@ في غيابكـ راح مني نصف عمري @

والله انـه راح منـي نصـف عمـري فـي غيابـك
واعرف إني شلت همي تاركن حبي علـى الله..

كني أبعـد مـن نجـوم الليـل وأقـرب مـن ثيابـك
ياعسـاك وياعسانـي وياعسانـا وياعـسـا الله..

ياعسـى الدنيـا تمـوت ومـا يعـيـش إلا تـرابـك
يـا أحبـك واعشقـك واهــواك وإلا يفـتـح الله..

ماتـعـودت افتـخـر باحسـاسـي إلا تـحـت بـابـك
ايـه أحبـك والقضـيـة واضـحـة والشـاهـد الله..

يطرد المظلوم خصمة وأنت خصمـي ياهـلا بـك
ياهـلا بـك يـوم تجـرح خافـقـي ويسـامـح الله..

ياهـلا بـك يـوم تلحـق غيمتـي والحـق سرابـك
جـابـك الله فــي حيـاتـي ياحيـاتـي جـابــك الله..

ليش مدري وين مدري كيف مدري بس جابـك
كـل ماقلـت ابتديـنـا فــي المحـبـة قـلـت يالله ..

مـادريـت ان النهـايـة بـيـن بـعـدك واقـتـرابـك
إنظلـمـت ولا شـكـيـت ولاتـركــت الأمـــر لله..

كـان همـي انتظـر بـاقـي عـذابـك فــي عـذابـك
الله الله انـتــبــه واحـــــذر وفـــكـــر والله الله..

مثل ما أحسب حسابي في هواك أحسب حسابك
ماطلـبـت المستـحـيـل ولا رجـيـتـك شـــي لله..

ما طلبتك ارتفـع مـن حجرتـي واسكـن سحابـك
يصـرخ القـلـب المـعـذب يالمـعـذب وكــل الله..

شاب حبك في عيونـي وانـت تـوك فـي شبابـك
رحت شي وجيـت شـي مختلـف ياحسبـك الله..

صدق إني مابغيت اجلـس مـع حضـرت جنابـك
غـيــرك ذاك الـزمــان ويـازمـانـي مـنــك لله..

ليـش ماغيـرت فينـي شــي يــوم إنــي أهـابـك
لـيـش ماعلمتـهـم عــن قصـتـي وتـوحــد الله..

يعرفـون انـك سـؤال ويعـرفـون انــي جـوابـك
ويعرفون اني حلفت ولا أعرف أغلى من الله..

والله انـه راح منـي نصـف عمـري فـي غيابـك
واعرف اني شلت همي تاركن حبي علـى الله..

رااااااااااااااااااااائعة
واكتر من رائعة
تجنن مشااااعر
انا بموت فى اللهجة الخليجى
يسلم ذوقك الراقى

تسلمي همسات لمرورك الكريم

ذوقك بردو رائع يا قمر وانا بحب الشعر الخليجي

@ في غيابكـ راح مني نصف عمري @ 296241

يعرفـون انـك سـؤال ويعـرفـون انــي جـوابـك
ويعرفون اني حلفت ولا أعرف أغلى من الله..
@ في غيابكـ راح مني نصف عمري @ 0076