معقول يا حبيبتى

ويقفل معاها ويلاقى هيثم بيكلمة ..

هيثم : اية يا مصطفى هتيجى بكرة ؟؟

مصطفى : فين ؟؟

هيثم : فرح مرام بكرة

مصطفى : اية دة بكرة ؟؟

هيثم : اة بكرة وهى بعتتلك دعوتك مع راندا كمان

مصطفى : لا يا هيثم خلاص مش هروح

ربنا يوفقها فى حياتها

مش هروح علشان مفكرهاش بجرحها وربنا يتمملها على خير

ويخش ينام ويصحى يروح شغلة ويخلص شغلة ويتمشى لوحدة

مصطفى فى سرة

ربنا يوفقك يا مرام فى حياتك

ويوفقنى مع شروق

جايز انا وانتى يا مرام كنا عايزين بعض

بس للاسف نصيبنا مش فى بعض

قدرنا مش واحد

عموما انا فرحانلك بجد لان خطيبك انسان كويس

وهيقدر يحافظ عليكى

وانا مبتمناش من ربنا غير انك تفضلى كويسة وربنا يسعدك

ومصطفى يلاقى نفسة قدام فرح مرام

هو انا جيت لية

طب انا قاصد اجى ولا جيت من غير ما اخد بالى

انا مش عارف حاجة !

بس اللى اعرفة انى نفسى اشوف مرام من بعيد لبعيد وامشى

ومصطفى يشوف مرام من بعيد ويدعيلها ان ربنا يوفقها فى حياتها

ويروح ..

وتمر الايام ..

وشروق تكلم مصطفى ..

شروق : انا مش مصدقة نفسى يا مصطفى بجد

معقول بكرة فرحنا !!

معقول هتبقى معايا طول العمر

مصطفى : والله يا شروق متتصوريش انا فرحان ازاى

شروق : طيب يا حبيبى بقولك اية انا هنزل اجيب شوية حاجات كدة واجى علطول

مصطفى : طيب يا شروق بس متتاخريش وانا كمان هعمل شوية حاجات كدة علشان ابقى جاهز بكرة

وهكلم كام عيل صاحبى كدة اخليهم يظبطوا عربياتهم علشان يزفونا

شروق : طيب يا حبيبى

مصطفى : شروق متتأخريش انا نبهت عليكى اهو تانى

شروق : خلاص يا حبيبى متقلقش

ويقفلوا مع بعض ..

يمر الوقت وشروق تبتدى تتأخر ومصطفى يكلمها متردش علية ..

مصطفى فى سرة

تانى يا شروق مبترديش يابنتى والله خايف عليكى

ربنا يستر

ومصطفى يلاقى موبايلو بيرن ..

شروق : الحقنى يا مصطفى

الحقنى !!

( انتظروا الحلقة القادمة )

__________________

|ღ|~ يومــــيــــــات ســــلسلــــــة فـــــضـــــة ~|ღ|

تابعونا فى الحلقات الجديدددددددة

|ღ|~ يومــــيــــــات ســــلسلــــــة فـــــضـــــة ~|ღ| 733290261

قالولى الحب له علامات فى نبض القلب والهمسات
وروح تنادى عليك و رعشة ايدى فى السلامات

فى عز سكوتنا نتكلم عيوننا بتحكى
وبتحلم وانا حسيت بأنفاسك تدفى ايديا و تسلم

بقولك اه ومن غير صوت تحبنى موت و احبك موت
واحساسنا يونسنا و ااقوى من الحياة و الموت