معاكسات التليفونات.... و كمان شتايم .....ايه رئيك ؟؟؟؟؟, مفتوح للمناقشة ....تفضلوا شاركوا معانا

السلام عليكم

يا جماعه كنت عايز اعرف رئيكم في موضوع المعاكسات التليفونية

و بالذات علي الموبايلات

ايه رد فعلكم تجاهها

طيب لما يجي لحد منكم معاكسة ع الموبايل او ممكن نقول انها اشتغالة من حد يعرفه
بيتصرف ازاي

طيب و اللي يتبعت له رسالة فيها شتايم
ايه رد فعله ساعتها

طيب فيه حد عنده مواقف عن المضايقات و المعاكسات دي يحكيها هنا
و يقول عمل ايه و رد فعله كان ايه

و كمان عايز اعرف ايه رئيكم
هو اللي بيعاكس ده
بيعمل كده ليه
هل ده فراغ و خلاص
ولا هو فعلا بيفرح لما يضايق الناس

اتمني الموضوع يعجبكم و تتفاعلوا معاه
شكرا ليكم

و تقبلوا تحياتي

----------------------------------------

عايز تعرف رئينا في موضوع المعاكسات التليفونية

أكيد شئ سخيف جداً ..

أقولك ياهانى أنـا بالظبط من أواخر شهر يناير كده وهبطت على موبايلي العديد والكثير من أرقام غريبه لاحصر لها

يمكن عدوا ال300 رقم وعندي في الرسايل بتاعتي ما لايقل عن 50 رساله " كلمني شكراً " لدرجةإني بناشد

فودافون يخترعوا رسالة " مش هااكلمك عفواً "

ومش عارفه بصراحه هما مصدقين اللي بيعاكسوا دول إني هااتصل بيهم وهااكلمهم ولا ايه ناس

عبطوطي صحيح ، عايزين يرغموني أغير رقمي المميز

أحياناً لو حد من إخواتي موجود يرد لو مش حد موجود بسيبه يرن لو الموضوع طول بضطر أرد انـــا وعلى حسب

بقى في ناس كتير بتبقى طالبه حد فعلاً وغلطانين بالرقم وبيعتذروا عن الإزعاج وبيقلوامشكورين وفي ناس بس

بيبقى غرضهم السخافه دول بقى بتعمل معاهم حاجه من اتنين يانتساخف زيهم ونقل قيمتنا يابنقفل الخط ونكبر

دماغنا وده الارجح اللي بعمله ..

انتا بتقول طيب و اللي يتبعت له رسالة فيها شتايم ايه رد فعله ساعتها

لاء مش حصلتلي والله ويارب ماتحصل يعني جالي مسج كلها رومانسيه في عيد الحب شكلها وصلت خطأ في

الشبكه

انتا بتقول كمان طيب فيه حد عنده مواقف عن المضايقات و المعاكسات دي يحكيها هنا و يقول عمل ايه و رد فعله كان ايه

مره واحد اتصل بيا وقالي معاكي العميد مش عارف ايه كده قلتله اهلا وسهلا خير عايز مين قالي انتي رقمك ده

معمول ضده بلاغ معاكسه انا هااقفل انا بقى واتصلي انتي بيا عشان تعرفي التفاصيل وتيجي تمضي ع المحضر

لأنه لو مش اتصلتي بيا دلوقتي هانضطر نجي نقيض عليكي وتبقى مصيبه سودا قلتله اوكي انا عايزاكم تيجوا

تشرفوني هنا وتقبضوا عليا لأنه مش هااتصل بحضرتك اصلاً واللي يبلغ يبلغ سوري يعني طبعاً لقيت وابل من

الشتايم يهبط على مسامعي فقفلت السكه فوراً

مره تانيه واحد اتصل أنا فاكره اني كنت حاطه Call Tone لأليسا بقول الو قالي ايوه

ياربي ياربي صوت اليسا جميل واللي بترد صوتها اجمل ايه رأيك ياقمر نتعرف قلتله اه وماله انت فاضي ؟ قالي

طبعاً قلتله طيب يلا ياشاطر شوفلك واحده فاضيه زيك تتعرف عليها وقفلت

مره رقمي القديم أنا اصلاً غيرته بسبب معاكسه استمرت بتاع 6 شهور من شاب تونسي رخم بغباء والدي هزأه

وأخواتي وكل الناس هزأته وده مفيش إحساس نهائي كان بيقعد يبعتلي صوره قال يعني لما هااشوفه بقى

هااوافق نتكلم مع بعض وبتاع ومسجات واتصالات 24 ساعه خنيييييييييق وجه مصر واتصل وللأسف أنا اللي رديت

كنا ايام امتحانات سنه ثالثه كليه انا فاكره بقول الو لقيته هو بيقولي لقد اتيت الى مصر الآن وأريد أنا أراكي يافتـاه

ده طبعاً لأنه مش عرف يوصل عن اي معلومه عني لا اسمي ولا اي حاجه عني قلتله مصر منوره استمتع بقى

فيها ..

أكتر حاجه كانت بتضحكني بصراحه طريقة كلامه بحس إني في كارتون مدبلج

انتا بتقول و كمان عايز اعرف ايه رئيكم هو اللي بيعاكس ده بيعمل كده ليه هل ده فراغ و خلاص ولا هو فعلا بيفرح لما يضايق الناس

من وجهة نظري هي حاجه من إتنين ياإما هو فاضي وعنده هسهس بيحب يعاكس في التليفونات كتير ياإما رصيده

كتير مش عارف يعمل بيه إيه فبيخلصه في الهبل ..

وفي كلتا الحالتين دي تفاهات وعبط ..

ههههههههههههههههههههههههه اضحكك وانا بكتبلك الرد جات نمره غريبه بيجيوا ع السيره

ميرسي للموضوع الجميل ده ودايماً متميز ياهانو وسوري على الاطاله ..

مشكووووور هاني ع الطرح

الشخص اللي بيشم او بيعاكس انسان مريض

ولا يوجد لدية رقيب او حسيب.. لو هوة انسان محترم بيعمل حساب ان الله رقيب عتيد وسوف يحاسب

لكن دي نفوس ضعيفه

عافانا واياكم الله منهم