يحَـآكوَنَيَ وَآَنَآَ سَآَرَحَ وعَقَلَيَ معَكَـَ..}~

يحاكوني وأنا سارح ولا أسمعهم يحاكوني
أجاملهم وأنا عقلي معاك وخافقي سرحان

رغم كل العيون اللي معي وادري يحبوني
احس بغيبتك كني وحيد ولا معاي أنسان

يحاكوني يبون أنسى غيابك هم يحسبوني
أفكـر بالكلام اللي يقولونه عن النسيان

يحاكوني وأنا سارح ولا أسمعهم يحاكوني
أجاملهم وأنا عقلي معاك وخافقي سرحان

يهل الليل وألقاهم مثل كل ليل خلوني
وحيد وكلهم ناموا واتم بوحدتي سهران

وحيد أبقى مع دمعي مع همي مع شجوني
وأحس بخافقي كوكب مخاليقه قهر وأحزان

تعبت من الحياة اللي بها العالم تناسوني
وتعبت الدموع وهموم ومعاناة وشقى وحرمان

يلوموني ولاحسوا بعذابي من يلوموني
بعضهم ناصح وبعضهم عذول وبعضهم شمتان

قسم بالله لو عاشوا معاناتي يعذروني
وحرام اللي على الشاطئ يلوم اللي في البحرغرقان..

اسعدني مروكم

كل الود